Santa Klara uhartea babesteko plana eskatu dute Donostiako bizilagun eta natur taldeek
Uharteko itsasargian Cristina Iglesias artistaren obra paratzeko lanak 2021eko udaberrian amaituko dira. Sor ditzakeen “albo-eraginez” kezkaturik idatzia plazaratu dute hainbat eragilek, eta kudeaketa iraunkorrerako plan bat eskatu dute.
Donostiako BiziLagunEkin plataformak, Eguzki talde ekologistak, Haritzalde Naturzaleen Elkarteak eta Parkea Bizirik Kulunbera elkarteak agerraldia egin dute ostegunean Donostiako portuan, Santa Klara uharteko itsasargian Cristina Iglesiasen artelana jartzeko obrak direla-eta.
Azaldu dutenez “kezkatuta” daude artelana ikusgai jarri ondoren sor ditzakeen albo eraginez. Besteak beste, ingurumenean, ondarean, udal diru-kutxetan eta hiriaren turistifikazio prozesuan aldaketak ekarriko baititu, hauen hitzetan. Salatu dute Donostiako Udal Gobernuak ez diela jaramonik egin halako kalteak saihesteko proposaturiko hobekuntzei, are gehiago, obraren kostua %11 garestitu dela “noiz eta, krisi testuinguru honetan, behar eta premia sozialak areagotu direnean”.
Idatziaren bultzatzaileek garbi utzi nahi izan dute ez dutela proiektuaren balio artistikoa zalantzan jarri nahi, baina uharteak eta hiriak dituen balioak babestu beharko liratekeela diote, eta, proiektua bere horretan utzita, “konpondu ezinezko kalteak” sortuko lituzkeela. Hala, Gaztelugatxeko kasua jarri dute adibidetzat.
Eragile hauek gogorarazi dute Santa Klara “harribitxi” bat dela hiriaren erdian, “Donostiaren nortasun kolektiboa ardazten duena” eta funtsezkotzat jo dute hori hala izaten segi dezan bermatzea. Horretarako, uhartearen kudeaketa eta erabilera plan bat eratzea proposatu dute.
Plan horrek jasoko lituzke, besteak beste, hainbat muga Santa Klarara iritsi eta uhartean sartzeko gehienezko jende kopuruari eta urte sasoiari dagokionez, baita itsasargiko artelana irekita mantentzeko egun kopuruari dagokionez ere: “Uharteak egun betetzen duen lagunarteko aisialdirako arnas-gune funtzioa mantentzea bermatuko litzateke”. Horrez gain, azpiegitura gehigarririk ez egitea, edo interes pedagogikoak izan ditzaketen jarduerak soilik egitea proposatzen du planak, “hazkunde turistikoa jomuga dituzten ikuspegiak irmoki baztertuz”.
Beren ustez, oraindik badago aukerarik proiektu “ireki eta parte-hartzaile bat planteatzeko”, beti ere kontuan izanik uhartea etorkizuneko belaunaldientzat babestu beharreko biotopoa dela. Hala, Donostiako Udal Gobernuari eta proiektuaren talde teknikoari eskatu diete babes hori bermatzeko baliabideak “aktibatu” ditzatela.
Green Capital izeneko enpresak Zizurkil eta Usurbil udalerrietako lurretan ezarri nahi duen Ezkeltzu izeneko zentral eolikoak badu neurriko oztopo bat: Aire Segurtasuneko Estatu Agentzia (AESA). Antza denez, hegazkinek "maniobra-aldaketa interferitua" egiten dute... [+]
Nafarroako Hazialdekoren, Ipar Euskal Herriko Biharko Lurraren Elkartearen (BLE) eta Gipuzkoako Biolurren arteko elkarlanetik sortu berri da HoBBea, mugaz gaindiko proiektua. “Garien bueltan bagenuen aspalditik harremana gure artean, baina, nolabait, harreman horiek... [+]
"Nai dezu katillu bat borraja loriak?”, idatzi zuen 1906 eta 1908 artean Baserritarra aldizkarian argitaratzen zituen artikuluetako batean Biktoriano Iraola Aristigietak. Borraja (Borago officinalis) sendabelar sonatua izan da: eztula baretzeko, diuretiko,... [+]
Beste hainbat intsekturen kasuen modura, hau ere “tigre” hitzaren itzalpean izendatzen dute herrialde batzuetan. Jakina, halako izena jarriz gero espero zitekeen ehizarako trebetasuna ezin falta! Eta halaxe da, bai.
Badira sei urte nire lehen erlezaintzako ikastaroa egin nuela. Gaur gaurkoz erlezaintza da nire ogibidea.
Lehen erleak erosi nituenean ez nekien arraza ezberdineko erleak zeudenik ere, auskalo zer erosiko nuen bakarren batek "erle beltza izango da, ezta?" galdetu zidan... [+]
Meaka-Irimo herri plataformak antolatu du egun hau, Capital Energy multinazionalaren Trekutz proiektuaren aurka mobilizatzeko. Ekitaldiaren ondoren toka txapelketa, herri bazkaria, bertso saioa eta erromeria gozatuko dute Irimo eta Trekutzera igotzen direnek.
Errausketaren Aurkako Mugimenduak Errausketaren aurkako giza katea egingo du datorren hilaren 8an Donostian. 11:00etan abiatuko da Alderdi Ederretik.
Zubietako erraustegitik Artaxoara eramaten zituzten lixibiatuengatik, Ekondakini zigor espedientea irekitzeko eskatu zion ekainean Nafarroako Gobernuak Eusko Jaurlaritzari.
Orain dela 5,5 milioi urte inguru, mugimendu teknokikoek Mediterraneo itsasoa eta Ozeano Atlantikoa banatu zituzten. Horrekin batera, gatz-biltegi erraldoi bat sortu zen Mediterraneoaren azpian.
Mugitzeko eta ibiltzeko zailtasunak dituzten 5 urteko bi ikasleri asteroko baso-eskola saioa egokitu zaie Irungo ikastetxean: muga eta beldur artean hasitako erronkak onura, garapen eta ikasketa handiak izan ditu. "Oso babestuta dauden ikasleak dira eta basoan aske uzteak... [+]
Mugak Zabalduz karabanarekin, Bosnia Herzegovinako Bihac hirian, Nihad Suljic aktibistak Drina ibaia Balkanetako hilobi handiena dela azaldu zigun. Ahantzi ez daitezen, topatzen diren hilotzak identifikatzeaz eta ehorzketa emateaz arduratzen da, merezi duten duintasuna aitortu... [+]
Udaldian, erretiratuok ez ohi dugu opor goserik, eta patxadaz aztertu ahal ditugu gure inguruko gorabeherak. Hori dela-eta, gai batzuek harriduraz harrapatu naute, eta honako hauek dira.
Espainia. Eurokopak eta Olinpiar Jokoek uda osoa bete dute. Aldez aurretik, esan behar... [+]
Dagoeneko ez dakit bero olatuek burmuina kolpatuta gauden, betiko hipokrisia den edo logika sistemiko hutsa den, baina dakigunaren, esaten dugunaren eta egiten dugunaren arteko arrakalak, kezkaz haratago, harridura ere sortzen dit, batez ere uda giroan. Albisteak, ikerketak,... [+]