Sánchez, Díaz eta López: PSOEn barne lehia gogortzen hasi da
PSOE noren eskuetan geratuko den erabakitzeko kongresua ekainaren 18 eta 19an egingo dute; oraindik ez dute iragarri alderdiaren burua erabakitzeko hauteskunde primarioen data zehatza, baina hiru hautagaien arteko lehia, Pedro Sánchez, Susana Díaz eta Patxi Lopez, gogortzen hasi da.
Díazek bere hautagaitza martxoaen 26an aurkeztuko du ofizialki Madrilen, Sánchezen jaioterrian. Sánchezek ekitaldi jendetsua egin du Cadizen, Díazek gobernatzen duen autonomia erkidegoan, eta Lópezek ere bere lehen ekitaldi jendetsua egin du Getafen.
Momentuz irabazteko aukera gutxien dituena da López, EAEko lehendakari ohia. Orain arte, agerraldi xumeak egin ditu tokiko taldeekin, baina asteburu honetan bere lehen hitzaldia eman du Getafen, 1.500 pertsonaren aurrean. PSOE ezkertiar bat aldarrikatu du, baina ezeren gainetik alderdiaren batasuna defendatu du.
Andaluzian berriz, PSOE eta Díazen indar-gune nagusian egin du hitzaldi jendetsua Sánchezek. Hautagaiak bere eslogan berria aurkeztu du: “Bai, baietz da” (Sí es sí). PSOE autonomo, ezkertiarra aldarrikatu du, baita oinarriko militanteen alde egingo duena ere; militantziari kontsultak egitea beharrezkoa izatea eskatu du.
Militantziaren zati handi baten nahiaren kontra alboratu zuten Sánchez alderdiko goi karguek, horien artean Díazek, eta abstentzioarekin PPren gobernua ahalbidetu zuten. Sánchezek oso gogoan du hori, eta kanpainan baliatzen ari da.
Gainera, alderdiaren Andaluziako burua udazkenean aukeratuko dute, eta Sánchezen aldekoek iragarri dute hautagai baten bila dabiltzala Díazen agintea higatzeko. Hala, beste fronte bat sortu diote Andaluziako lehendakariari. Azken horrek hilaren amaiera aurkeztuko du bere hautagaitza. Argudiatu du autonomia erkidego bat duela gidatzeko, eta horregatik aurkeztu behar izan duela besteak baina beranduago. Galdeketa batzuek irabazletzat jo dute Sánchez, eta horrek ezinegona sortu du Díazen taldean.
Díazek aurkezpena egin eta gutxira, apirilaren 1ean edo 8an onartuko du Batzorde Federalak ekaineko kongresua gidatuko duen ponentzia markoa.
L5 lineak Euskotrenen ibilbidea aldatuko du, eta geltoki batzuk eraitsiko dituzte, tartean Usansolokoa. Trenaren ibilbidea lurperatuko dute eta beste geltoki batzuk gehituko dituzte. 2022an, Eusko Jaurlaritzak linea horren jatorrizko proiektua aldatu zuen Usansoloko geltokia... [+]
PSOEren egoitza nagusian egin du balorazioa Teresa Ribera hautagai sozialistak, eta ultraeskuinari “eusteko dike” izaten jarraituko dutela ziurtatu du. PPri egotzi dio Europako hauteskundeak presidentearen aurka jotzeko erabili izana: “Feijoo saiatu da... [+]
Zer egingo du Sánchezek datorren astelehenean? Dimititu edo jarraitu? Hori da Espainiako Estatuan une honetan bolo-bolo dabilen auzi nagusia. Lau egunotan horretaz besterik ez hitz egitea lortuko du Sánchezek. Eta bide batez Manos Limpias, PP-Vox eta lawfare-ari... [+]
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
Espainiako Kongresuan egiten ari diren eztabaidan oihartzuna izan du Iruñeko alkatetza aldatzeko PSNren eta EH Bilduren arteko akordioak. Alberto Nuñez Feijóok esan du "akordio enkaputxatu" bat dela. Patxi Lópezek, berriz, ukatu egin du... [+]
Amnistia legea eta "bizikidetza" politikak defendatu ditu Pedro Sánchezek Espainiako Gobernuko presidente izendatzeko saioan, Espainiako Kongresuan. Amnistia "Espainiaren interesen izenean" emango dela azaldu du: aurreko legegintzaldiko... [+]
Pedro Sánchezen eta Amnistia Legearen aurka antolatu dituzte manifestazioak, “espainiarren berdintasuna” aldarrikatzeko. Hego Euskal Herriko jendetsuena Iruñekoa izan da: 6.000 elkartu dira. Bilbon gizon bat atxilotu dute eta beste hiru identifikatu.
Andoni Ortuzar EAJko buruak eta Pedro Sanchez PSOEko idazkari nagusiak Espainiako Kongresuan egin dute sinadura ekitaldia asteazken goizean. Eduki osoaren berri ez dute oraindik eman.
Ostegunean Juntsek PSOErekiko akordioa onartuko zuela saldu du alderdi sozialistak azken egunotan, baina atzo Bruselan izandako Juntseko zuzendaritza bileran ez zen horrelakorik gertatu.
“Akordio historiko bat” nahiko luke JxC alderdiko buruak PSOErekin, asteartean Bruselako erbestetik jakinarazi duenez. Sánchezen inbestidura negoziatzen hasteko baldintza batzuk ezarri ditu Generalitateko presidente ohiak, eta berriro ere mahai gainean jarri... [+]
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
“Duela lau urte baino boto, eserleku eta portzentaje gehiago atera dugu”, azpimarratu du Pedro Sánchez Espainiako Gobernuko egungo presidenteak.
