Sarean euskara ikusarazteko #3000Twitz kanpaina abiatu dute
Euskal bideo-joko zale komunitateak Game Erauntsia Elkartearekin batera Twitch plataforman euskara eta sortzaile euskaldunak ikusarazteko kanpaina abian jarri dute. Egitasmoaren sustatzaileekin hitz egin dugu. Iruñe Astiz Larunbe @arkkuso, Garikoitz Larrañaga Azkue @Gari_infernu eta Ainhoa Azkue Ibarguren @nebunebukai.
Euskal bideo-joko komunitateak Game Erauntsia Elkartearekin batera #3000Twitz kanpaina martxan jarri dute hiru helburu nagusirekin: Twichen euskara hizkuntz ofiziala bihurtzea, Interneteko sortzaile euskaldunak ikusaraztea eta ingurune digitalean euskaraz bizitzea ahalbidetzea.
Kanpainaren izena Twichek euskara hizkuntza ofizial bezala gehitzeko eskaerari lotuta dago. Izan ere, katalana hizkuntza ofiziala bihurtzea lortu zuten ia 3.000 boto lortu ondoren. Horrela bada, kanpainaren helburua 3.000 boz lortzea da.
Azaroaren 28tik abenduaren 4ra bitartean hainbat zuzeneko emanaldi zabalduko dira. Hauek bideo-jokoen partidak, gitarra saioak, irratsaioak, umorea, hitzaldiak eta rol partidak izango dira. Euskal bideo-joko komunitateko streamerretaz gain hainbat kultur eta gizarte eragilek beraien edukiak gehituko dituzte, besteak beste Sutan Bang kolektiboak, Nafarroa Behereko Kanaldude tokiko telebistak eta Naiz Irratiak.
Abenduaren 3an Euskararen Eguna ospatzeko Arkkuso eta Aiora Probatxoa youtuberrak eta Nebukai streamerrak elkarrizketa saio bat antolatu dute. Kai Nakai, Dylan Inglish, Aitziber Garmendia eta Odei Jainaga elkarrizketatuko dituzte. Horretaz gain, ekimenak jendarteko beste sortzaile batzuen kolaborazioak izango ditu.
Abenduaren 5ean kanpainari amaiera emango zaio 24 orduko maratoi batekin. Besteak beste, Game Erauntsia Elkarteak Rocket League bideo-jokoaren txapelketaren finala eskainiko du zuzenean.
Naiz Irratia ekitaldiaren babesle ofiziala da eta Bigarren Kafea bideo-irratsaioa kanpainara gehituko da. Informazioa zabaltzeko @3000Twitz Twitter kontua erabiliko da eta YouTuben bereziki sortutako kanalean euskaraz sortzea bultzatzeko tutorialak eskainiko dira.
Twitch plataformari buruz
Twitch 2011n sortu zen sarean zuzeneko emankizunak egiteko plataforma da. Bideo-jokoetan berezitua dago eta egunero milioi eta erdi ikusle baino gehiago batzen ditu. Gaur egun Twitchen 34 hizkuntza hautatu daitezke emisioa egiterakoan, baina euskara ez dago zerrenda horretan. Euskara hizkuntza ofiziala bihurtzeak euskal sortzaileen edukiak iragazteko aukera ekarriko luke.
Herritarrak eskatzen du seinaleak euskaraz jartzeko. Gobernuak erantzuten dio legeak ez duela horretara behartzen. Behatokiak erantzuten dio, legeak ez badu derrigortzen ere, euskaraz jartzeko debekurik ez duela. Gobernuak bereari eusten dio. Alabaina, herritarrak tematzen dira... [+]
Irailaren 16tik 22ra iraganen da euskararen erabilpena bultzatzeko xedez antolaturiko festibala. Baiona, Angelu eta Miarritze hirietan bideraturiko festibalaren hamahirugarren edizioa dute aurtengoa.
Sarean lan egiteko elkar entzutea eta errespetatzea “nahitaezkoa” da Aitor Bedialaunetarentzat (Ondarroa, Bizkaia, 1991). Euskal Gorrak, Pertsona Gorren Elkarteen Euskal Federazioko presidentea zeinu hizkuntzaren kalitatea zaintzearen garrantziaz mintzatu da. Salatu... [+]
Maddi Kintanak ekainean aurkeztu du Master Amaierako Lana Bordeleko Unibertsitatearen eta Iker ikerketa-zentroaren laguntzarekin. Gazteen hizkera BAM eta inguruan du izenburu eta Biarritz, Baiona eta Angeluko 18 eta 24 urte bitarteko gazteen hizkera aztertu du. Horretarako,... [+]
Garai hiper azeleratu eta likido hauetan erantzun sendoek heldulekuak eskaintzen dizkigute. Erraza da krisi garaietan halako premisa bati heldu eta zure egitea, bandera altxatzeraino. Inguruan gertatzen ari den guztia ulertzeko erantzunak behar dituzu, erantzun azkarrak; eta... [+]
Euskaraz deklaratzea ukatu dio epaileak, eta erabaki du ez parte hartzea bere aurkako epaiketan. Auzitegi kanpoan babesa ematera joandako hamarnaka euskaltzaleren aurrean desobedientziarako deia egin du Torrek. Guztira 3.268 euro ordaintzera zigortu dute.
Aiora Eizmendi Otaegik (Errezil, 1997) Administrazio eta Finantzako Goi-mailako Zikloa egin zuen eta urte batzuetara Lehen Hezkuntzako Gradua egin zuen EHUn. Uztaro aldizkarian argitaratu ditu "Arnasgune bateko haurrak eta hitanoa: hastapena eta helduen begirada"... [+]