Segiko kide izatea egotzitako 40 gazteen aurkako epaiketako bigarren saioari ekin diote
Segiko kide izatea leporatutako 40 gazteren kontrako epaiketaren bigarren saioari ekin diote. Asteleheneko saioan, inkomunikazio aldian torturatu zituztela salatu eta militantzia politikoa egiten dutela aldarrikatu dute auzipetuek. Lau gazte ez dira epaiketara azaldu, Espainiako Auzitegi Gorenaren "zilegitasun eza" kritikatzeko.
Gazte erakundearen kontrako epaiketa hiru epetan egingo dute: lehen fasea, astelehenean hasi eta asteazkenarekin bukatuko dute; bigarrena, azaroaren 25ean, 26an eta 27an egingo dute; eta, bukatzeko, abenduaren 9an, 10ean eta 11n amaituko dituzte aurreikusitako epai saioak. Dena den, epaiketa luza daiteke, eta saio gehiago ere egin ditzakete. Denbora tarte luzean eta egun bakanetan epaitzeak sortzen duen nekea eta diru galera azpimarratu dituzte auzipetuek. Haien iritziz, elkartasuna indargabetzeko "estrategia" ere izan daiteke.
Asteleheneko saioan, tortura salaketak eta militantzia politikoaren aldarrikapena
Hamar gaztek deklaratu dute: Ainara Bakedano, Jon Anda, Jon Ziriza, Gaizka Likona, Olatz Izagirre, Ion Telleria, Aitziber Arrieta, Garazi Rodriguez, Maialen Eldua eta Eihar Egaña, hurrenez hurren. Uko egin diote denek fiskalaren eta herri akusazioaren galderei erantzuteari eta haien abokatuari erantzun diote soilik.
Telleria izan ezik, gainontzeko denek salatu dituzte torturak –Telleria Frantziako Poliziak atxilotu zuen– . Ainara Bakedanok, adibidez, tratu txarrak ekiditeko ihes egin zuen. Bere burua aurkeztea erabaki zuenean, ordea, ez zioten aukerarik eman eta epaitegiaren atarian atzeman zuten. Asteleheneko epai saioan, atxilotu ondoren torturatu zutela esan du, eta, horregatik, deklarazioa sinatzera behartuta ikusi zuela bere burua.
Jon Andak ere "era basatian" torturatu zutela deklaratu du.
Rodriguez, Elduak eta Arrietak eraso sexistak egin zizkietala esan dute. Bortxatzeko mehatxuak eta ukituak egin zizkieten hiru gaztei, beren hitzetan. Gainera, Rodriguezek eta Elduak bat egin dute eraso egin zien polizia deskribatzerako orduan: Gizon gazte bat definitu dute biek, eta ezaugarri fisiko berberak nabarmendu dituzte.
"Frogak": kamisetak eta jaietako zapiak, besteak beste
Hainbat froga aurkeztu ditu fiskalak gazteen kontra; besteak beste, elkarretaratzeetako argazkiak, Gazte Martxan eta Gazte Topagunean parte hartzea, txosnetako txandak egin izana, kamisetak eta jaietako zapiak.
Egañari Amarako Jai Batzordeari buruzko galderak egin dizkiote, eta Zirizari Barañaingo Gazte Asanbladaren ingurukoak.
Epaiketa politikoak
Joseba Permachek epaiketa politikotzat jo du gazteen aurkako prozedura eta dei egin die eragile sozial eta sindikalei auzipetuei babesa emateko. "Bake prozesua bertan behera utzi nahi dute, baina ez dute lortuko", esan du.
Info7 irratiak egindako elkarrizketan, Ion Telleria auzipetuak azpimarratu du "onartezina" dela epaitegi batek 40 gazteen lan politikoa epaitzeko eskumena izatea.
Auzipetutako gazteek ere epaiketa politikoaren ideiari eutsi diote, Berria egunkariko elkarrizketan.
Twitter bidez #libre eta #libreMadrildik etiketen bidez segi daiteke epaiketa zuzenean.
Eraikin osoan zehar egin dituzte margoketa faxistak. Erasoa salatzeko, protesta bat antolatu dute larunbaterako.
Gasteizko Auzitegiko laugarren aretoak ebatzi du Gasteizko isunak bertan behera uztea, eta Bilboko isun batzuk 2.500 eurotik 1.800era murriztea, "gehiegikeria" egon zela argudiatuta. Ernairen arabera, Segurtasun Sailak "arbitrariotasunez" eta... [+]
Isunak baliogabetzeko helegitea jarri zuten Ernaiko gazteek eta arrazoi eman die epaileak. Naiz-ek eman du epaiaren berri eta ostegun honetan 10:30ean eginen du prentsaurrekoa Ernaik, zehaztapen guztiak plazaratzeko.
Larunbat arratsaldean istiluak izan ziren gaztetxe berriaren atarian, Ertzaintza gogor oldartu zen gaztetxeari babesa ematera joandakoen aurka. Hori dela eta, ehunka lagun bildu dira igande honetan foam jaurtigailu bidezko kargak salatzeko eta udalaren jarrera seinalatzeko... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Epaiketa prozesua abiatu du ostegun honetan gazte antolakundeak. 2023an egindako bi ekimenen ondorioz 290.500 euroko zigor ekonomikoa jarri dio Eusko Jaurlaritzak. Ekonomikoki "ito eta desagerrarazteko" mekanismoa dela salatu du Ernaik.
Apirilean Jaurlaritzako Segurtasun Sailak gazte antolakundeko 133 kideri jarritako isunen harira manifestua aurkeztu du Ernaik. Euskal Herriko 32 eragile sozial, sindikatu eta alderdi politikok egin dute bat idatziarekin. Isunek antolakundea “itoarazi eta politikoki... [+]
Pasa den urriaren 30ean, Portugaleteko Sastraka Gaztetxeko bederatzi lagun auzipetu zituzten. Handik egun batzuetara Portugaleteko kaleak hartu zituzten hainbat lagunek gaztetxearen defentsan. Bi egun geroago, fiskalak karguak kendu zituen.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Azaroaren 5ean epaituko dituzte Barakaldoko epaitegian. “Kapitalismoaren logikatik kanpo” dagoen alternatiba bat sortzeagatik okupazio mugimendua “kriminalizatu eta zigortu” nahi dutela salatzen dute gaztetxeko kideek. Txirbilenea Kulturgunearen hustearen... [+]
2020an birjabetu zuten espazioa Portugaleten, eta horren harira epaituko dituzte bederatzi pertsona azaroaren 5ean. Ostiral honetan manifestaziora deitu dute, 'Okupazioaren kontrako erasoak gelditu' lelopean.
"Espainolismoa goratzen duen sinbolorik" ez dutela nahi adierazi dute antolakundeko kideek. Euskal Herri antifaxista aldarrikatzeko ekintza izan da Nafarroan gelditzen zen azkenengo zezena botatzea, ekintza zuzenaren bideoa zabaltzearekin batera.
Euskal Herri mailako topaketak antolatu dituzte hainbat gaztetxe eta gazte asanbladatako gazteek urriaren 19rako, Leitzan (Nafarroa). Mugimenduaren egoeraz eta egitekoez hausnartu, elkarren artean saretu, eta borrokarako indartzea dute helburu. Idatziz erantzun diete ARGIAren... [+]