Segurtasun Sailak gutxienez hiru ertzain zigortu ditu, eraso matxisten biktima batzuk desegoki artatzeagatik
Arartekoak “praxi okerra” antzeman du, eta biktimekin aritzen diren ertzainei "enpatiaz" jokatzeko neurriak eskatu dizkie, indarkeria matxista kasuetan bereziki.
Arartekoak jasotako kexa emakume batek iaz Bilboko bi ertzain-etxetan jasan zuen tratuaren harira dator, sexu eraso bat salatzera joaterakoan, Berria-k jaso duenaren arabera. Emakumea segurtasunik gabe sentitu zen komisarian: emakumezko poliziarik ez zegoen, pribatutasuna eskatu behar izan zuen itxaron gelan artatu zutelako, eta ertzain baten “jarrera penagarria” pairatu zuen. Ertzaintzaren tratu desegoki horiek aspalditik dira kezka iturri bat biktima taldeen eta eragile feministen artean.
Biktimaren inguruko “segurtasun klima bat” osatzea eskatu dio Arartekoak Segurtasun Sailari, gogoaraziz ertzainen eginbeharra dela “tratu egokia eta arretazkoa” ematea biktimei, epairik eta tokiz kanpoko iruzkinik gabe. Hala ere, Arartekoak azaldu du ez duela kasuaren balorazio osoa egin, Segurtasun Sailak ez diolako bidali eskatutako dokumentazio guztia, kexak aztertu dituzten ertzainen arduradunen arabera ez zelako egon tratu desegokirik. Arartekoak adierazi du horrelako portaerek bere funtzioak betetzea oztopatzen dutela, laguntza bila erakundera jotzen duten pertsonei kalte eginez.
Gutxienez hiru ertzain zigortu dituzte arau-hausteen ondorioz. Arau-hausteetako bat larria izan zen, iaz sexu eraso bat salatu zuen Basauriko emakume bati egina: Ertzain batzuek etengabeko oztopoak jarri zizkioten, eta biktimaren eta berarekin joandako lagunaren daturik ez zizkioten hartu. Gertatua sare sozialetatik salatu zuen emakumeak, eta bertako talde feministak protesta antolatu zuten. Ertzaintzak barkamena eskatu zion emakumeari, eta poliziari hilabeteko funtziogabetzea ezarri zioten.
Beste bi kasuetan, arau-hauste arinengatik zigortu zituzten ertzainak. Horietako batean, 2020 urtean emakume bati eskatutako babes neurriak ukatu zizkioten, “lesio fisikorik” ez zeudela esanez, eta emakumearen senideei “lekuz kanpoko” iruzkinak egin zizkieten. alde egin zuten komisariatik, baina egun berean bueltatu eta lortu zituzten babes neurriak tramitatzea.
Azkeneko kasua Irunen gertatu zen, iazko udaberrian. Emakume bat salaketa jartzera joan zen komisariara bikotekidearen aurka, genero indarkeriagatik, eta poliziak tramitazioa beste egun batean gauzatuko zutela esan zion. Irungo Guardiako Epaitegira jo eta gero lortu zuen emakumeak salaketa 24 orduko epean tramitatzea.
Tratu desegoki horien ondorioz eskatu dizkio Arartekoak Segurtasun Sailari “neurri espezifikoak”, Ertzaintzaren jokabide egokiak bermatzeko.
.jpg)
Karen Daniela Ágredok dioenez, zortzi bat ordu eman zituen ziegako zoruan etzanda Ertzaintzak ospitalera eraman aurretik. Segurtasun sailburu Bingen Zupiriak berak eskatu du Eusko Legebiltzarrean agerraldia egitea.
Karen Daniela Ágredok dioenez, atxilotu zutenean berak ez zuen ertzainik zauritu, haiek lurrera bota zuten eta konortea galdu zuen. Ondoren, Ertzaintzaren komisariaren zoruan iratzartu zen eta handik ospitalera eraman zuten.
Salburuako futbol kantxetan polizia-operazio planifikatu bat egin zuen igandean Ertzaintzak, eta Gasteizko GKSk nahiz Gasteiz Antirrazista eragileek salatu dutenez, bertan zeuden pertsona ugari identifikatu, miatu eta kolpatu zituzten.
Segurtasun sailburu Bingen Zupiriak adierazi du oraingoz ez dutela neurririk hartuko kasuaren inguruan, "gauzak ondo edo gaizki egin izanaren inguruko segurtasun edo ziurtasunik" ez duten bitartean. Ertzaintzaren agenteek eraso egin zioten emakumea "indarrik... [+]
Emakumearen familiako kideek jarri dute salaketa Bilboko Kolonbiaren kontsulatuan. Otsailaren 1ean jasan zuen erasoa, Donostiako Manterola kaleko diskoteka baten atarian. Hainbat testigantzen arabera, konorterik gabe egon arren berari kolpeka jarraitu zuen ertzain batek.
Gipuzkoako Fiskaltzak sei urteko espetxe-zigorra ezarri nahi dio Donostiako Herritarren Babeseko patruiletako buruari. Ertzainak kokainaren truke prozesu judizialean onurak eskaini zizkion droga trafikatzea egotzita atxilotutako gizon bati.
Eusko Jaurlaritzak isunak kendu dizkie ertzainei euskaraz hitz egiteagatik zigortuak izan ziren Donostiako herritarrei. Manex Ralla eta Amaia Abendaño dira herritar horiek, isunak kendu dizkietela baieztatu diote hedabide honi.
Polizia ez zegoen lanean ustezko gertakaria jazo zenean.
Donostian 2024ko martxoan jokatutako futbol partiduaren aurretik Ertzaintzak egindako kargetan, Amaya Zabarte zaleaz gain bigarren pertsona bat zauritu zuten, ustez foam pilota batekin begian jota. Orain, kasu hori ere ikertzeko agindu du Gipuzkoako Lurralde Auzitegiak.
Realaren eta PSGren arteko futbol partidu batean larri zauritu zuten zalearen kasuan, epaileak onartu du familiaren abokatuek egun hartako bideo irudi guztietara sarbidea izatea. Oldarraldian parte hartu zuten ertzain taldeetako arduradunak identifikatzeko ikerketa ere eskatu du.
Ertzain patruila batek hizkuntz tratu desegokia eman diela salatu dute Donostiako bi herritarrek. Isuna jaso zuten, behin eta berriz euskaraz artatuak izateko eskatu ondoren. Arartekoak kargu hartu dio Ertzaintzari.
Jokin Aperribay Real Sociedadeko presidenteak azaldu du gertaturikoa “argitzeko” eskatu diola Polizia autonomikoari. Zauritutako Amaia Zabarteren familiak klubari egotzi dio publikoki ez gaitzestea erasoa.
Epaileari nahikoa izan zaio azaroaren 27an Ertzaintzak egindako deklarazioa kasua artxibatzeko. Erabakiaren aurrean helegitea aurkeztuko duela adierazi du Xuhar Plataformak. “Xuharrek ez du begia galdu, Ertzainak begia galduarazi dio”, salatu du mugimenduak.
2018ko maiatzean Getxoko Ertzaintzaren komisarian jipoitu zuten Silvia emakume migratu eta arrazializatua, bidegabeki atxilotu ostean. Epaiketan zigor arinak ezarri zizkioten ertzain bati, baina emakumea ere zigortu zuten desobedientzia leporatuta. Silviak Espainiako Epaitegi... [+]
Gipuzkoako Lurralde Auzitegiaren ustez, bideo bateko irudietan ikusten denak "talka" egiten du Ertzaintzaren atestatuarekin, eta Amaia Zabarte foam bala batekin zauritua izan zenaren "ebidentzia erakusten" du, Noticias de Gipuzkoa-k jaso duenez.