Sanferminetako talde bortxaketa sexu erasotzat jo du Espainiako Auzitegi Gorenak
Nafarroako Auzitegiek bortxaketa sexu abusutzat jo ostean, Espainiako Auzitegi Gorenera heldu da kasua. Sententziaren arabera, sexu erasoa izan zen.
Bide luzearen ostean, heldu da auzibidearen amaierara 2016ko Sanferminetako talde bortxaketaren kasua. Ostiral goizean kasua berrikusi du Espainiako Auzitegi Gorenak, eta epaileek alde guztiak entzun ostean, gertatutakoa sexu erasoa izan zela dioen sententzia eman dute. Sexu abusuengatik bederatzina urteko espetxe zigorra zuten bost akusatuek, baina gaurko saioaren ostean, hamabost urtera igo diete kondena.
Nafarroako Auzitegiek –Probintzia Auzitegiak eta Auzitegi Nagusiak– bortxaketa sexu erasotzat ordez, sexu abusutzat jo zuten. Erasoa izan dadin erasotzaileak indarkeria erabili behar duela, eta bortxaketa horretan indarkeria zantzurik ez zegoela argudiatu zuten. Erasotzaileek eurek bideoan grabatu zuten bortxaketa froga gisa izanik ere, Auzitegi Nagusiaren sententziak dioenez emakumea bortxatzeko “abantailakeria” erabili zuten gizonek, ez indarkeria. Epaimahaia zatituta agertu zen: bost epailetik hiruk sinatu zuten, eta beste bik boto partikularra eman zuten, indarkeria erabili zutela adieraziz
Harrabotsa sortu zuten bortxaketa sexu abusutzat jotzen zuten epaiek, eta helegiteak jarri zituzten bai herri akusazioak zein akusazio partikularrak, kasua Espainiako Auzitegi Gorenera eramanez. Akusazioen eskaria bortxaketa sexu erasotzat jotzea zen. Defentsak, bere aldetik, bortxatzaileentzat absoluzioa eskatu du momentu oro, sexu harreman onartuak izan zirela argudiatuz.
Sexu erasoa
Ostiral goizean Espainiako Auzitegi Gorenean egindako berrikusketan Isabel Rodriguez Fiskalak argi defendatu du akusazioen postura, gertatutakoa sexu erasotzat joaz. Rodriguezen arabera, 2016ko Sanferminetako talde bortxaketan indarkeria erabili zuten erasotzaileek, eta hargatik sexu abusu ordez sexu erasotzat kalifikatu du gertakaria. Rodriguezen arabera “bortxaketa jarraitua” izan zen, indarkeria tarteko. "Ez dago biktimaren onespenaren arrastorik; akusatuek ez zioten ezer galdetu, eta beren presentzia eta jarrera hutsarekin, biktima makurrarazi zuten", adierazi du.
Horrez gain, azpimarratu du emakumea atari batean sarrarazi zutela, beldurra eragiten zuen giroan eta defendatzea ezinezkoa zuela. Bost gizonek erasotzen ari ziren emakumeari telefonoa kendu eta SIM txartela lurrera bota zutela azpimarratu du, ondokoa adieraziz: "Oztopatu egin nahi izan zuten biktimak laguntza eskatzeko zeukan modu bakarra". Hala bada, auzipetuei zigorra gogortzeko eskatu du: bederatzina urteko espetxe zigorra hemezortzira igotzearen alde agertu da.
Auzipetuen defentsak absoluzioa eskatu du beste behin, "adostutako sexu harremanak" izan zirenaren argudioari eutsiz. Akusazioko abokatuak erantzun dio isilik geratzea ez dela onespen seinale, eta ezezko esplizitu bat ez dela beharrezkoa gertakaria bortxaketa izan zela ondorioztatzeko. "Biktima bati ezin zaio jarrera heroiko bat exijitu, halako egoera arriskutsu batean", gaineratu du Fiskalak.
Epaileek, aldeek esandakoak entzun ostean, sententzia eman dute. Ia hiru urteko auzibidearen ostean, kasuaren norabidea aldatu eta talde bortxaketa sexu erasotzat jo da, ez sexu abusutzat. Jose Angel Prenda, Antonio Manuel Guerrero, Jesus Escudero, Angel Pozas eta Alfonso Jesus Cabezudo bortxatzaileek hasierako espetxe zigorra biderkatzen duen zigorraldia bete beharko dute.
Uda honetan, gutxienez hemeretzi erailketa matxista izan dira, eta horietatik gutxienez hiru kasutan, poliziak edo polizia ohiak dira hiltzaileak. Donostian, gainera, erailketa saiakera bat ere izan da ertzain baten partetik: bere bikotekidea hiltzen saiatu zen abuztuan.
Gasteizko sententzia horrez gain, asteburuan gutxienez beste lau sexu eraso salatu dituzte; hiru Gasteizen eta bat Donostian.
Ehun bat pertsona bildu ziren larunbatean Luhusoko plazan Itaia emazte antolakundeak eta Luhusoko besta komiteak jakinarazi duten bortxaketa salatzeko.
Osteguneko lehen minutuetan jazo dira gertaerak Mina del Morro inguruan, Santutxu auzoan, 00:20 orduak aldera, eta ustez, 34 urteko gizon batek 31 urteko bikotekidea hil du.
76 urteko emazteak zauri larriak ditu. Eusko Jaurlaritzako Segurtasun Sailak adierazi duenez, ostiral goizaldean egin dio eraso eta Ertzaintzak senarra atxilotu du emaztea hiltzen saiatzeagatik.
Emakumeen Aurkako Indarkeriaren Bilboko bi Epaitegiek neurri hori onartu dute. Bilboko epaile dekano Aner Uriartek neurria emakumeak babesteko eta ez birbiktimizatzeko helburuarekin hartu dela esan du, baina Bilboko Abokatuen Elkargoak salatu du kolokan jartzen dituela ikertuen... [+]
Neska gazteak agertzen dira irudietan eta Telegram bidez zabaltzen dituzte. Irailaren 1ean kanpaina bat abiatuko dute sare sozialen bidez, gobernuak neurriak hartu ditzan.
Hil arte bizirik sentitzearen beharraz ari da Olatz Mercader. Gaixorik egon izan delako bere bertsio gutxitua hurbilegi ikusi duenak badaki zein garrantzitsuak diren konpromisoa, grina eta desioa.
Ertzaintzak 27 urteko gizon bat atxilotu du Donostian, abuztuaren 18ko goizaldean, Aste Nagusiko azken gauean, Parte Zaharrean emakume bati sexu erasoa egitea egotzita. Eraso matxista horrez gain, beste batzuk ere publiko egin dira hirian azken asteotan, eta horiek guztiak... [+]
Bilboko epaile dekano Aner Uriarteren arabera neurria “nor den nor” identifikatzeko eta emakumeak babesteko eta ez birbiktimizatzeko da. Bizkaiko Abokatuen Elkargoak salatu du ez direla errespetatzen errugabetasun printzipioa eta “duintasuna”.
Gertaera abuztuaren 18ko goizaldean izan zen Donostiako Alde Zaharreko kalezulo batean, Ertzaintzak adierazi duenez. Egun horretan emakume batek beste sexu-eraso bat salatu zuen Donostian, gizon batek “diskoteka baten inguruan ukituak egin zizkiola” esanez.
Joan den astean izan ziren Burlatako jaiak eta aste honetan jakin da adingabeko neska gazte batek izandako sexu erasoa. Espainiako Poliziak, halaber, jakinarazi du erasoarekin lotutako 18 urteko gazte bat atxilotu zuela joan den igandean.
Bingen Zupiria Eusko Jaurlaritzako Segurtasun sailburuak adierazi du: “Ertzaintzako barne arautegiak hutsegite larritzat eta botatzeko arrazoi posibletzat ditu horrelakoak”. Gainera, Gipuzkoako Fiskaltzak eskatu dio instrukzioko epaitegiari auzia genero indarkeria... [+]