“Sakontasuna eta sakonkeria nahastu gabe”
Azaroaren 12an jokatu zen finalerdietako lehen itzuliko azken saioa. Espektatiba eta presio artean bide eginez ibili ziren bertsolariak eta, tartean, Eñaut Martikorena, zeresana emateaz gain, zer esana baduen bertsolaria.
Txapelketa honetako sorpresetako bat izaten ari zara. Nola bizi duzu hori?
Beti da pozgarria jendea positiboki harritzea eta, egia esan, gustagarria zait baina presio puntu bat ere nabaritu nuen tabladurako bidean. Hala ere, ez da egunerokoan nabaritzen dudan zerbait.
Zure irudi bat sortu da. Pankarta batean "Txirrita Gaztia" ageri zen, bertsoaldietan sarri aipatu ziren Hernani, sagardotegia, urduria, txispaduna zarela…
Pankarta oso bertsozaleak ez diren lagunek egindakoa zen. Ezagutzen dituzten bertsolari gutxietatik lotura fisikoa eginda dagoela uste dut, beraz, anekdotikoa delakoan nago.
Tabladuko aipamenek, berriz, nahiko harritu ninduten, bertako bertsolari ezezagunena izanik iruditeria kolektibo batean dagoen bertsolariaren rola hartu nuelako. Bestalde, orain arte nigatik idatzi denagatik, umorera oso lotuta jartzen naute eta ganbara bidean buruan nerabilkien zortziko handiaz aparteko guztia umorera eraman nuela eta uste dut umoreaz gain eskaintzeko zerbait eta mezu gaitasuna badudala. Ez zitzaidan gustatu estereotipoa erreproduzitea, bertsolari osoa izan nahi nuke, sakontasuna eta sakonkeria nahastu gabe.
Publikoan zerbait sortzen da zu kantatzera zoazenean. Zerbait esateko?
Ez dakit oso ondo zergatik den. Besterik gabe, eskertzen dut nigan jartzen den arreta.
Zer bilatzen duzu bertsotan?
Niretzat bertsoa da gozatzeko bide bat, barruak hustutzekoa eta besteen paperean jartzeko ariketa. Plazan behintzat, egoaren umiltze ariketa bat da, baina, batez ere, bertsoan bilatzen dudana da hausnarketa entretenigarriagoa egiteko modua.
Denbora izan da zure marka. Nola osatzen dituzu bertsoak?
Bertsoa ikusteko moduagatik, ariketa ahalik eta bat-batekoen transmititzen saiatzen naiz, ez azkar hasteagatik, baizik eta bertsoa unean bertan eraikitzeagatik. Ez ditut beste estiloak gutxietsi nahi, besterik gabe, ahalik eta garbien transmititzen saiatzen naiz nire buruarekin dudan jolasa.
Gero, baita ere, ez naiz memoria handiko pertsona eta ez dut uste buelta gehiago emanagatik bertsoa oroitzeko gai izango nintzatekeenik, beraz, azkenean, unean bertan pentsatzen bukatuko nuke. Horrez gain, Donostiako saioaren ondoren, sentsazioa nuen denbora azpimarratu zela eta itzal egin ziola edukiari. Alde horretatik, konplexu pixka batekin joan nintzen Durangora.
Osaketari dagokionez, kontatu nahi dudana pentsatzen dut eta bertso bakoitzarekin noraino iritsi nahi dudan eskematizatu. Batzuetan azken puntutik eta besteetan ez. Uste dut oso modu irmoan erakusten dela bertso eskoletan bukaeratik hasi behar dela eta ongi dago erraminta gisa, baina ez dut uste dogma behar lukeenik eta bertsotan egiteko modu bakarra denik. Inprobisazioa ardatz duten beste adierazpide batzuetan dagoen debatea da.
Zer ahozapore uzten dizu Bertsolari Txapelketa Nagusiak?
Nahiko zapore ona, bere gazi eta gozoekin.
Abenduaren 18an, Euskal Herriko Bertsolari Txapelketako finaletik bueltan jarritako bertsoak.
Abenduaren 18an Nafarroa Arena euskararen erresonantzia kutxa bihurtu zuten 13.300 bertsozalek. Finala lehenengoz Nafarroan jokatzeaz gain, historiko bihurtu du finalisten osaerak, lehen aldiz hiru emakume aritu baitira kantuan, eta 55 urteren ondoren, nafar bat (edo... [+]
Txapeldunaren azken agurra bularrean kolpeka, bertsozalea bakarrik doa kotxera bidean. Sentsazio arraroak, berriak ditu eztarrian korapilatuta. Atea ixtearekin bat, orain bai, orain lasai askatuko du negarra.
Euskal Herriko txapela lortu du hirugarrenez Maialen Lujanbiok abenduaren 18an Iruñeko Nafarroa Arenan jokatu zen bertso finalean. Aldaketaz beteriko finala aipatu du jada txapelketako beterano denak, bai taldearen konposizio, bere sentsazio pertsonal eta lekuarengatik... [+]
Ezin ekidin Nafarroa Arena BEC-ekin alderatzea. Publikoa otzanago antzeman da, olatuak ez dira berehala altxa eta burrunbatik ere, amaiera arte, gutxi. Behin lehertutakoan, ordea, uhin expantsiboa hedatu da plazan. Egun lantsua izan dela nabarmendu dute eguneko protagonistek... [+]
Goizeko eta arratsaldeko saioetan zortzi finalistak aritu ostean, Amets Arzallus eta Maialen Lujanbio pasatu dira buruz burukora. Saioa buruz burukoan lehertu da, eta bi txapeldunek lazo gorriz biribildutako saioaren ostean... Maialen Lujanbio Zugasti da berriz ere txapelduna. [+]
Goizeko saioaren ostean, eguerdia hankak luzatzeko eta indarrak hartzeko baliatu dute entzuleek. Bati eta besteari entzunaz, buruz bururako izen ugari jasoko ditu galdetzen duenak, eta Ametsek bi bider botatako "parte" hitzen interpretazio anitzak ere bai... [+]
Hona egun osoan zehar Dani Blancok harrapatu dituen hainbat momentu:
Hona Bertsolari Txapelketa Nagusiko finalean goizeko saioan kantatu dituzten puntu-erantzun guztiak.
Iruñea bertsoaren hiriburu bihurtu da egun oso batez. Lehen aldiz bertan aritu dira jokatzen Txapelketa Nagusiko finala. Maialen Lujanbiok bere txapeldungoa jokatu du honako bertsolariekin: Aitor Mendiluze, Alaia Martin, Amets Arzalllus, Beñat Gaztelumendi, Joanes... [+]
Orain dela hiru hilabete abiatu zen Bertsolari Txapelketa Nagusia eta gaur amaituko da Iruñeko Nafarroa Arenan. Ibilbide honetan finalean abesteko txartela honako bertsolari hauek lortu dute: Aitor Mendiluze Gonzalez, Alaia Martin Etxebeste, Amets Arzallus Antia,... [+]
Nafarroa Arenan elkartu dira gaur zortzi finalistak, abenduaren 18rako motorrak berotzeko. Lehen aldiz Iruñean egingo den Txapelketa Nagusiko finala handia izango da: 13.000 ikusle elkartuko dira, nazioartetik 30 gonbidatu izango dira eta 350 lagun arituko dira antolaketa... [+]