Sai arreen kopurua kontrolatzea eskatu du EHNEk, erditze garaian aziendei eraso egiten dietelako
Nafarroako EHNE nekazari sindikatuak eskatu du Nafarroako Gobernuko Ingurumen Departamentuak neurriak har ditzala “gure lurraldean putreen populazio neurrigabea konpontzeko”.
Sindikatuaren esanetan, espezie honek bere ohitura naturalak aldatu ditu “hegazti sarraskijale gisa eta jarrera oldarkorragoak hartu ditu”. Horren ondorioz, “aziendei eraso egiten diete eta abeltzain asko erditze garaian euren animaliak ia modu iraunkorrean ukuiluratzera” behartzen dituzte. Afiliatu batek bidalitako argazkia erakutsi dute egoeraren erakusgarri.
Duela egun gutxi Pablo Muñoz Nafarroako Gobernuko Ingurumeneko zuzendariari egoeraren berri eman diotela adierazi du EHNEk oharrean, eta hark arazoa badagoela onartu zuela, baina irtenbiderik eman gabe. Laguntza ekonomikoak eskaini zizkiela erasoak daudenerako. Hala ere, jarraitzen du sindikatuak, “ordain horiek jasotzeko, albaitari baten aldeko txostena behar da, aberea hil aurretik erasotua izan dela aitortuz, baina askotan ez da erraza hau frogatzea, putreek osorik jaten dutelako azienda”.
Horregatik guztiagatik, kalte-ordainen kudeatzea arintzea eskatzen dute eta bestelako neurriak ere hartzea: “Hegazti sarraskijaleek funtsezko eginkizuna betetzen dute kate trofikoan, eta gure azienden erabilera tradizionalarekin batera bizi izan dira historikoki. Hala ere, uste dugu hegaztien ugaltzea arazo bihurtu dela, eta aurre egiteko garaia dela, haien kontserbazioa kudeatzen duten erakundeen eta erasoen eraginpean daudenen artean adostutako konponbideak bilatuz”.
Abeltzaintzan lan egiten dutenek oreka bilatzen dute: animalien bizi kalitatea ahalik eta onena izatea eta ekoizpenaren bideragarritasun ekonomikoa lortzea. Gizakiok munduari muga fisiko ugari jarri dizkiogu “geurea” dena babeste aldera, “geure”... [+]
Ikerketaren zantzuak aintzat hartuta errudunak epaitu eta kalte-ordaina ezarri dezan eskatu diote Nafarroako Gobernuari Sustrai Fundazioak eta Greenpeacek. "Babes bereziko eremu bat kaltetu zuten isurketek", eta hartara, "ingurumen delitu" kontsideratzen... [+]
Nafarroako Gobernuak asteazken honetan onartu du proiektua udalerriz gaindiko eragina duen plan modura (UGEP), eta horren ondorioz, Magnesitas Navarras SAk 25 urtez ustiatu ahal izango du Erdizen ireki nahi duen meatzea.
Bihurgunez beteriko bidearen ostean heldu ginen lautada zabal hartara. Udazkenak eskaintzen dituen orlegiaren tonalitate guztien atzean, teloi lana eginez, Pirinioak zuri-zuri ikusten ziren. Horrelaxe aurkitu genuen Abaurregaina, Euskal Herriko herririk garaiena. Errepidearen... [+]
Behi arabarren %20 eta %25 artean kutxatu dira Aiaraldean. Europan ez dago onartuta tratamendurik, eta abeltzainek arriskuan ikusten dute ustiategi askoren etorkizuna, erakundeek neurriak hartu ezean.
Josebe Blancok Hausnarrean. Ardiek egin naute artzain liburua kaleratu du ARGIAko Bizi Baratzea sailean. Berau aurkezteko lehen hitzaldia azaroaren 7an Antzuolan emango du, artzaina artaldearekin bizi den Pikunieta baserria kokatuta dagoen udalerrian. Maria Eugenia Irazabalekin... [+]
Irailaren bukaeran sendabelarren inguruko formakuntza berezia egin zuten Azpeitiko Azoka plazan. Azken urteotan sendabelarren inguruko interesa, ezagutza eta horien erabilera handitzen ari badira ere, abeltzaintzan ez da zabalduegi dagoen praktika. Hain zuzen horregatik, lehen... [+]
Sute arrisku handia aurreikusi dute egunotarako Nafarroan. Babes zibil eta larrialdietako zerbitzuak, suhiltzaileak, Poliziaren ingurugiroaren babes brigada, ingurugiroaren departamentua, Guardia Zibila eta Estatuko Agentzia Meteorologikoaren Nafarroako delegazioa abuztuaren... [+]
Nafarroako Gobernuak foru interesekotzat jo du Magna enpresak Erdizen eraiki nahi duen magnesita meategia. Baztan eta Esteribar batzen dituen Alduide mendian daude Erdizeko belazeak eta 80 familien abereak bazkatzen dira bertan.