Santurtziko Eguzkilore etxebizitza hustu, eta barruan zeuden bi pertsona atxilotu dituzte
20 urte baino gehiagoz okupatuta egondako Eguzkilore etxea hustu du Ertzaintzak, eta barruan erresistentzian ari ziren bi kide atxilo eraman dituzte. Gertakarien aurrean, mobilizazioa deitu dute 19:30ean.
Ostegun goizeko 09:30erako Santurtziko Cuesta del Hospital Bajo kaleko 31. zenbakira gerturatzeko deia egina zegoen. Bertan kokatua dago 20 urtetik gora okupatuta egon den Eguzkilore etxea, Chaferma SL eraikuntza enpresaren jabetzakoa. Urriaren 21 honetan, baina, amaiera eman diote ibilbide horri, iragarri bezala etxebizitza hustu egin baitute.
Goizean goizetik hainbat lagun hurbildu da desalojoa gelditu asmoz egindako deialdira. Ertzaintzak etxebizitzaren inguruak sokaz inguratu dituen arren, bertaratutakoak zenbait orduz egon dira eraikinaren kanpoaldean, barruan zirenei babesa eta elkartasuna helarazten. Eguerdian, 14:30ak aldera, Pititako Informatzen-ek jakinarazi du bi pertsona atxilotu dituela Ertzaintzak. Etxebizitza barruan erresistentzian ari ziren bi kide dira atxilo eramandakoak.
Polizia oraindik atetik igaro gabe zela, barruan itxita zeuden kideetako batekin hitz egin du Irola Irratiak. Erresistentziaren bidea hautatzeko arrazoiak azaldu ditu hark. Jakinarazi du barruan ixtea erabaki badute ez dela izan bakarrik Eguzkilore beren etxebizitza izan delako, baizik eta adierazten duen guztiagatik. Desalojo arriskuaz ohartarazteko publiko egindako irakurketan egin bezala, Hiri Antolamendurako Plan Orokorrarekin lotu du hustea. Izan ere, Eguzkilore kokatuta dagoen Bullon auzoak 25 urte baino gehiago daramatza antolamenduz kanpo, eta jabetza berreskuratzeko etxebizitzaren jabearen bapateko interesa “Santurtziko Udala izapidatzen ari den hirigintza plan espekulatiboarekin” lotu dute etxeko kideek –baita “hainbat hedabide okupazioaren aurka garatzen ari diren kanpainarekin” ere–. Laburbilduz, estrategia zertan datzan azaldu du irratiarekin mintzatu den kideak: “Zonalde bat degradatu erosketak merke antzean egin eta eraikinak eraisteko, ostean berriak eraiki eta garesti saltzeko”.
Azaldu duenez, horren aurrean erantzun bat eman nahi zutelako erabaki dute hustearen aurrean erresistentzia agertzea: “Erantzun bat eman nahi genuen. Adierazi ez dugula okupatzen soilik etxebizitza baten beharra dugulako; hori ere bai, etxebizitza arazo larria dugu, baina horrez gain, okupatzen dugu uste dugulako jabetza pribatua guztiz bidegabea dela eta hein batean jendea esklabo bihurtzen duen sistema krudel hau eusten duen pieza dela”.
Mobilizaziora deia
Desalojoa gaitzetsiz eta atxilotuak askatzeko exijituz, mobilizaziora deia egin dute “Okupazioa sortu, lagundu eta babestu!” lelopean. Manifestazioa 19:30ean abiatuko da Santurtziko Gernika parketik.
70 urteko emakume bat eta bere biloba bota zituzten euren etxetik, baina hura bereganatu dute berriz. Etxea defendatzeko konpromisoa azaldu du Uribe Kostako Etxebizitza Sindikatu Sozialistak.
Joan dira All In Da Hauseko hiru final aurrekoak. Oñati, Gernika eta Hendaiako Gaztetxeetaraino iritsi da freestyle txapelketaren bederatzigarren edizioa. Orain arte egindako bide honen balorazio positiboa egiten dute antolatzaileek, "Euskal Herriko txoko hauetan,... [+]
Gaur, behin betiko bozkatuko da okupazioaren aurkako lege-aldaketa kongresuan. Atzo, Eusko Jaurlaritzaren aurrean elkarretaratzea egin dute hainbat gaztetxeetako kideek; aldarrikatu dute "okupazioaren aurkako kriminalizazio oro gelditzea, eta okupazioaren aurkako neurri... [+]
Kaletik Gaztetxera asanbladak ostiralean jakinarazi zuen lehengo Correos birjabetu duela, Gaztetxe bilakatzeko. Hainbat ekimen antolatu dituzte bertan azken egunetan, eta jende andana bertaratu da.
Bertan behera geratu da Barakaldoko epaitegian egingo zen Sastraka Gaztetxeko bederatzi kideren aurkako epaiketaren ahozko saioa. Akusatuen defentsak egozten zaien okupazio delitu arinaren preskripzioa planteatu du, eta Fiskaltzak karguak erretiratu ditu.
Urtebetez egon da Gasteizko Alde Zaharreko frontoi okupatua itxita, 2023an kazkabar ekaitz batek teilatua apurtu ostean. Pozik daude pilotalekua kudeatzen duen Txapa Ahotsa asanbladako kideak, konponketa prozesuak erakutsi dielako pilotalekua “espazio garrantzitsua”... [+]
Dutxa Etxea zena 2013an itxi zuten Javier Marotoren alkatetza garaian, “integrazio arazo bat” zela argudiatuta. Uztailaren 22an auzoko zenbait eragile eta bizilagun Alde Zaharreko lokalean sartu ziren Herri Labanderia izeneko garbitegia martxan jartzeko. Udaltzaingoa... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.
Lokalaren jabeak eta Ertzaintzak desalojatu eta hesitu egin dute Jardun Koordinadorak maiatzaren 1ean okupatu zuen Kantauri espazioa. Jauregi Jenerala kalean dago lokal hori, eta bi hilabetez egon dira Jardun Koordinadorako kideak bertan, hainbat gorabehera izan badituzte ere.
Iaz, Señora Sariketa irabazi zuenean, Maider Arregik “inporta zaizkion jendea eta kausak” aipatu nahi izan zituen agurrean: “Infernu auzokoak, bollerak, marikak, AHTren kontra dabiltzan lagunak, okupazioaren aldekoak…”. Horiek denak eta... [+]
Zazpi urtetik gora okupatuta eman ondoren hustu egin dute Aiztogile kaleko 92. zenbakia.
'Desokupa kanpora' lelopean, elkarretaratzea egin dute larunbatean, etxebizitzaren aurrean.
Apirilaren 18rako zegoen ezarrita desalojoa, eta lurrak defendatzeko asmoz bertaratu ziren hainbat pertsona. Ertzaintza, baina, ez zen joan, eta auzitegiek jakinarazi dute atzeratu egin dutela huste saiakera. Desalojoa gelditzea lortzen duten bigarren aldia da.
Berangoko Otxantegiko nekazal lurrak modu kolektiboan lantzen bi urte eman ditu proiektu agroekologikoak, baina desalojo agindua dute apirilaren 18rako. Kanporatzea gelditzea lortu zuten iaz, eta berriro ere lortuko dutelakoan, gosari herrikoia deitu dute egun horretarako... [+]