Sakabanaketaren aurkako adierazpena onartu du Nafarroako Parlamentuak
PSN, Geroa Bai, EH Bildu, Izquierda Ezkerra eta Ahal Duguren botoekin onartu du ganberak.
Igande arratsaldean, errepide istripua izan zuten Olga Comes preso iruindarraren senideek, Asturiasko Villabonako espetxean bisita egitetik bueltan. Horren karietara, adierazpen instituzionala eraman dute Nafarroako Parlamentuko Mahai eta Eledunen Batzarrera Geroa Baik, EH Bilduk, Ahal Duguk eta Izquierda Ezkerrak.
Adierazpenak hiru puntu ditu. Bakarra atera da aurrera, bigarrena hain zuzen ere, PSNren aldeko botoekin. Bigarren puntu horrek dio Parlamentuan “beharrezkotzat jotzen” duela “espetxe politika berri bat, ekidinen duena zigorra betetzea familiarki zein sozialki erroturik dagoen lekuetatik urrun, hala erraz dadin harremana senideekin eta gertuko pertsonekin”.
Beste bi puntuak, berriz, ez dira onartuak izan, Navarra Sumak ez ezik PSNk ere kontra bozkatu duelako. Lehen puntuan, Parlmentuak “elkartasuna” adierazten zien “urrunketa politikak eragindako istripua pairatu duten Olga Comes preso nafarraren gertuko pertsonei, bai eta urrunketa politika pairatzen duten eta gertuko pertsonak bisitatu ahal izateko ehunka kilometro egitera behartzen dituzten pertsonei ere”.
Atzera bota duten hirugarren puntuak dio foru parlamentuak nahiko lukeela Nafarroako Gobernuak “egin beharreko gestioak egin ditzala, Nafarroan erroturiko pertsona presoek Iruñeko espetxean egoterik eduki dezaten”.
Bere heriotzaren 19. urteurrenean, Karmele Solaguren gogoratu dute bere omenez herrian jarritako monolitoaren aurrean. Solaguren kotxe istripu batean hil zen, bere semea Ekain Gerra Madrilgo espetxe batera bisitatzera egindako bidai batean. Solaguren bezalako biktimen aitortza... [+]
“Sara gogoan” plataformak preso politikoen senidea motibazio politikoko “biktima gisa” ofizialki aitortzeko beharrezkoak diren mekanismoak antolatzeko eskatu die Nafarroako erakunde nagusiei. Hura omentzeko memoria ekitaldia egingo dute azaroaren 28an.
Bizkaia, Gipuzkoa eta Lapurdiko hamabost hondartzetan antolatu ditu mobilizazioak Etxeratek, Etxera lelopean.
Elkarretaratzea egin dute larunbata eguerdian Laudioko Herriko plazan, Pili Arsuaga eta Fontso Isasiren heriotzaren 33. urteurrena dela eta. Bi bizilagunak 1990ko uztailaren 1ean zendu ziren, Maribi Ramila euskal preso politikoa bisitatzera zihoazela izandako trafiko istripuan... [+]
Pasa den martxoaren 25ean ofizialki bukatu zen euskal presoen sakabanatzea. El Paíseko lerroburuaren arabera, "34 urte igaro eta gero, Espainiako Barne Ministerioak amaiera eman dio ETAko presoen sakabanatzeari". Euskal Herriko komunikabideek ere dataren berri... [+]
34 urtez luzatu den euskal preso politikoen sakabanatze politika amaitutzat eman dute Etxeratek eta Sarek, ostiralean Espainiako Gobernuak iragarritako bost Euskal Herriratzeekin. Pozez hartu dute berria bi elkarteek, eta iragarri dute orain lanean jarraituko dutela preso,... [+]
Urtarrilaren hasieran euskal preso politikoen eskubideen alde Bilbon egiten den manifestazioa beti da berezia eskubideen aldeko egutegian, baina aurtengoa bereziki nabarmendu da, besteak beste, dagoeneko sakabanaketaren amaiera irudikatu nahi delako.
Iñigo Guridi Lasa, Asier Badiola Lasarte, Iñaki Bilbao Goikoetxea, Orkatz Gallastegi Sodupe, Fermin Vila Mitxelena, Iñigo Zapirain Romano eta Alberto Viedma Morillas preso politikoak Euskal Herriko espetxeetara hurbilduko dituzte.
Espainiako Gobernuko Espetxe Zuzendaritzak eta Eusko Jaurlaritzak adostu dute beste hamahiru euskal preso Bizkaia, Araba eta Gipuzkoako espetxeetara hurbiltzea. Ez da jakinarazi zein espetxetara eramango dituzten; Lakuako Gobernuaren esku dago erabakia.
Etxarri Aranazko Jon Gurutz Maiza Artola preso politikoa Frantziako Estatuko Lannemezaneko espetxetik (Euskal Herritik 330 kilometrotara) Donostiako Martuteneko kartzelara hurbildu dute, Etxeratek zabaldu duenez.
Garazi Abrisketa (Zollo, 1988) eta Aitana Izagirre (Zollo, 1993) Mirentxin Gidariak ekimenaren parte izan dira eta euren esperientzia azaldu dute, baita taldearen disoluzioak utzi dien sentsazioa ere.
Raul Fuentes eta Gaizka Astorkizaga dira Euskal Herriko espetxeetara lekualdatuko dituztenak, eta Pedro Cano eta Orkatz Gallastegi hurbildu egingo dituzte. Horrez gain, Olga Comesi hirugarren gradua emango diote.