Proiektu honen oinarrizko jarduerek burdinbidearen bikoizketa eta honen egokitzapena aurreikusten dute, bertatik mota guztietako trenak ibil daitezen. Planteatzen dira ere geltokiak berriz irekitzea, lurperatzeak eta gatazkatsuak diren puntuen ezabaketak.
Manifestazioa arratsaldeko 18.00etan abiatu da Altsasuko suhiltzaileen sirenen hotsekin, giro alaitsu batean, 22 traktore buruan eta joaldunez, pertsonaia mitologikoez, trikitilari eta kantu taldeez lagundurik.
Ibilbidean zehar erraldoiek eta gaiteroek dantza bat eskaini dute, eta manifestazioa Iortia Kultur Etxeko plazan amaitu da. Bertan, txalapartaren doinuekin eta bertsolarien mezuekin ekitaldiari hasiera eman zaio, zeinean antolatzaileek, AHTrekiko aurkakotasuna adierazteaz gain, jasotako babesa eskertu duten, eta proiektu honen aurrean alternatiba badagoela azpimarratu duten.
