Sagarrondoen salmenta kanpaina abiatu du Seaskak lizeo berrirako dirua biltzeko
Ikasle gehiago jaso ahal izateko kolegio berri bat eraiki nahi du Seaskak Bernat Etxepare Lizeoa dagoen lekuan. Horretarako “Hazten gaitu, hazten dugu” kanpaina jarri du abian. Kanpainaren helburua ekipamendu eta materialak lortu ahal izatea da, sagarrondoak salduz. Seaskak 300.000 euro beharko direla aurreikusten du horretarako.
Lizeo berria eraikitzeko hamar milioi euroko aurrekontua izango dute. Horietatik 7,2 milioi Akitaniako Kontseiluaren diru-laguntzei esker lortuko dituzte eta gainontzekoa egingo diren ekimenekin, Herri Urrats adibidez.
Euskararen sagartzearen bidez lortu nahi dute dirua. Erosleek aukera izango dute prezio ugaritan zuhaitz hauek erosteko, www.betxepare.eus webgunean edo lizeora txeke bat bidaliz. Erosleek sagarrondoak eraman edo “Euskararen sagardian” landatzeko aukera izango dute.
Sagarrondoak aukeratzearen arrazoia sinbolikoa dela azaldu dute, “gure kulturaren zuhaitzak” direla azpimarratuz, euskara, ikastola eta lizeoaren irudi.
Egun lizeoak 260 ikasle jasotzen ditu eta 400era zabaldu nahi dute eskaintza. Ikasleek historia eta matematikako ikasgaiak euskaraz jasotzeko aukera dute, baina aurrera begira, kurtsoak osoki euskaraz izatea da helburua.
Eskaintzen diren ikasketa orokorrez gain, ikasketa profesional eta teknologikoei euskarazko bide bat ireki nahi die kurtso berrien bidez. Helburua “herritar euskaldun prestatuak” edukitzea dela azaldu dute.
Lizeoak kanpaina abiatzeko eginiko bideoa da ondorengoa:
2016ko irailetik 2017ko ekainera ekitaldi andana antolatuko dituztela jakinarazi dute:
Urriaren 27an, Donazaharren: hitzaldia.
Abenduaren 17an, Baionan, Gaskoinen plazan: sagarrondoen banatzeko azoka.
Abenduaren 29an, Baionan: Bertso poteoa Baionako ostatuetan ikasle ohiek alaiturik. Ondotik, bertso afaria Sustrai Colina eta Aimar Karrikarekin.
Urtarrilean, Baionan: Txotx, Sagarno sasoina idekitzeko.
Otsailean: sagarrondoen landaketa.
Martxoan: ikasle ohien gaualdia.
Ekainean, Baionan: Sagarno Eguna.
Irakasleek baxoko ahozkoa euskaraz egiten laguntzeko ekintza egingo dute. Soinean ahobizi eta belarriprest txapak eramango dituzte, ikasleei adierazteko “babes osoa” dutela euskaraz mintzatzeko azterketan.
Pascal Jocou eta Fabienne Etchegaray aurkeztuko dira Beskoitzeko hauteskundeen bigarren itzulian. Haritza Camblong-ek oraindik ez du zehaztu ekainaren 23ko bozketara aurkeztuko den. Fabienne Ayensak, Beskoitzeko aurreko alkateak, ikastolaren hitzarmenak eragindako desadostasunen... [+]
Seaskako Bernat Etxepare lizeoko ikasleek mobilizaziorako deia luzatu dute maiatzaren 17rako. Guztien arteko sarea irudikatzeko asmoz, ekimenen aipamena Interneten #EuskarazIkasiMatxinada eta #EuskarazBiziMatxinada traolekin zabaltzeko eskaera egin diete.
Irisarriko herrigunera sartu orduko, hantxe, etxe baten atarian, ikurrina eta estelada. Jokin Etxebarriaren bizitokia duzu. Gerrako ume izandakoa, hamaika ibilera –eta hamaika baino gehiago ere bai–, han eta hemen egindakoa. 92 urtek nahi beste bizitzeko aukera... [+]
Herriko kontseiluaren gehiengoa lurrak ikastolari beste urtebetez alokatzearen alde agertu da, eta jarraian auzapezak dimisioa aurkeztu du. Ikastolako gurasoei eta Seaskari hitzarmen berri bat aurkeztekotan geratu da herriko etxea.
Martxoaren 6an numeriko edo digital iraunkorraren eguna ospatu dute Baionako Estitxu Robles kolegioan. Ordenagailu zaharrak berregokitzen ikasi dute eta Ilargikoop ikasle kooperatibaren berri jaso dute.
Haserre mintzatu da Peio Jorajuria Seaskako lehendakaria, Beskoitzeko Herriko Etxeak astelehenean hartutako erabakiarekin. 51 haur dituen ikastolarekin hitzarmena eten du auzapezak, eta sei hilabeteren buruan debekatuta izango dute bertan eskolak ematea. Gurasoek harridura... [+]
2.500 euskaltzale elkartu dira Seaskak eta Euskal Herriko Ikastolen Elkarteak deitutako manifestaziora. Herriko etxeak ikastolaren eraikin berria egiteko eskariari jarritako trabak salatu dituzte eta Beskoitzeko ikastolako haurrei babesa eman diete.
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Egoera tirabiratsua bizi dute Beskoitzeko ikastolako gurasoek herriko etxearekin. Herriko gelak baliatzeko debekuak, baimen ezeztatzeak edota jantegi publikoan bazkaltzeko mugak...
Ikastolak eraikina jaso nahi du herri lurretan eta herriko etxeak ezezkoa emana dio. Ikastolako eragileek salatu dute proiektuari baldintza arbitrarioak ezartzen dizkiotela eta hautetsiekin elkarrizketa izatea ezinezkoa dela. Manifestazio nazionalera deitu dute azaroaren 18an,... [+]
Donibane Lohizuneko ikastola izan zen TxikiLinux erabiltzen hasi zen Ipar Euskal Herriko lehen ikastetxea. Bide beretik, sistema eragile libre eta euskaldunaren aldeko pausoa eman dute orain Urruñako ikastolan.
Senpereko Kattalin Elizalde kolegioarekin 39. ikastetxea ireki badu ere, 4.177 haurrekin egin da sartzea, haur hezkuntzatik lizeora. Kopuruak mantentzen dira beraz, bereziki lizeoan eta kolegioetan irabazi, eta lehen mailan galdu baitira haurrak.
Ziburuko kolegioa txiki geratu zaienez, 11 eta 15 urte bitarteko ikasleentzako kolegio berria eraiki dute zazpi hilabetean: Kattalin Elizalde. Irailaren 4an hasi dute ikasturtea, Ipar Euskal Herriko ikasle gehienek bezala.