Seaskak mobilizazio gehiago egingo ditu eta tokiko instituzioei engaiatzeko eskatuko die
Emaitzarik gabe bukatu zen asteartean Seaskako ordezkariek eta Bordeleko akademiako arduradunek egindako bilera: Frantziako Estatuak ez du ikastoletarako postu gehiago onartuko. Seaskak protesta berriak iragarri ditu, instituzio lokalei ardura eskatzearekin batera.
Seaskak geroz eta ikasle gehiago dauzka, baina eskari horri erantzuteko beharko lituzketen irakasle kopurua emendatzeko trabak aurkitzen ari da Ipar Euskal Herriko ikastolak biltzen dituen elkartea. 25 irakasle gehiago beharko lituzke Seaskak; ministerioak bost eta erdi besterik ez dizkio eman.
Egoera horren aurrean, mobilizazio dinamika azkarra jarri du abian Seaskak azken hilabeteetan. Horrekin batera, blokatuta dagoen egoerari irtenbidea emateko solasaldiak izan dituzte Seaskako arduradunek, azkenekoa astearte honetan bertan. Baina momentukotz, negoziatzeko borondaterik ez dute agertu Bordeleko akademiako ordezkariek.
Horrenbestez, Seaskak mobilizatzen jarraituko duela iragarri du: larunbat honetan Pauera joango dira –joan den ostiralean ere han izan ziren, Akademia Ikuskaritzaren bulegora; baita ikuskariarekin elkartu ere, emaitzarik gabe–. Gainera, Ipar Euskal Herriko erakundeei engaiamendua eskatuko diete.
Instituzioen aldetik mugimendu batzuk hasi dira, Garikoitz Goikoetxeak Berria-n jaso duenez: Euskararen Erakunde Publikoa (EEP) aztertzen ari da Seaskari aparteko diru laguntza ematea, erakunde horretako lehendakari Beñat Arrabitek euskarazko kazetari baieztatu dionez.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Egoera tirabiratsua bizi dute Beskoitzeko ikastolako gurasoek herriko etxearekin. Herriko gelak baliatzeko debekuak, baimen ezeztatzeak edota jantegi publikoan bazkaltzeko mugak...
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Donibane Lohizuneko ikastola izan zen TxikiLinux erabiltzen hasi zen Ipar Euskal Herriko lehen ikastetxea. Bide beretik, sistema eragile libre eta euskaldunaren aldeko pausoa eman dute orain Urruñako ikastolan.
Senpereko Kattalin Elizalde kolegioarekin 39. ikastetxea ireki badu ere, 4.177 haurrekin egin da sartzea, haur hezkuntzatik lizeora. Kopuruak mantentzen dira beraz, bereziki lizeoan eta kolegioetan irabazi, eta lehen mailan galdu baitira haurrak.
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.