“Sanchezek dio Pabloren alde ari direla, baina Polonia babesten dutela ikusten dut”
Igandean Donostiako Zinemaldi Alternatiboan Pablo González oroitu dute, Polonian ia zazpi hilabete preso daramatzan kazetaria. Horretarako Vivir la guerra dokumentala ikusi dute lehenik eta Oihana Goirienarekin solasaldia egin dute ondoren. Antiguako Txantxarreka gaztetxea bete da eta txalo zaparrada handia jaso du Goirienak bere borrokagatik.
Free Pablo Gonzalez gisa izendatua zen Zinemaldi Alternatiboaren igandeko eguna. Donostiako Antigua auzoko kaleetan Pablo Gonzalezen aurpegidun kartelek, bere askatasuna eskatuz, iragartzen zuten ekitaldia.
Filma ikusi ostean, Goirienak bere senarraren kasua xehetu du eta beste zenbait gauzaren artean, jendaurrean adierazi du babesgabe sentitzen jarraitzen duela Espainiako Gobernuaren partetik. Azpimarratu du Eusko Jaurlaritzako kanpo harremanetarako idazkaritzak bestelako jarrera duela, berarekin harremanetan eta segimendua egiten jarraitzen dutelako, eta horrelako harreman bat eskertuko lukeela Espainiako Gobernuaren partetik.
"[Espainiako Gobernutik] diote badabiltzala, baina emaitzarik ez dut ikusten. Eta ikusten dudana da Polonia babesten dutela. Joan ziren Pedro Sanchez eta Alvarez ministroa Poloniara, eta hango kanpo harremanetarako ministroarekin eta presidentearekin batu eta gero, esan dute Pavelek badaukala babes kontsularra, eta horrekin nahikoa dela. Haiek edozeren gainetik Poloniako legalitatea babestuko dutela esan zuten".
Goirienari bereziki mingarri egiten zaio hori, Polonia euskal kazetariaren oinarrizko eskubideak urratzen ari baita. Azken albistea da Gonzálezek Giza Eskubideen Europako Auzitegian salatu duela bere giza eskubideak urratzen ari dela Polonia, "gutxiengo justiziaren bermerik" ez duelako.
"Polonia bere oinarrizko eskubideak urratzen ari den bitartean Espainiak esatea Poloniaren legalitatea defendatuko duela, mingarria da"
Gonzálezen abokatuak gogorarazi du Estrasburgoko Auzitegiak epai bat baino gehiago eman dituela esanez "delituaren larritasuna, ihes egiteko aukera edo legezko prozesua oztopatzeko aukera ez direla nahikoa atxiloaldia hainbeste denboraz mantentzeko". Bi aldiz luzatu diote behin-behineko espetxealdia kazetariari: atxilotu zutenean hiru hilabeteko behin-behineko espetxealdia agindu zioten, ekainean beste horrenbeste hilabetez luzatu zioten, eta abuztuan hiru hilabete gehiago luzatzea onartu zuten, Fiskaltzak hala eskatuta.
"Polonia bere oinarrizko eskubideak urratzen ari den bitartean Espainiak hori esatea, mingarria da. Eta gainera ez litzateke horrela izan behar. Lehenengo eskubideak daude eta gero legalitatea. Gainera Pablok Espainiako pasaportea dauka, beraz, beren legeen arabera Espainiako herritarra da. Sanchezek eta Alvarezek lehentasuna beren herritarra defendatzeari eman behar liokete eta ez Poloniako legalitateari".
Donostiako Txantxarreka gaztetxeko proiekzioan bildutako pertsonek txalo beroa eskaini diote Goirienari.
2023an ezagutu genuen Solway Investment Group multinazional suitzar-errusiarraren boterea noraino iristen den. Guatemalan duen Fenix meategiaren gehiegikeriak agerian uzten zituen ikerketa baten berri eman zigun Prensa Comunitariako kazetari batek, eta elkarrizketa hori [+]
Pablo Gonzalezek Errusian jarraitzen du, Poloniako Gobernuak pasaporteak konfiskatu zizkion kazetariari eta "Poloniako autoritateen esperoan" daude, Euskal Herrira bueltatzeko. Hala azaldu dio Gonzalo Boyé abokatuak Berriari.
Poloniako Fiskaltza Nazionaleko bozeramaileak adierazi du euskal kazetaria oraindik formalki akusatu ez badute ere, “legearen arabera auzi-ihesean akusatua” izan daitekeela. Gonzalez preso trukean sartzeko erabakia Washingtonetik etorri zen, baina Poloniako zerbitzu... [+]
Kazetariak adierazi du ez diotela argi azaldu zergatik espetxeratu zuten, eta espetxean zegoela “bere buruaz beste egitea” iradoki ziotela, Russia Today-n izandako elkarrizketa batean. Esan du laguntza “gutxien espero zen tokitik” etorri dela.
Osasun artak biltzen ari da Pablo Gonzalez Moskun une honetan. Joan den astean, Poloniako Radomgo segurtasun handiko espetxetik atera zen kazetaria bi urte eta bost hilabeteko preso egon ondoan. Poloniak leporatzen zion espioitza frogatu gabe libre atera da.
2022ko otsailaren 28an atxilotu ondoren, aske utzi dute bere aurkako frogarik eta bistako epaiketarik gabe. Bizkaiko kazetariaren talde juridikoak informatu du “preso dauden hainbat kazetari libre uzteko” Errusiak eta Poloniak adostu duten trukeagatik geratu dela... [+]
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Kazetarien Babeserako Batzordeak adierazi du 103 kazetari hil dituztela sionistek urriaren 7tik eta 150etik gora zenbatu ditu Gazako Osasun ministerioak. Txosten batek ohartarazi du kasu batzuetan nahita hil zituztela, kazetariak zirela jakinda.
Erruduntzat joko du bere burua Euskal Herrian gauerdia denean egingo den epaiketan. Erresuma Batuan espetxean egon den denborako –bost urte eta bi hilabete– espetxe zigorra ezarriko diote. Horrela, aske geratuko da.
Palestinar errefuxiatuei laguntzeko UNRW agentziako kideak dira hildakoak. NBEko langileen heriotza tasa altuena dela jakinarazi du agentziak. Israelek momentu oro jakin du non zeuden laguntzaile humanitarioak, eta “berariaz” egin die eraso, salatu duenez. 122... [+]
Errusiako epaileek leporatzen diote, besteak beste, Armata errusiar tanke modernoenaren ekoizlea den Uralvagonzavod enpresako dokumentu klasifikatuak gainean zeramatzala harrapatu zutela. 20 urteko zigorra jaso dezake. Baina benetako espioia ote zen? Zoritxarrez, ezetz esango... [+]
Apirilaren 28an 42 urte bete ditu Pablo Gonzalezek. Kazetariak 26 hilabete daramatza Poloniako kartzela batean, Errusiaren alde espioi aritu dela egotzita. Gonzalezek idatzitako gutun bat irakurri du Oihana Goirienak. “Hor zaudetela eta ez nagoela bakarrik jakitea... [+]
Joan den azaroaren 6an Espainiako Auzitegi Nazionaleko Manuel García-Castellón epaileak hamabi pertsona auzipetu zituen Tsunami Democratikoa auzia dela eta. Ostegun honetan ezagutu zen hiruk atzerrira ihes egin dutela, tartean Jesús Rodríguez La... [+]