Gipuzkoari ‘San Sebastian Region’ deitzeak ez duela arrakastarik izan aitortu du Aldundiak eta “izen aldaketa” iragarri dute
Gipuzkoako Foru Aldundiko Turismo diputatuak jakinarazi du lurraldea sustatzeko izena aldatu egingo dutela. San Sebastian Region marka duela hiru urte aurkeztu zuten eta promoziorako proiektu eta baliabide ugari jarri dituzte denbora horretan.
Imanol Lasa Gipuzkoako Turismo diputatuak aitortu du San Sebastian Region markak ez duela "arrakastarik izan". Hala adierazi du El Diario Vasco egunkarian, eta jakinarazi du Gipuzkoako lurraldea sustatzeko izena aldatu egingo dutela.
San Sebastian Region marka 2016an aurkeztu zuen Diputazioak, aurreko legegintzaldian Denis Itxaso turismo diputatu zela. "Hiriburuaren posizionamenduari eta ospeari ahalik eta etekinik handiena" ateratzeko helburuz sortu zuen foru erakundeak marka hori.
Hala, turismo gidak, webgunea, sustapenerako bideoak, lehiaketak, irudiak eta bestelako baliabideak eskaini dizkiote azken urteetan. Ahoztar Zelaieta ikerketa kazetariak Twitterrez gogorarazi du besteak beste 234.000 gida eta 110.000 mapa ekoitzi zirela marka horren pean.
"Gipuzkoa" hitza lurraldearen turismo sustapenetik desagerrarazteak, baina, kritika eta eztabaida ekarri zuen. Batzar Nagusietako EH Bilduko ordezkariek esaterako "akatsa" zela salatu zuen.
Atacamako Desertua Fundazioak eremu horretako geoglifoak suntsitzen ari direla salatu du sare sozialetan; hainbat argazkiren bidez, basamortura 4x4 ibilgailuetan doazen bisitariak eragiten ari diren triskantza erakutsi dute. 1000 eta 1520 urteen artean egindako geoglifo handiak... [+]
EH Bildu, PSN, Geroa Bai eta Zurekin taldeek lege egitasmoa adostu dute, Iruñeko Alde Zaharrean etxe turistikoei lizentzia gehiago ez emateko. Akordioak “izaera prebentiboa” duen “hirigintza-aldaketa” du ardatz, hiru helbururen bueltan oinarrituta:... [+]
Etxebizitzen %20 baino gehiago jadanik bigarren etxebizitzak dira Ipar Euskal Herrian. Larrialdi klimatikoaz sentsibilizatzeko lau hilabetez, Nantesetik abiatu Alternatiba txirrindula itzulia, kostaldean zen aste buruan.
Zirrara eta pasioaren eroale da Arantxa Orbegozo Txitxi (Tolosa, 1962). Bizitza darama eskuetan eta hura eskaintzen dio zuzentzen zaion edonori. Atleta izan da, txirrindularia, eta bere buruari proposatu dizkion beste hainbat diziplinatan aritua. Hala eta guztiz ere, benetan... [+]
Kataluniako erkidegoko azken hauteskundeetatik eta Europako Parlamenturako bozen emaitzetatik abiatuta, presio turistiko handiena bizi duten Herrialde Katalanetako herrietan eskuin muturraren botoak nola egin duen gora aztertuko dugu artikulu honetan.
Udatiar gutxiago zenbatu dira uztailean Iparraldean. Departamenduko Turismo Agentziak egunean 200.000 bisitari zenbatu ditu, usaian 240.000 direlarik. Turista guttiago bai, baina aberatsagoak ere bai.
Ordenagailua itxi, txankletak jantzi, eguzki-kremaz laztandu. Nora zoaz oporretan? Oporrak egitea nonbaitera joatea dela normalizatu dugu, deskantsuak distantzia behar duelako, diogu. Eta bidaia egitean, turista bilakatuko gara, izendapen aldaketak deserosotasun bat sortzen... [+]
Bilboko AZET plataformak pisu turistiko bat okupatu zuen atzo, auzoaren turistifikazioa salatzeko.