Espainiako Kongresuan egin den politika orokorraren eztabaidan, energia enpresei eta bankuei zerga berriak jarriko dizkiela iragarri du Pedro Sánchez Espainiako Gobernuko lehendakariak. Neurriokin, PSOEk hauteskunde orokorretarako txilibitua jo du. Madrilgo ezkerreko hainbat kronisten arabera, politikaren dema ezkerrerantz bideratu du Sánchezek.
Neurri ekonomikoak eta lege berriak iragarri ditu Pedro Sánchezek, eta horien artean nagusiki lau neurri azpimarra daitezke. Entzutetsuenak dira energia enpresentzat eta bankuentzat iragarri dituen behin-behineko zerga bereziak. Oraingoz, 2022an eta 2023an sektore horietako enpresa handiek izango dituzten etekinei ezarriko zaie zerga, eta horiekin Espainiako Gobernuak 7.000 milioi euroko diru sarrerak espero ditu, 4.000 milioi euro energia sektoretik eta 3.000 milioi finantzetatik.
Beste bi neurri ekonomiko garrantzitsuenak garraioa eta ikasleen beken eremukoak dira. Lehendik iragarrita zuen izaera publikoa duen garraioan %30etik %60ra arteko beherapenak izan zitezkeela, eta orain zehaztu du aldirietako trenetako bonuak doakoak izango direla irailaren 1etik eta abenduaren 31ra arte.
Ikasleei emango zaizkien beka berriei dagokienez, garrantzitsuena da orain arte beka jasotzen ari diren ikasleek irailetik abendura hilero 100 euroko igoera izango dutela. Milioi bat ikaslek, beraz, 400 euro gehiago jasoko dute urte amaiera arte.
Memoria Legea eta Sekretuen Legea
Hainbat lege berri iragarri ditu Sánchezek, baina oroimen historikoa eta estatuaren sekretuen alorrekoak dira garrantzitsuenak. Joan den astean iragarri zuen oroimen historikoaren legea eta PSOEko gobernuburu José Luis Rodríguez Zapaterok bere agintaldian egindakoa ordezkatuko du; ezustekorik ezean ostegun honetan onartuko da Espainiako Kongresuan.
Sekretu ofizialen lege berria ere iragarri da. Hau biziki garrantzitsua da, eta bereziki euskal ikuspegitik, euskal gatazkan estatuaren errepresioa babestu izan duelako. Inork ez du miraririk espero alor horretan, baina akaso ateren bat ireki dezake aurrera begira. Informazio Klasifikatuen Legea deitzen da eta uztailaren amaierarako aurreproiektua prest izango duela iragarri du Sánchezek. Lege honen aldaketa bereziki garrantzitsua da, gaur egungoa Franco diktadorearen garaikoa baita, hain zuzen ere 1968koa.
Zer zapore utzi du debateak?
Aurreratzen ez badira, 2023a amaitu aurretik izango dira hauteskunde orokorrak Espainian, eta politika orokorraren Kongresuko debateak argi finkatu du lasterketaren hasiera. Berez, Alberto Nuñez Feijóok PPko buruzagitza hartu zuenean ekin zioten kanpainari popularrek, eta gainera, inkestek irabazle argitzat jotzen dituzte, bereziki PSOEk, eta ezkerrak oro har, Andaluziako hauteskundeetan jasotako zartako handiaren ondoren.
Horrez gain, PPk berriz astindu du bere garaian horren errentagarri izan zitzaion ETAren mamua, Miguel Angel Blancoren hilketaren 25. urteurrenean PSOE posizio oso deserosoan uzteraino. Horiez gain, eta hamaika arrazoirengatik, Unidas Podemosen eta PSOEren ika-mikak etengabekoak dira Espainiako Gobernuan, izan Saharari buruzko PSOEren politika berriagatik edo datozen urteetan defentsa gastuetan Sanchezek iragarri duen aurrekontuen bikoizteagatik.
Madrilgo kronista ezkertiarrek oro har diotenez, adibidez Público-n edo El Diario-n, Kongresuko debate horretan Sánchezek bere erresistente irudi mitikoa berpiztu du, eta Feijóo zokoratzea lortu du, bereziki herritar guztien onurarako iragarritako zerga bereziekin. Iragarpenekin, halaber, orain arte gobernuari eusten dioten indarren sostengua berretsi du. Eskatzen zioten ezkerrerako bira egin ei du, eta horrela, PSOEren barruan hurrengo kanpaina zentroan kokatu nahi duen sektoreari ere aurre egin dio.
Irakurketa asko egin dira, dena den, eta aipatutakoak baino askoz kritikoagoa da Guillem Martínez kazetariak Ctxto.es-en egindakoa, non aukera galdutzat jotzen duen Sánchezen partehartzea. Besteak beste, kritikatzen du Sánchez presidenteak ez aipatzea ezer gerra ekonomiara egokitu beharraz. Kontraste gisa, azaltzen du nola Errusiak bete-betean egin duen hori eta nola Europar Batasuneko estatuak ez diren horrelakorik egiten ari.
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Gotzainen Batzarrak asteartean egindako bilkuran onartu du abusuak jasan dituzten biktimei kalte-ordain ekonomikoak ordaintzea, baina elizbarruti eta kongregazioek ez dute nahitaez bete behar izango. Espainiako Gobernuak gogor kritikatu du plana,... [+]
ElDiario.es hedabideak aurreratutako Centre Delas erakundearen txostenaren arabera, enpresa israeldarrekin kontratu berriak egin ditu Espainiako Gobernuak azken hilabeteetan. Armak erosteaz gain, urritik hona Europar Batasunetik Israelera arma gehien bidali dituzten... [+]
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Ostiral arratsaldeko 15:00etan deportatuko dute Bilbotik Tangerrera doan hegaldi batean, EITBk informatu duenez. Espainiako Auzitegi Nazionalaren arabera, “gaur egun ez dago demandatzailearen bizitzarako edo osotasun fisikorako berehalako arrisku edo arrisku... [+]
2017an Gaintxurizketan tunela zulatzen hasi zirenetik etengabeak izan dira AHTko obrek Renferen tren zerbitzuan eragindako murrizketak eta kalteak. Orain, Espainiako Garraio Ministerioak iragarri du udaran hainbat astez etenda egongo dela zerbitzu hori Hernani eta Irun artean... [+]
Atzerritartasun Legea aldatzea adostu dute Kanariek eta Espainiako Gobernuak: lurralderen batek pertsona migratuak hartzeko duen "gaitasunaren %150" gainditzen denean, estatuko beste erkidego batzuetara mugitzera behartuko dituzte adingabeak.
Hagako Nazioarteko Justizia auzitegian epaileak aztertzen ari dira Israelen Gazan egiten ari dena, eta prozesu horretan esku hartzea erabaki du Espainiako Gobernuak. Hala ere, José Manuel Albares Kanpo gaietarako ministroak argitu du ez dutela "parte hartuko... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Hego Euskal Herrian negoziatzen diren itunek babes eta berme gehiago izango dute hemendik aurrera, Espainiako Estatukoen gainetik, Espainiako Gobernuak EAJrekin akordioa egin ostean. Sindikatuek neurria txalotu dute eta gogorarazi dute langile borrokaren ondorio dela.
Madrilgo Ateneoan ETAren amaierari buruzko zikloa egiten ari da azken asteetan, eta bertan astearte honetan egindako adierazpenetan, Irlandako bake prozesuan izandako jendea euskal bake prozesuan izatea oso garrantzitsua izan zela aipatu zuen José Luis Rodríguez... [+]
"Joko garbia" eskatu du Espainiako Gobernuko presidenteak, eta "hausnartzeko" deia egin: "Munduari erakutsiko diogu nola defendatzen den demokrazia". Ulertzera eman du "indartsuago" itzuliko dela.