Seaskak okupazioarekin jarraituko duela ziurtatu du, Hezkuntza ministroa ikusi arte
Brebeta eta baxoa euskaraz egitearen alde egin dute mobilizazioa, besteak beste.
Seaskako irakasle talde batek bigarren urtez brebeta zuzentzeari uko egin ondoren, ekainaren 15eko arratsaldean Seaskako guraso, ikasle eta irakasle batzuek Pirinio Atlantikoetako Akademia Ikuskaritzak Baionan duen egoitza okupatu zuten. Azterketak euskaraz egin ahal izatea aldarrikatzen dute. Frantziako Polizia bortizkeriaz oldartu zen, ordea. Berria-ko kazetari Ekhi Erremundegi-k Twitterren txiokatu zituen gertakizunak hari batean:
Ikasleak, gurasoak... Poliziaz inguratuak. Indarrez mugituko dituztela erran die Frantziako Poliziak @berria pic.twitter.com/Y1ajIsa2iO
— Ekhi Erremundegi (@EkhiErremundegi) June 15, 2022
Ekainaren 16an, giro lasaiagoarekin, Hur Gorostiaga Seaskako zuzendariak jakinarazi zuen Pap Ndiaye Frantziako Hezkuntza ministroarekin elkartu arte okupazioak jarraituko duela.
Azterketak euskaraz
Jean-Michel Blanquer izan zen Frantziako aurreko Hezkuntza ministroa, eta Gorostiagaren hitzetan “hark utzitako egoera bat da, eta beraz, ministro berriari galdetzen diogu, bera gutxiengoen espezialista baita, zer dioen frantziar estatuan diren hizkuntza minorizatuei buruz”. Orain gutxira arte ikasleek baxoaren zati bat euskaraz egiten zutela ziurtatu du, eta brebeta osorik. Horregatik frantziar ministro berriari konponbide bat eskatu nahi diote.
Ordezkari politikoen bisitak
Ekainaren 17an, Baionako Idazkaritzan bigarren gaua pasa ostean, Naiz-ek azaldu duenez, bigarren itzulian seigarren barrutian lehiatuko diren bi hautagaiak gerturatu dira bertara. Vincent Bru diputatu eskuindarra (Ensemble) bertaratu da haiekin eta Hezkuntza Ministaritzarekin bitartekaritza egiteko prest agertu da. Ondoren Tom Dubois, NUPES alderdi ezkertiarreko kidea ere gerturatu da.
Bi politikariak aurrez aurre egongo dira bigarren itzulian, izan ere iragan igandeko bozketan lehen atera Bru botoen %28,5 bildurik, eta bigarren, aldiz, Dubois-Robin NUPESekoa, %19,5 eginik. Ekainaren 19an egingo diote aurre elkarri.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Egoera tirabiratsua bizi dute Beskoitzeko ikastolako gurasoek herriko etxearekin. Herriko gelak baliatzeko debekuak, baimen ezeztatzeak edota jantegi publikoan bazkaltzeko mugak...
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Donibane Lohizuneko ikastola izan zen TxikiLinux erabiltzen hasi zen Ipar Euskal Herriko lehen ikastetxea. Bide beretik, sistema eragile libre eta euskaldunaren aldeko pausoa eman dute orain Urruñako ikastolan.
Senpereko Kattalin Elizalde kolegioarekin 39. ikastetxea ireki badu ere, 4.177 haurrekin egin da sartzea, haur hezkuntzatik lizeora. Kopuruak mantentzen dira beraz, bereziki lizeoan eta kolegioetan irabazi, eta lehen mailan galdu baitira haurrak.
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.