Sakanan, hondakinekin arduraz jokatzeko eskaera
COVID-19 koronabirusaren eragindako alarma egoera dela eta, Sakanako Mankomunitateak hainbat gomendio zabaldu ditu. Zalantzarik izanez gero, 900 730 450 telefonora hots egin, hz4@sakana-mank.eus posta elektronikora idatzi edo jarri harremanetan egoitza elektronikoaren bitartez www.sakana-mank.eus web orrian.
Sakanako Mankomunitateak prebentzio neurri gisa bere Lakuntzako egoitza itxi du eta langileak etxetik lanean ari dira. Ibarreko erakundearekin harremanetan jarri edo tramiteren bat egin nahi duenak 948 464 867 telefonora hots egin dezake edo info@sakana-mank.com e-posta helbidera idatzi beharko du. Mank-eko presidente David Oroz Alonsok azaldu digunez, bi zerbitzu bermatu nahi izan dituzte. Batetik, ur hornidurarena. “Gutxieneko lanak beteko dira. Langileak banatuta lan egiten ari dira, ez kutsatzeko”.
Bermatu nahi izan den beste zerbitzua hondakin bilketarena da. Mank-eko arduradunek ostiralean jakin zuten koronabirusak zerbitzua jo duela, horregatik zenbait langile etxean berrogeialdia pasatzen ari dira. “Osasun alarmari ezin genion gehitu hondakinak kalean utzita egotea. Udalei egoeraren berri eman genien eta erantzun ona eman digute. Esker oneko hitzak besterik ez ditugu haiendako. Lana atera da”. Bitartean hondakin bilketa zerbitzuko gaixo ez dauden langileak hainbat neurri hartu dituzte: aurpegi-maskararekin ari dira lanean ez kutsatzeko, kamioi bakoitzean lantalde bera ari da lanean, kamioien garbiketa, langile guztiak aldi berean bat ez egiteko 06:00etatik aurrera kamioiak 15 minutuero ateratzen dira hondakindegitik…
Baina koronabirusak sortutako egoerak hondakin zerbitzuan izan dezakeen eragina ahal den heinean gutxitzen saiatzeko sakandarren laguntza ezinbestekoa jo dute Mank-en. Horregatik gomendio sorta zabaldu dute. Sortutako eragozpenengatik barkamena eta emandako laguntza eskerrak eman dituzte Mank-etik.
Gomendioak
1. Ez utzi hondakinik lurrean.
2. Poltsak ondo itxi.
3. Kartoia zapaldu.
4. Ontzi arinen bolumena gutxitu (tetrabrik-ak zapaldu, plastikozko botilei airea kendu, eta abar)
5. Egoera normalizatu arte, ez atera premiazko kudeaketa behar ez duen hondakinik.
6. Sortutako hondakinak gutxitu eta hainbat aktibitate saihestu (bajera garbiketak, adibidez).
Emaus
Sakanako Mankomunitatera hots eginda eta esanda tamaina handiko zer hondakin kendu nahi duzun etxetik, Emausko Trapuketariak etxetik pasatzen dira hura jasotzera. Koronabirusak eragindako alarma egoera dela eta Emausko Trapuketariek zerbitzua bertan behera utzi dute. Mank-etik Emausko Trapuketariak bilketa zerbitzua eskatu dutenekin harremanetan jarriko dira argibideak emateko.
Garbiguneak itxita
Mank-ek ez du herriz herriko ibiltzen den garbigune mugikor zerbitzua eskainiko bi asteetan. Gainera, Arbizuko hondakindegia ere itxita dago, beraz, hara ere ezin izanen dira hondakinak eraman alarma egoera pasa arte.
Atez atekoa
Birziklatze tasa handiena ( %80 inguru) ematen duen hondakin bilketa eredu hori Uharte Arakil, Lakuntza, Arbizu, Etxarri Aranatz, Bakaiku, Iturmendi, Urdiain eta Olatzagutian dute. Hondakin bilketa zerbitzuaren egoeragatik aldaketak egitea erabaki dute. Ostiraletako ontzi arinen bilketa bertan behera geldituko da aldi baterako, eta horren ordez errefusa bilduko da. Hau da, ontzi arinak asteartetan bilduko dira eta errefusa ostiraletan. Larunbatetan ez da zerbitzurik egonen eta, beraz, pardelak astelehenetik ostiralera bilduko dira.
Gainera, zortzi herri horietan aldi baterako bertan behera geldituko da auzokonpost programa. Beraz gai organikoa posteetara atera beharko da (astelehenetan eta ostegunetan bilduko da). Materia organiko kopuru handia sortzen duten etxeetan kubo handiagoa behar badute zerbitzuarekin harremanetan jarri eta dagokion zintzilikarioan utziko diote.
Sistema mistoa
Arakilen, Irañetan, Arruazun, Ergoienan, Lizarragabengoan eta Ziordian dago ezarria hondakin bilketa sistema hori (% 60 inguru birziklatzen da). Herri horietan materia organikoa konpostatu egiten dute, bai etxean bai era kolektiboan. Auzokonpost programa aldi baterako bertan behera gelditu denez, Mank-ek herri horietan konpostatzeko gaitasuna handituko du konpostagailu gehiago jarriz. Bestetik, Altsasun dauden bi auzokonpostagailuak itxi egin dituzte eta bere erabiltzaileei aldi baterako bosgarren edukiontziko giltza eman diete.
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.