Sarean ikusiko dugu elkar


2024ko apirilaren 26an - 10:07
Zarata mediatikoz beteriko garai nahasiotan, merkatu logiketatik urrun eta irakurleengandik gertu dagoen kazetaritza beharrezkoa dela uste baduzu, ARGIA bultzatzera animatu nahi zaitugu. Geroz eta gehiago gara, jarrai dezagun txikitik eragiten.

Gure herri eta auzoetan euskaraz bizi nahi dugula argi dugun bezala, argi dugu euskara Sarean egotea ezinbestekoa dela, esparru guztietan euskaraz bizi nahi badugu. Izan ere, Sarea aspaldi bihurtu zen gure bizitzako espazio natural. Gaur egun, Sarean egin dezakegu bestelako lekuetan egiten dugun guztia: ikasi, lan egin, erosi, lagunekin hitz egin, mota guztietako harremanak sortu, jolastu, filmak ikusi…

Askotan aipatu izan da Sareak, eta, bereziki, sare sozialek hizkuntza handien hegemonia indartzen duela. Horren harira, badakigu Euskal Herriko gazteen erreferenteak batik bat erdaldunak direla eta, askotan, sare sozialetan areagotzen dela arazo hori. Horregatik, beharrezkoa da Sarean ere euskararen presentzia bermatzea eta euskal edukiak sortu, sustatu eta kontsumitzea.

Argi dago, gainera, euskal jendartean gertatzen den orok duela isla Sarean, baita alderantzizkoa ere. Azken finean, bata bestearen isla dira, eta gaur egungo errealitatea ezin da ulertu bi espazio horien, digitala eta fisikoaren, elkarreragina kontuan hartu gabe. Hortaz, borroka edozein dela ere, Sarean eragin behar dugu, jendartea eraldatuko badugu. Bestela esanda, Euskal Herrian euskaraz bizi nahi badugu, Sarean ere euskaraz bizi beharko dugu.

Euskal Herria estaturik gabeko nazioa izanik, Internetek gune aske bat eskaintzen digu, non gure identitatea eta hizkuntza aldarrika ditzakegun; Interneten topa ditzakegu euskaraz bizitzeko espazio berriak

Mundu digitalak aukera berri anitz ekar diezazkiguke, eta gure eginkizuna da horiek geureganatzea, besteak beste, euskararen erabilera sustatzeko. Gainera, Euskal Herria estaturik gabeko nazioa izanik, Internetek gune aske bat eskaintzen digu, non gure identitatea eta hizkuntza aldarrika ditzakegun; hau da, Interneten topa ditzakegu euskaraz bizitzeko espazio berriak, mugen gainetik Euskal Herri osoa batzeko gauza direnak.

Probestu ditzagun, beraz, aukera horiek elkarrekin euskal komunitatea eraikitzeko. Eduki sortzaileok, ikus-entzule eta erabiltzaileok, eta, azken finean, euskaltzale orok osatuko dugun komunitatea. Horrek indartuko du euskararen identitatea eta lagunduko digu gure hizkuntzaren normalizaziorako bidean.

Eduki sortzaileok eremu digitaleko euskalgintzari ekarpena egiten diogu, edukiak sortuz eta espazio berrietara hedatuz. Euskara erdigunean duten proiektuak sortu dira, inork ezer esan gabe antolatu eta martxan jarri gara, eta euskaraz bizitzeko apustua egin dugu. Euskaratik eta euskaraz sortzen dugu, geu ere bagara euskalgintzaren subjektu aktibo, eta badugu zer esan.

Argi eta garbi esango dugu: Euskal Herria euskalduna izatekotan, euskarak Sarean egon behar du. Hortaz, ezinbestekoa iruditzen zaigu euskararen ikusgarritasuna bermatzea, bai eta komunitatea bera kontuan hartzea eta harekin batera elkarlanean aritzea ere. Era berean, guk konpromiso sendoa adierazten dugu euskara eta Euskal Herria ardatz izaten jarduteko: izan edukia sortu, zein komunitatea eraikitzen jarraitzeko.

Interneteko plaza digitalean euskaraz bizi nahi dugu, baita geure herrietako plazetan ere. Hemendik dei egiten dizuegu, euskaltzale orori, Sarean ere euskaraz bizitzeko, euskarazko edukiak sortuz, sustatuz, kontsumituz eta euskal komunitatearen parte izanez.

Sarean ikusiko dugu elkar.

*Hainbat sinatzaile (hurrenkera alfabetikoan eta zerrenda luzatzen doa unetik-unera):

    • Ainara Lasa Perez @ainariss

    • Aiora Mujika San Sebastian @probatxoa

    • Alfontso Vila @alfontso_sax

    • Amets Pérez Garcia @ametsiiin (TikTok)

    • Ana Sarria Muxika @pentsaerak.podcast

    • Ander Torregaray @espidermander

    • Andrea Gonzalez Valle @andrgzv

    • Asier Errasti @asiererrasti

    • Athenea Mendia @Athe2403 (Twitch)

    • Eder Etxebarria @ederto87 (peertube.eus)

    • Eider Zabalegi @gamelusaioa (youtune, peertube) @il4rgi (youtube, twitch)

    • Elene Mendizabal Hernández @elemelonsv

    • Eneko Oroz Ormazabal, @ekintaekin

    • Gaizka Izagirre Brosa @GaizkaIzagirre (Instagram, TikTok, Twitter)

    • Game Erauntsia Elkartea @gamerauntsia

    • Gorka Santesteban @kultur_ zast

    • Haritz Odriozola Olalde @HaOdriozola @TheProdigyEH

    • Iban Bilbao Barturen @zital

    • Iker Dominguez Gallego @rekisab (TikTok, Twitter, Instagram) @rekitarrak ( Youtube eta Twitch)

    • Iruñe Astitz Larunbe, @arkkuso (Youtube, Twitter, Instagram, Twitch, TikTok eta Mastodon)

    • Iñaki Alegria @inakialegria@mastodon.eus

    • Jokin Pedreño Alcolea, @Jokin_PA (TikTok, Twitch, Youtube, Twitter, Instagram)

    • Jon Peli Etxeberria Darraidou @JonPeliEtxDar

    • Julen Portillo @julenpo (Instagram), @julenportillo (Tiktok)Tiktok)

    • Lander Bilbao Basarrate @lastotxapelblog (Twitter) @lastotxapel (Twitch eta Youtube)

    • Lander Unzueta @Lanunzu

    • Luma Otaño @luma.ov

    • Mikel Iriarte @joxemiel

    • Maddi Etxeberria Otaegi @begaonegin (Instagram, TikTok)

    • Maddi Kintana, @ladymadimort (tiktok)

    • Maketo Irratia @maketoirratia (twitch, youtube, twitter, instragram, tiktok, spotify, ivoox)

    • Marian Antoñana Abalos @marianatonnana

    • Marina Garcia @bioKasle

    • Sergio @tfe

    • Tasio Sudupe @tasiosudupe (Youtube, Peertube, Mastodon, Twitch)

    • Tibalt Alberdi Osa @gitarraeuskaraz (instagram eta youtube) @pubguitarraeus (twitter) @pubguitar (twitch)

    • Xabi Linazasoro @Trikuxabi

Bidali zure iritzi artikuluak iritzia@argia.eus helbide elektronikora

ARGIAk ez du zertan bat etorri artikuluen edukiarekin. Idatzien gehienezko luzera 4.500 karakterekoa da (espazioak barne). Idazkera aldetik gutxieneko zuzentasun bat beharrezkoa da: batetik, ARGIAk ezin du hartu zuzenketa sakona egiteko lanik; bestetik, egitekotan edukia nahi gabe aldatzeko arriskua dago. ARGIAk azaleko zuzenketak edo moldaketak egingo dizkie artikuluei, behar izanez gero.


Irakurrienak
Matomo erabiliz
#1
June Fernández
#2
Ainhoa Aldazabal Gallastegui
#3
#4
Mikel Otero Gabirondo
Azoka
Kanal honetatik interesatuko zaizu: Irakurleen gutunak
2025-03-16 | Josu Jimenez Maia
Harearen pisua

Harea-erloju baten bidez irudikatu ohi da denboraren joana. Ospatu berri dugu Saharako Errepublika Arabiar Demokratikoak 49 urte bete dituela iragan den otsailaren 27an. Urte hauetan guztietan, harearen pisuak ez du oraino estali Saharako populuaren askatasun-nahia eta... [+]


AHTaren zundaketen aurkako ia bi urteko borrokaren balantzea

Datorren udaberrian, Stop AHT Zundaketak ekimenak bi urte beteko ditu. 2023ko maiatzean, ADIFek Itza, Sakana eta Goierriko udalei jakinarazi zien zundaketa geoteknikoak eta beste jarduketa batzuk egingo zituela AHTaren Nafarroako korridorea Euskal Y-arekin lotzeko alternatibak... [+]


Bi indar kontrajarri

UEMAk Telegram bidez banatzen duen “Euskararen Hemeroteka” kanalean honoko titularrak irakurri ditut bata bestearen atzetik: “Gipuzkoak euskararen aldeko bide-urratzaile izateko ardura hartu du”, eta jarraian “Udaltzainen hizkuntza eskakizunen... [+]


2025-03-15 | Jabi Elorza Antia
Txapela buruan

Iazko udan ere Alacant aldera hurbildu ginen eguraldi hobea aurkitu nahian eta, urtero bezala, egun batez, Benidorm erraldoian sartu ginen hango giroan murgildu, zerbait hartu eta seme-alabekin izozki edo gofre bat dastatzeko asmoz.

Hiri bitxia da, denetarik aurki dezakezu... [+]


Judimendi auzo eskola ez da etorri berria

Ongi etorria eman digu Unai Mendizabalek A eredutik D eredura aldaketa egitea erabaki dugulako Judimendi auzo eskolan. Bidea malkartsua izango dela ere ohartarazi digu Armentia Ikastolako guraso eta Arabako Ikastoletako lehendakariak. Gure esker ona adierazi nahi diogu eman... [+]


Euskararen gurditik denok tira egin behar dugu, baita hezkuntzan ere

Ez dira gutxi azken boladan euskara bere onenean ez dagoela eta bere transmisioa bermatuta ez dagoela ohartarazten ari diren ahotsak. Bestetik, inork ez du ukatzen hezkuntzak ezinbesteko betebeharra duenik euskara eta euskal kulturaren biziraupenerako. Erronka estrategikoa... [+]


2025-03-15 | Rober Gutiérrez
Mantrak

Azken asteetan zenbait unibertsitatetako ate irekien jardunaldietara joateko aukera izan dut. Semea aztertzen ari da zer ikasiko duen datozen urteotan eta, erabakia hartu aurretik, komeni da aukera guztiak begiratzea. Unibertsitate bakoitzak badu bere misioa, bere izaera, bere... [+]


Ezer aldatu ez zuen pandemia

Bost urte igaro dira pandemiaren hasieratik. Pandemia horrek ekarri zuen denok zaintza eredua ezagutzea, inondik inora ere behar bezala ez zebilena. Egoitzetako kutsatzeen eta hildakoen datuak, batez ere pribatuetan, zifra hutsak baino askoz gehiago izan ziren.

2020ko... [+]


Gure istorioak berreskuratzea eskubideak defendatzeko

Duela aste batzuk, gurean egon ziren El Salvadorko eta Kanarietako emakumeen eskubideen aldeko hainbat aktibista. Sexu- eta ugalketa-eskubideez eta eskubide horiek urratzeak emakumeengan dituen ondorioez aritu gara; hala nola El Salvadorren berezko abortuak izanda homizidio... [+]


Zerga turistikoarena estrategia komunikatibo hutsa da

Tasa edo zerga turistikoaren eztabaida urtetan luzatzen ari da, erakunde publikoetan ordezkaritza duten indar politikoen artean zabala den arren ezarri beharraren gaineko adostasuna. Eztabaidetako bat da zerga hori zein erakundek kobratuko duen: zenbait udalek (tartean... [+]


Gurekin egiten dutena

Ba al dakizue frantses batzuk harritu egiten direla mugaren alde honetan ere euskaldunak bagaudela jakitean? Ba bai, harrigarria bada ere, behin, Donostian, frantses batzuei entzun nien sinetsi ezinik beren buruari galdetzen: “Saint-Sébastien est au Pays... [+]


Bi minututan galdutako elkarrizketak

Azkar! Azkar! Adi egon, ez daukat astirik eta! Ohartarazi behar zaitut, denborak agian ez baitit uzt… Pipipipi-pipipipi! Pipipipi-pipipipi!

Goiz jaiki, eguneratuta egoteko irratia piztu, dutxa hartu, ilea lehortu, orraztu, bizarra kendu edota makillatu, kafea egiten den... [+]


2025-03-13 | Josu Iraeta
Herri aske izango bagara

Ez da berria, lehen ere ezagutu ditugu horrelako egoerak. Bere garaian hartutako erabakiaren emaitzak okertzen doazenean, zuzentzeko nahiko denbora balego bezala, eta ez da egia.

Hitz politak, itxaropentsuak, euskal gizartean pozik entzuten direnak, bai, baina badut beldurra,... [+]


Etxebizitza hutsak eta jabetza-eskubidea, eskuineko mantrak desmuntatuz

Azpeitiko Udalak etxebizitza hutsei ezarritako kanona abian jarri berritan –eta Euskadi osora zabal daitekeela jakinda–, etxebizitza horien jabeen eta eskuineko alderdien kexak irakurtzen eta entzuten hasiko gara. Jabetzarako Eskubidearen inguruko mantra horiek... [+]


Aztarnak

Lurrak guri zuhaitzak eman, eta guk lurrari egurra. Egungo bizimoldea bideraezina dela ikusita, Suitzako Alderdi Berdearen gazte adarrak galdeketara deitu ditu herritarrak, “garapen” ekonomikoa planetaren mugen gainetik jarri ala ez erabakitzeko. Izan ere, mundu... [+]


Eguneraketa berriak daude