Sare mugimenduak milaka lagun batu ditu Bilbon dispertsioaren aurka
Euskal presoen sakabanaketaren bukaera eskatzeko, milaka lagun batu dira larunbatean Bilbo Arenan. Dispertsioaren liburua aurkeztu dute herritarren sarea trinkotu eta dispertsioaren errealitatea munduratzeko asmoz. Aurpegi ezagun ugarik hartu dute hitza ekitaldian, tartean, Juan Jose Ibarretxe, Uxue Barkos, Axun Lasa eta Javier Madrazok.
25 urtez luzatu den dispertsio politikarekin amaitzeko unea iritsi dela esanez aurkeztu dute ekitaldia Ines Osinaga musikariak eta Galder Perez antzerkigileak. Helburua argi, bideari ekiteko hiru urrats azaldu zituzten: sakabanaketaren ondorioen berri zabaltzea, dispertsioaren gaineko iritzian eragitea eta sakabanaketarekin amaitzeko herritarren sare sendoa antolatzea.
Horretarako, Dispertsioaren liburua aurkeztu dute. Apirilera arte, mundu osoan 500.000 ale banatzea da asmoa, “edonork modu argian ulertzeko eskubide urraketa hori zertan datzan, ikuspegi juridikotik, sozialetik eta humanotik”. Ikuspuntu horietatik abiatuta, sakabanaketarekin bukatzeko arrazoiak eman zituzten Iñaki Lasagabasterrek, Jule Goikoetxeak eta Igor Elortzak.
Bilboko kiroldegian batutako herritarrek ere izan dute protagonismoa. Eskutik eskura sokak pasatuta sarea osatu eta “Saretuz, dispertsioarekin bukatuko dugu” hitzak eratu zituzten. Halaber, dantza, musika, slaclinea eta poesia ere izan dira ekitaldian.
Bestetik, urtarrilaren 10ean Bilbon manifestazio erraldoia iragarri dute euskal presoen eskubideen alde. Giza eskubideak aldarri, mobilizazioaren bidez, “mundua mugiarazi eta hunkitzea” lortu nahi dute.
Desberdinen arteko indar metaketa
Larunbateko ekitaldiak ekainaren 15ean abiatutako herritarren sarea trinkotzen jarraitzeko mugarri izatea zuen helburu, sakabanaketarekin amaitzeko “desberdinen arteko indar metaketa” beharrezkoa dela azpimarratuta.
Bideo batean politikari, musikagile eta beste aurpegi ezagun ugarik hartu dute hitza, dispertsioarekin amaitzeko herritarren aurreratzean eman beharreko pausoak azalduz. Hauen artean daude, besteak beste, Juan Jose Ibarretxe, Axun Lasa, Juan Mari Olano, Carlos Garaikoetxea, Uxue Barkos, Toti Martinez De Lezea, Willy Toledo, Joan Mari Torrealdai, Asun Landa eta Javier Madrazo.
Ekitaldiko zenbait unekin osatutako bideoa ikusgai dago Naiz.info webgunean.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.