Sarek manifestazio deitu du ekainaren 18an Iruñean
Euskal preso politikoei ezartzen zaien salbuespen politika salatu eta elkarbizitza eta bakearen alde bat egiten duten herritarrak bildu, horiek dira Sarek ekainaren 18an Iruñean antolatu duen mobilizazioaren helburuak. Deialdia bultzatzeko, ekainaren 4an Herri Lasterketa egingo dute Iruñeko espetxetik Gaztelu plazaraino.
Asteartean agerraldia egin duSarek, ekainaren 18an Iruñean egingo duen manifestazioaren berri emateko. Xedea: euskal preso politikoei oraindik orain ezartzen zaien salbuespen neurrien salaketa, eta horrekin batera, elkarbizitza eta bakearen alde bat egiten duten herritarrak biltzea.
Adierazi dutenez, azken bi urteak garrantzitsuak ari dira izaten euskal presoen egoerari eta salbuespeneko espetxe politikari dagokionez. "Urte luzeetan ezarritako urruntze politikaren amaieraren atarian gaudela esan genezake, eta, honekin batera, salbuespen legedia atzean utzi eta legedi arruntera salto egiteko unea dela". Halere, aldaketa horiek kontrako jarrerak hauspotu dituztela azpimarratu dute, eta ondorioz hainbat direla bideko oztopoak. "Euskal presoei ezartzen zaien salbuespenezko espetxe politikak, hau da, urrunketak, zigorren luzapena edota ia bizi osoko zigor luzeen ezarpenak eta hirugarren gradura igarotzeko edota baimenak lortzeko oztopoek, herri honetan elkarbizitzaren eta bakearen alde ematen ari diren aurrerako urratsak oztopatzeko asmo garbia dute".
Hala bada, oztopo horien gaindipena bultzatzeko asmoari erantzuten dio manifestazioak. "Denbora luzean blokeatua egon den egoera latz hau aldatzeko aukera zabaldu da. Kontrako jarrera eta oztopoen aurrean, herri honek aurrera egiteko eta elkarrekin bizitzeko nahia duela erakutsi behar dugu. Guztion ardura da salbuespenezko egoera hau atzean utzi eta etxeratze prozesua ahalbidetzea. Izan gaitezen aktibo, beraz, elkarbizitzarako, bakerako eta etxerako bidean".
Etxera bidea gertu lelopean egingo den manifestazioa 18:00etan abiatuko da Antoniutti parketik. Ordu bete lehenago, 17:00etan, lau zutabe aterako dira bertarantz hiriko toki ezberdinetatik: Ipar-bidea zutabea Decathlon-etik abiatuko da, Hego-bidea Cordovilla poligonotik, Eki-bidea Atarrabiatik, eta Mendebal-bidea Etxabakoitzetik (Asmovil).
Herri Lasterketa
Deialdiari oihartzuna emateko asmoz, ekainaren 4an Herri Lasterketa egingo dutela ere iragarri dute. Bost kilometroko ibilbidea izango da, Iruñeko espetxetik Gaztelu plazara.
Izan Bidea dinamika eta 3.127.326 kilometroko erronka
Iruñeko deialdiaz gain, beste hitzordu batzuk ere deituak ditu Sarek. Izan Bidea dinamikaren baitan eta 3.127.326km egiteko erronkari lotuta, maiatzaren 7an mobilizazioak eta martxak deitu ditu Arabako puntu ezberdinetan; zehazki, Añanan, Agurainen eta Gasteizen. Añanan martxa antolatu dute Uribarri Gaubeatik Espejora; 11:00etan abiatuko da Uribarri Gaubeako elizatik. Agurainen, ostera, 11:00etatik 15:00etara ahalik eta kilometro gehien egiteko erronka jarri dute. Eta Gasteizen hiru zirkuitu egiteko aukera egongo da, 11:00etatik 15:00etara, Andra Mari Zuriaren plazatik hasita.
Urriaren 8an emango diote amaiera 3.127.326 km-ko erronkari, Donostian. Erronka ixteko, jaialdia antolatu dute.
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.
Europar Batasunak presoen zigorren bateratzea erabaki zuen 2008an. Espainiak ez zuen agindu hori bete. Legearen erreforma etorri da, orain. 52 presori eraginen die neurriak. Sare elkarteko kide Mikel Mundiñanok xehetasunak eman dizkigu Metropoli Forala saioan.
Hori da ostegun honetan Sare elkarteak adierazi duena. Azken unera arte saiatu dira legearen erreforma gauza ez zedin, baina azkenean ez da berriz Espainiako Kongresuan bozkatu behar, PPk nahi zuen moduan. Hortaz, aste honetan bertan legea Espainiako Aldizkari Ofizialean... [+]
Heldu da eguna: espetxetik aterako dute Ihintzaren aita. Une horixe du irekiera Eztizen Artolaren (Bilbo, 1999) Gurpilak eleberriak (Txalaparta, 2024). Hortik egingo du atzera, aita bisitatzeko kartzelara egiten dituen joan-etorrietan haur motxiladuna hazten, egoeraz jabetzen... [+]
Zalapartak zalaparta, eta Espainiako Senatua gainditu ondoren, Europako zigorrak bateratzeko lege aldaketak aurrera jarraituko du. Horrela, 2008an zigorrak bateratzeko Europak onartutako zuzentarauari Espainiak 2014an jarritako salbuespena desagertuko da, eta horrek 45 euskal... [+]
Miguel Angel Blanco PPko zinegotzia bahitu eta hiltzearen ardura politikoa egotzi nahi zioten, baina auzia preskribatuta dagoela iritzi dute epaileek.
Datorren urtarrilaren 11n Bilbon Sare Herritarrak deitutako mobilizazioaren leloa “Behin betiko konponbidea” izanen da, eta urtero bezala milaka lagunen babesa espero du Sarek.
EAEko Justizia Auzitegi Nagusiak ebatzi du hirugarren graduan dagoen presoak eskubidea duela langabezia jasotzeko. LAB sindikatuak aurrekari gisa ikusi du epaia eta urrats bat dela dio "presoen oinarrizko eskubideak aitortzera bidean".
Espainiako Estatuko espetxeetatik Euskal Herriratu gintuztenetik Zaballako espetxean komunikazioaren alorrean gabezia ugari topatu ditugu. Aurrez aurreko gutxiago eta laburragoak dauzkagu, lokutorioko bisitak baldintza tekniko kaxkarretan gauzatu behar izan ditugu eta telefono... [+]
"Jarrera proaktiboagoa" eskatu dio Eusko Jaurlaritzaren Justizia Sail berriari Sarek, abuztuaren 20an egindako prentsaurrekoan. Espetxeetako normalizazioa "oraindik urruti" dagoela salatu dute, ikusita 148 presoetatik "ehun preso baino gehiago" egon... [+]
Bakio, Laida, Lekeitio, Mutriku, Orio eta Donostian egin dituzte Etxeratek urtero antolatzen dituen hondartzetako mobilizazioak. Aurten Sare Herritarra batu da aldarrikapenera.
Hamahiru urte pasa ditu preso Atristainek, iragan abendutik hirugarren graduan zegoen eta martxoaz geroztik zigorra etxean betetzen ari zen kontrol telematikoarekin.
ETAko presoek espetxetik ateratzen direnean, egindako mina onartzeaz gain, "eragindako kaltea injustua" izan zela aitor dezaten lan egingo du Jaurlaritzak, María Jesús San José sailburu sozialistaren arabera.