Alderdi sozialistak erabakitzeke zeuden Nafarroako udaletxe gehienak Navarra Suma koalizioaren esku utzi ditu, eta horien artean populazio handiena dutenak. Herri txikietan ere halakoxea izan da nafar sozialisten jokabidea; horien artean deigarriena akaso, Sartagudan erakutsitakoa. Azken legealdian, Lizarrako Erriberako herri honetan EH Bilduk eduki du aginte makila, Paolo Albaneseren (Eivissa, 1979) eskutik.
Arestiko udal hauteskundeetan ere, EH Bildu koalizioak boto gehien lortu zituen (4 zinegotzi) ; alabaina, azken orduko azpijoko baten bitartez, Navarra Sumak –3 zinegotzi– bere burua aurkezten zuen Jose Ignacio Eguizabal sozialistari –2 zinegotzi– alkatetza eman dio. Nafarroan Sartagudari alargunen herria esaten diote, Gerra Zibilean bertako 84 bizilagun hil baitzituzten, 1936an ezkerreko fronteak hauteskundeak irabazi eta gero. Tiroz exekutatu zituztenen artean orduko alkate sozialista eta beste bost zinegotzi zeuden.
Nola interpretatzen duzu Navarra Sumak PSNri emaniko laguntza?
Beldurraren botoa izan da. Navarra Suma gure proiektua Sartagudan egonkortzearen beldur zen. EH Bilduren egitasmoa Sartagudan sustraitzen ari zen, eta honen garapenari beldurra zioten. Azken hauteskundeetan gure emaitzak dezente hobetuz joan dira, orain zortzi urte 165 boto jaso genituen, orain lau urte 227 boto, eta 337 azken hauteskundeetan. Bazekiten beste agintaldi batek gure herri eta gizarte proiektua egonkortuko zutela, non eta Nafarroako Hegoaldean, eta beldurrez zeuden. Erregimenaren berrezarpenaren aldeko botoa izan da ere, PSNren eta UPNren alderdi-bitasunarena.
Orokorragoa den itun baten zati bat dela uste al duzu?
Noski, baita ere. Niri iruditzen zait argi eta garbi Chivitek eta PSNk Javiaer Esparza presidentea izatea nahi dutela. Ez dute lehendakaritza nahi, baina ez dira orain zortzi urte jazotakoa errepikatzera ausartzen. Ez dute abuztukada errepikatu nahi, eta pilota gure teilatura bota nahi digute, abstentzioa eman ez diezaiegun. Beraiek deituriko "garapen gobernu" hori ez gauzatzea guri egotzi nahi digute. Itun bat ez balego, Sartagudan ikusi duguna ez zen beste herrietan emanen, eta non-nahi errepikatu da. Agindua goitik zetorren.
Modu honetan alkatetza lortzea zilegi dela uste duzu?
Legezkoa izan bada, eta matematikek erakusten dute bi gehi hiru bost direla, eta hori lau baino gehiago bada. UPNkoek esaten dute ez dela lehenbiziko aldia Sartagudan lehenengo indarrak alkatetza galtzen duela. Egia da, aurreko hauteskundeetan gu bigarren indarra izan ginen UPNtik hamar botoetara gelditu eta gero, eta alkatetza jaso genuen. Orain, ez du lehenengo zerrendak aginduko, baina bigarrenak ezta ere. Boto gutxien lortu dituen zerrendak izanen du alkatetza. Legezkoa da, baina zalantzazko zilegitasun demokratikoa dauka.
Botoak zuk jaso izan bazenitu onartuko al zenuke aginte makila?
Nik ostegunean PSNko hautagaiarekin hitz egin nuen. Bagenekien UPNk ez zuela alkatetza erdietsiko, hori ez zen gure beldurra, bai ordea azkenean gertatu dena; hots, eskuinak PSNko hautagaiari botoak emanen zizkiola. Elkartu garen bi alditan hori azaldu genien. Lehenengo bileran hautagai sozialistak lasai egoteko eskatu zigun, ez zela halakorik gertatuko; ostegunean berriz planteatu nion alkate-bulegoan nengoelarik. Nire gauzak bildu behar ote ditudan jakin behar dut, esan nion orduan, eta berak ez kezkatzeko erantzun zidan, deus ez biltzeko, astelehenean nire bulegoa izaten jarraituko zuela. Hori gertatu izanez gero, gaineratu zidan, niretzat marroi bat izanen litzateke bi zinegotziekin ezingo bainuke lana aurrera atera, eta gainera eskuineko hiru zinegotzien menpe geldituko nintzateke. Nik, Sartagudako egoera zein den ezagututa, ez nuke inondik inora makila onartuko.
Jokaldi hau espero al zenuten?
Matematiketan bi gehi hiru bost direla dakigula esan dizut, bide batez ongi ikasia dugu PSNk zuri jokaldia egiteko aukera baldin badu eginen dizula. Herritarrak horren beldur ziren. Batzuek zioten ez zirela ausartuko, herria gainean oldartuko zitzaiela, baina ausartu egin dira. Egun hauetan sartagudatarren mezu mordoa jaso dut, bidegabekeria izugarria dela eta ez genuela merezi esanez. Udaletxetik burua irmo ateratzen garela adierazi digute, eta muga oso goian jarri dugula. Badakit ere PSNren barruan batzuk oso triste eta atsekabetuta daudela, eta festa handia UPNkoak egiten ari direla. Banketerako gonbidapenak PSNk eman dizkie, baina banketea UPNrena da.
Nolakoa izanen da zuen oposizio-lana?
Legealdi honetan ikasi dugu oposizioa ezin dela gurpiletan makil bat jarrita burutu, ezen azkenean makil hori hautsi egiten baita. Horrela ibili dira gurekin azken lau urte hauetan, eta hauteskundeak iritsi direnean herriak gure lana saritu du. Ikasgai hori ongi barneratua dugu eta herriaren alde lan egiten jarraituko dugu, gure aukeren arabera betiere. Alkate berriarekin bildu naiz eta herriari laguntzen jarraituko dugula agertu diot, gizarte aldaketa eskatzen duen proiektu bat erakundeetatik haratago baitago.
Ordura arte Nafarroako Gobernuak 477 milioi euro ordaindu beharko dizkio Abertis konpainiari, 2023an honek erosi baitzuen Autobidearen ustiaketaren emakida 110 milioi eurorengatik. Itzalpeko ordainketek urtero modu gogorrean baldintzatzen dituzte Nafarroako Gobernuaren... [+]
Transferentzien Batzordearen Nafarroako ordezkaritza bildu da ostegunean eta eskualdatzea egiteko Auzitegi Gorenaren proposamena babestu dute gobernu taldeek. Berme osoz Trafiko eskumena berreskuratzeko izapideak egiteko epea luzatu dute. Uztailaren 23an eginen dute hurrengo... [+]
1991n zauritu zuen larri ke pote batekin Espainiako Poliziak Iruñean eta 31 urte ondoren lortu du instituzio publiko baten aitortza biktima gisa. Espainiako Gobernuak ere kalte-ordaina ordaindu behar izan zion, baina ez da kasuagatik poliziarik zigortu.
Asteazken honetan Pirinioetako herritarrek batzar irekia egin dute Jaurrietan eta salatu dute Nafarroako Gobernua ez dela behar bezala garatzen ari Pirinioetako Plana.
2023ko maiatzean iragarri zuten Volvo multinazionalak inbertsio handia egingo zuela Nafarroako Sakanako autobus enpresan. Orain, ordea, akordioa bertan behera gelditu dela adierazi dute bi enpresek.
Pirinioetako Mahaiak agerraldia egin zuen ostiralean, "konpromisoen lege bat" eskatzeko eta Nafarroako Gobernuari "neurri zehatzak" exijitzeko.
María Chivite presidenteak lankidetza publiko-pribatua “beharrezkoa” ikusten du aurrerapen digitala lortzeko. Besteren artean, adimen artifiziala erabiliko du Microsoft Ibéricak, instituzioetako izapideak “arintzen laguntzeko”.
Artaxoako Ecofert enpresara baimendu gabeko hondakinak eramateagatik, Zubietako Ekondakin enpresari zigor-espedientea abian jartzeko eskatu dio Nafarroako Gobernuak Eusko Jaurlaritzako Ingurumen Sailari. Jose Maria Aierdi Nafarroako Ingurumen kontseilariak jakinarazi duenez,... [+]
Adin txikikoentzat jokoan aritzea debekatuta dago, baina, hala ere, Nafarroan 14 eta 18 urte artekoen artean %32 aritzen da jokoan. Ludopatiaren prebentzioan eta laguntzan aritzen da Aralar Elkartea 1996tik. Nafarroako Gobernuak prest duen Jokoaren Foru Legea "hutsune"... [+]
Poligonoaren Aurkako Asanbladak deituta, igandean egin duten martxan 300 pertsona inguru izan dira. Tiro praktika eremua kentzeko eskaera izan da aldarri nagusia, baina beste bi gairi lekua egin nahi izan diete beren protestan. Batetik, Palestina eta munduan gerra jasaten ari... [+]
Motibazio politikoko lehen hamabi biktimarentzat aitortza eta erreparazio ekitaldia egin da maiatzaren 30ean Iruñeko Baluarte aretoan. Ekitaldia urtero egiteko asmoa agertu du Gobernuak.
Erorien Monumentua eraisteko eskatzen duten memoria elkarteen ustez ezin da eraikin frankista horren etorkizuna utzi herritarren esku: “Faxismoa omentzen duen eraikinarekin zer egin frankismoaren oinordekoek ere parte hartzen ahal duten galdeketa batek ezin du... [+]
Ehunka lagun atera ziren ostegun honetako arratsaldean Sarasate Pasealekutik eta manifestazioa egin zuten Iruñeko Udal Plazaraino, eskatzeko udalari hiriko haur eskoletan euskaraz ikasteko eskubidea izatea lehentasunen artean jar dezala. "Haur eskolak euskaraz: eman... [+]
Maiatzaren 30ean eginen dute Estatuaren eta eskuin muturraren indarkeriaren biktimen aitortza ekitaldia, Baluarten. Biktima zehatzei egiten zaien molde honetako lehen ekitaldi publikoa izanen da, eta 2019ko legearen babespean gauzatuko da.
Astearte gauean Israelen genozidioaren aurkako itxialdia "normaltasunez" egin dute DBH eta Batxilergoko ikasleek Iruñerriko hainbat institututan, ARGIAri kontatu diotenez. Itxialdi horiek egin ez zitezen saiatu da Nafarroako Gobernua, astearte eguerdian... [+]