Salanueva eta Esparza, UPNko lehendakaritzarako orain arteko aukera nagusiak
Ur lasterrak dira nagusi UPNn maiatzeko udal eta foru hauteskundeetan Nafarroako Gobernua eta udal botere gehiena galdu ondoren. Orain Yolanda Barcina ordezkatzeko izen bila ari dira.
Barcinak hauteskundeen aurretik iragarri zuen UPNko lehendakaritza utzi eta Nafarroako Unibertsitate Publikora bueltatuko zela. Barcinak, alabaina, parlamentari postua ere eskuratu zuen iragan hauteskundeetan eta, bitxia bada ere, parlamentariek euren lanak uzten badituzte Legebiltzarrean jarduteko, Barcinak parlamentari eta irakasle lanak bateratu nahi bide ditu.
Pixkanaka, alabaina, badirudi gauzak argitzen ari direla Barcinaren ordezkoaz, areago joan den astelehenean Enrique Maya Iruñeko alkate ohiak Cope Irratiari bera ez zela UPNko lehendakaritzara aurkeztuko adierazi ondoren. Irailaren 4an izango da UPNko Kontseilu Politikoa eta bertan erabakiko da noiz egingo den UPNren Kongresua.
Orain arte Amelia Salanueva senataria da lehendakaritzara aurkeztuko dela esan duen bakarra, baina denek jotzen dute segurutzat Javier Esparza parlamentaria ere hor izango dela, nahiz eta honek ofizialki ez duen halakorik adierazi.
Barcinaren sektoreak proposatu zuen Esparza udal eta foru hauteskundeetarako hautagai, baina kanpainako gora-beheren ondoren, sektore honek konfiantza eta indar handiagoko pertsona bat nahi zuen. Barcinaren gobernuan bozeramaile lanetan jardun zuen Juan Luis Sanchez de Muniain izan zitekeen hori, baina honek ere uko egin dio UPNko lehendakaritzarako lasterketan parte-hartzeari.
Denak adierazten du, beraz, Esparza lehia horretan izango dela, baina bere lidergo gaitasuna auzitan izan du parlamentari akta hartu duen lehen unetik. Pentsatu zen bera izango zela UPNko taldearen eleduna Foru Legebiltzarrean, baina behin-behinekoz bakarrik ari da zeregin horretan, UPNko parlamentari taldea oraindik ez baita ados jarri berau eledun izendatzeko.
Martxoaren 5ean zabaldutako auto batek armarria “kentzea edo ezabatzea” agindu zuen, “jarrera politiko baten aldeko posizionamendua” dela eta “neutraltasun politikoaren aurka” egiten duelako. UPNk jarri zuen salaketa, eta Atarrabiako alkate... [+]
UPNk mozioa aurkeztu du Tafallako udalbatzan gobernu taldeari eskatzeko bertan behera utz dezala Raimundo el Canastero musika taldearekin zuen kontratua jaietan kontzertu bat egiteko. Lizarrako jaietan izandako polemikaren ondoren etorri da zentsura eskaera. PSN batu zaio... [+]
Txosnen eledun Eider Castañedaren hitzetan, Marta Ruiz de Alda alkate erregionalistak "autogestioarekin, jai herrikoiekin, euskararekin, feminismoarekin zerikusia duen espazio oro debekatu nahi du".
Zizur Zendeako Udala (Nafarroa) UPNren hautagaitza batek gobernatzen du. 1936an Iruñean fusilatutako trenbidegileak ordezkatzen dituen Konpartsa Txikiko erraldoi baten presentziari betoa jarri dio.
Cristina Ibarrolak iragarri du UPNko lehendakaritzarako hautagaitza aurkeztuko duela datorren apirilaren 28an alderdiak egingo duen kongresuan. Alderdiaren Erriberako lerroetan iragarpena ez bide da ongi hartu.
Eguesibarreko EH Bilduk kritika egin zion UPNko udal gobernuari, Gabonetako programazioan euskarazko ekitaldi gutxi zirelako, eta Xuriñe Peña alkateak erantzun zion euskarazko ekitaldiak baztertzaileak direla euskaraz ez dakitenentzat.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
UPNko presidente Javier Esparzak adierazpen gordinak egin ditu Joseba Asiron (EH Bildu) Iruñeko alkate bihurtzeko zentsura mozioaren albistea jakin bezain pronto.
Iruñeko Gurutze plazako lur azpiko aparkalekua egiteko proiektuan herritarrei kontsulta egingo diela iragarri du Cristina Ibarrola alkateak. Obraren aurka ari den herri plataformaren iritziz, Ibarrolaren noraezaren beste adierazle bat da.
UPNko presidente Javier Esparzak, hiru aldiz saiatu ostean, iragarri du ez dela aurkeztuko lehendakarigai izateko Nafarroako hurrengo foru hauteskundeetan.
Babes politikorik ez duelako, eta bizilagunen desadostasuna onartu ondoren, Iruñeko alkateak aparkalekuaren proiektua bertan behera utzi du "behin behinean". Ibarrolak proiektuaren aurkako protesten atzean EH Bildu dagoela adierazi du.
UPNren eta PSNren arteko ezberdintasunak agerian utzi dituzte alde biko bileran. PSN EH Bildurekin bilduko dela adierazi du, baina ez dutela gobernua negoziatuko.
Alderdi erregionalistak “arduraz” jokatzeko konpromisoa adierazi du, eta eskua luzatu die sozialistei “zentzuz” jokatu eta EH Bildu baztertzeko. PSNk egungo formula errepikatu nahi badu, nahitaez, EH Bildurekin adostu beharko du.
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]