Sarek biktima anitzak elkartuko ditu bake eta bizikidetza jardunaldien baitan Gasteizen
“Giza eskubideak, Konponbidea, Bakea” jardunaldiak aurkeztu ditu Sarek. Azaroaren 28tik 30era bitartean Gasteizen egingo diren hiru mahai-inguruz osaturik egongo dira. “Bizikidetza, ezberdinekiko errespetua, elkarrizketa eta ekintza iraunkorra jendartearen aktibaziorako ezinbesteko osagaiak dira”, azaldu dute.
Jendartearen aktibazioa du helburu Sarek, “giza eskubideen errespetuarekin abiatzen den ibilbide hori zeharkatzera begira, bakea lortu arte”. Jardunaldietan era guztietako jendea bildu nahi dute, gizarteak konponbidean izan dezakeen paperaz aritzeko. Hizlarien artean ETA, GAL eta sakabanaketaren biktimak egongo dira, baita bizitza politikoan eta juridikoan sona izan duten pertsonak ere, tartean Juan Jose Ibarretxe lehendakari ohia edo Iñaki Lasagabaster zuzenbide administratiboan katedraduna.
ETAk ekintza armatuen behin betiko etenaldia hasi zuenetik bost urte igaro dira. Sareko kide Amets Martinez de Hereditaren ustez, honek “eszenatoki berri bat ekarri zuen gure herrira”. Halere, ez du espero zuten bilakaerarik izan. “Esan ahal dugu, egun, espetxe politika dela euskal gatazkaren baitan bizirik den biolentzia bakarrenetakoa”, adierazi du.
Gasteizko Europa Jauregian egingo dira mahai-inguruak arratsaldeko 18:30etatik aurrera:
-Azaroak 28: Dispertsioa, zigor batuketa eta salbuespenezko legedia. Defentsa juridikoa
Moderatzailea: Eva Domaika
Martin Pallin - Magistratua
Iñigo Iruin - Abokatua
Iñaki Lasagabaster - Zuzenbide administratiboan katedraduna
-Azaroak 29: Sufrimenduari atea itxi eta itxaropenaren leihoak ireki
Moderatzailea: Jesus Barredo
Unai Gonzalez Asua - Dispertsioaren biktima
Rosa Rodero - ETAren biktima
Carmen Galdeano - GALen biktima
Sara Buesa - ETAren biktima
-Azaroak 30: Jendartea, gatazkaren konponbidean, eragilea
Moderatzailea: Ion Telleria
Anaiz Funosas - Bake bideako kidea
Juan Jose Ibarretxe - Lehendakari ohia
Julen Mendoza - Errenteriako alkatea
Irakurlea dagoeneko jakitun dateke Euskal Herrian askatasunaren alde egon den eta dagoen gatazka politikoaren ondorioz urte luzetan kartzelan, erbestean edota deportazioan bizi behar izan duten euskaldunak, etxerako bidean, beren bizitza berregiten hasteko izaten dituzten... [+]
Urte hasiera honetan ere Bilboko kaleak bete ditu Sare Herritarrak larunbatean Bilbon antolatutako manifestazioak. Presoei ezartzen zaizkien salbuespeneko lege eta tratamenduekin amaitzea eskatu dute amaierako ekitaldian, eta memoria “kolektibo” bat eraikitzea... [+]
Larunbat honetan egingo da Bilbon euskal preso politikoen aldeko urteroko manifestazioa. Gero eta preso gutxiago dago, baina 2011n ETAk bere jarduera armatua eten zuenean inork gutxik irudikatuko zuen handik hamabost urtera oraindik gatazka haren ondorioz espetxeratutako... [+]
Jar gaitezen 2025erako proposamen politiko gisa, Espainiako Auzitegi Kolonialaren (AN) epai guztiak berrikusten hasteko eta makila bakoitzak bere belari eusteko.
Unionismoarekin lerrokatutako alderdi, sindikatu eta gizarte-erakunde gehienek, eta ez bakarrik horrela... [+]
Datorren larunbaterako, urtarrilaren 11rako, Sare Herritarrak euskal presoen eskubideen aldeko manifestazioa deitu du, beste urte batez, Bilbon. Aukera paregabea da gure herriarentzat elkarbizitzaren bidean aurrera egiteko, hainbat hamarkadatan liskar bortitzetan murgilduta egon... [+]
Konponbide prozesuari eta etxeratze prozesuari behin betiko amaiera emateko aldarrikatuko dute, eta euskal preso behin betiko etxean nahi dituztela. Laguntza ekonomikoa jasotzeko Bizumkada Nazionala ekimena jarri dute martxan.
Merino 2001. urtean atxilotu zuten, eta dispertsioa jasan du, zigorraren zati handi bat Euskal Herritik kanpoko kartzelatan igaro baitzuen baldintza “zailetan”. Orain, askatasuna berreskuratu du.
Hatortxu Rock jaialdiko 29. edizioa egingo da larunbatean Atarrabian. Sarrerak jada agortuta daude, baina txandak osatzeko laguntza behar da oraindik.
Antolatzaileek iragarri dutenez, ohiko jaialdia eginen dute abenduaren 28an eta 2025eko uztailean lau eguneko jaialdi berezi baten bidez agurtuko dute behin betiko jendea, "erreminta berriei bide emateko". Orotara, hamazazpi taldek eskainiko dute kontzertua larunbatean.
Berangoko euskal preso politikoa Zaballako espetxean dago gaur egun eta bertatik helarazitako idazkian Euskal Preso Politikoen Kolektiboa utzi duela iragarri du.
Zerk harritu zintuen gehien kartzelatik atera zinenean? Galdetu didate maiz azken urte eta erdian.
Bilboko kaleak turista eta bi hankadun txakurrez lepo daudela ikusteak, adibidez? Edo egoera politikoaren aldaketak? Lehenengoak akitu eta amorratu nau, badago zer borrokatzen... [+]
Fermin Muguruzak kontzertua eskaini zuen pasa den larunbatean Martuteneko kartzelan, Iñaki Pikabea 'Piti' eta Joseba Sarrionandia ETAko kideek espetxe horretatik ihes egin eta 39 urtera. Orain, kontzertua dela-eta hainbat jenderen kexak jaso ostean, Eusko... [+]
Josune Arriaga eta Aurken Sola, hurrenez hurren, hamalau eta hamasei urteko espetxealdien ostean, baldintzapeko askatasunean irten dira kalera Espetxe Zaintzako Epaile Zentralaren ebazpenaren bidez.