‘Sareko’ bilatzailea martxan, EAEko produktu ekologikoak non eskuratu jakiteko
Ekolurrak irailaren 23a, Europar Batasuneko Nekazaritza Ekologikoaren Eguna, aprobetxatu du tresna berria aurkezteko. Elikagai ekologikoak kontsumitzeko erraztasunak eman nahi dizkie herritarrei, Sareko bilatzailearekin: Araba, Bizkaia eta Gipuzkoako ekoizle ekologikoen 269 salmenta gune mapan kokatu dituzte.
ENEEK-Ekolurrak bere helburu nagusia berretsi du nekazaritza ekologikoaren egunean, eta 2030erako erronka gogorarazi du: nekazaritza lurren %25 ekoizpen ekologikoan egitea, EBko Itun Berdeak agindu moduan. Araba, Bizkaia eta Gipuzkoa urrun daude zifra horretatik, lursailen %6 baitago ekologikoan ziurtatuta.
Nekazaritza eta elikadura ekologikoari beste bultzada bat eman nahian aurkeztu dute Sareko bilatzailea. Ekolurrako lehendakari Judit Garciak azpimarratu duenez, garrantzitsua da, alde batetik, ekoizleentzat “merkaturatze modu duinenak indartu eta bistaratzea” eta, bestetik, kontsumitzaileei merkaturatze modu horiek erabiltzeko “erraztasunak ematea”. Aurrerantzean herritarrek Sarean tresna erabili ahal izango dute, gertuen duten salmenta gune ekologikoa topatzeko.
269 toki ikusgai daude mapa horretan, Araban 43, Bizkaian 70 eta Gipuzkoan 156, eta ziurtatu dute gehiago izango direla. Ekoizleek “etengabe” eguneratuko dute bilatzailea, kontsumitzaileei ahalik eta informazio gehien emateko helburuz. Ekolurrak jakinarazi du askotariko eskaintza dagoela produktu ekologikoetan, eta salmenta guneak ere mota ugaritakoak direla, besteak beste, azokak, dendak, otar-banaketak eta baserriak.
Euro-hostoaren etiketa ekologikoa
Irailaren 23an Ekolurrak nabarmendu du merkatuko etiketa berdeek nahasmena eragin dezaketela erosterako orduan, eta kontsumitzaileei argitu die “euro-hostoarekin identifikatuta daudenak” direla elikagai ekologikoak. Bertakoak zein diren aurkitzeko, www.ekolurra.eus webgunean bilatu dezakete herritarrek, Sareko bilatzailean.
EAEko ekoizpen ekologikoaren kontseilua da ENEEK-Ekolurra, eta zertifikazioaz gain, eredu ekologikoaren aldeko sustapen lana ere egiten du elkarteak. “Gaur egun, argi ikusten dugu etorkizuneko eredua dela ekoizpen ekologikoa, eta badagoela honi buruzko informazioa emateko... [+]
Haziak nola egin azaltzen duen jakintza praktikoa eta hazietan datzan ikuspegi politikoa. Biak uztartu dituzte Haziak liburuan Miguel Arribas Kelo-k eta Marc Badal-ek. Hamaika auzi baitaude jokoan hazi bakoitzean: biodibertsitatea vs estandarizazioa, autonomia vs menpekotasun... [+]
Sarako Nicolas Chretien dago Hiru Xilo baratzegintza proiektuaren atzean. Urtarrilean hasi zen baratzea lantzen, eta martxoaren hasieran ekin zion ekoitzitako produktuak merkaturatzeari. “Banuen formazioa baratzegintzan, baina orain arte honekin zerikusirik ez zuten... [+]
Nafarroako sektore ekologikoa egonkor mantendu da azken urtean eta nekazaritza ekoizpena %5 handitu da. Nafarroako Nekazal Produkzio Ekologikoaren Kontseiluak erronka du 2030. urterako: lurren %25 ekologikoa izatea. "Bide horretan ari gara lanean, ahalik eta nekazari eta... [+]
Gorantz egiten ari da nekazaritza ekologikoko eredua Araba, Bizkaia eta Gipuzkoan, Ekolurra Kontseiluak baieztatu duenez, baina Europako Itun Berdeak 2030erako helburutzat duen %25etik urrun dago oraindik.
2011n abiatu zuten Lekorneko Garroko Etxaldean laborantza biologikoko proiektua: “Lurrak Herriko Etxearenak ziren, eta bertako eta Herri Elkargoko hautetsiek sortu zuten proiektua”, azaldu du Argitxu Ithourria kideak. Laborantza biologikoa bultzatzeko helburuz abiatu... [+]
Nekazaritza eta abeltzaintza “errotik” aldatzeko trantsizio agroekologikoaren aldeko elkarretaratzea eginen dute, hilaren 16an, Gipuzkoako Foru Aldundiaren egoitzaren aurrean.
Miriam eta Igone Saldias ahizpek baserriari eta familiako proiektuari eusteko apustua egin dute. Berrobiko Soronea baserrian barazkiak ekoizten dituzte eredu ekologikoan, eta Tolosako Soronea dendan saltzen, modu zuzenean.
EHU buru duen ikerlan batek Osakidetzan bertako elikagai jasangarriak erabiltzeko beharrezko diren hamairu erronka eta 30 ekintza plan zehaztu ditu. “Elikagaien Erosketa Jasangarrirako Estrategia Osakidetzako Ospitaleetan, Euskal Osasun sisteman elikadura sistema... [+]
Krisi klimatikoaren inpaktu negatiboak hain agerikoak diren honetan, zeharka soilik kezkatzen gaituzte. Indar korrelazio bat dago, zeinak, behetik gorako proiektu agroekologikoak tentsio konstantean mantentzen dituen, eta “greenwashing”-aren bitartez, elikagai... [+]
Gipuzkoako Biolur elkarteak iaz aurkeztu zuen Duina ikerketa proiektuaren txostena. Baratzegintza ekologikoko esperientzia desberdinen diagnostikoa egin zuten bertan, hainbat alor kontuan hartuta: ekonomikoa, ingurumenekoa, bizi baldintzena, zaintzena eta beste. Denbora eta datu... [+]
Noaingo Zentzumenen parkean egingo da. Nafarroako elikagai ekologikoen merkatu handiena da; gune gastronomikoa, jarduerak, haurrentzako gunea eta gehiago eskainiko dute.
EAEn 2.600 elikagai desberdin daude eredu ekologikoan ziurtatuta. Bertako elikagai ekologikoen "aniztasun hau plazaratzeko" Udako Azoka Ekologikoak antolatu dituzte EAEko 14 herrietan elkarlanean, herrietako kontsumo taldeek eta hiru lurraldeetako ekoizpen... [+]
