Nord Stream gas-hodiak: sabotajea da hipotesia nagusia eta Alemaniak uste du betiko hondatu direla
Asteartean jakinarazi zen Nord Stream gasoduktuan gas isuria antzeman zela. Sabotajea da hipotesi nagusia, ekintzaren egiletza argi ez badago ere; Errusia jo dute erruduntzat Polonia eta Ukrainak, eta AEBek buruturiko sabotajea izan daitekeela iradoki du hainbatek, Radek Sikorski europarlamentari poloniarraren hitzetan eta Biden Nord Stream suntsitzeaz mintzo den otsaileko agerraldi baten bideoan oinarrituz.
Ur azpitik azaleratutako burbuilek eraginda, kilometro bateko orbana antzeman daiteke Itsaso Baltikoan, Suedia eta Danimarkako uretan. Hala erakusten dute Danimarkako armadak egindako argazkiek. Asteartean, irudia zabaltzearekin batera, haren arrazoiaren berri ere eman zen ezagutzera: Errusiak Alemaniaraino gasa garraiatzeko darabilen Nord Stream gasoduktuan isuria antzeman zuten. Zehazki, hiru isuri aurkitu dituzte: bat Nord Stream 2 gas hodian, eta bi Nord Stream 1 gas hodian. Biak zeuden erabileraz kanpo isuria jazo den unean, Nord Stream 2 inoiz ez baita jarri martxan eta Nord Stream 1 zerbitzuz kanpo baitzegoen, orain aste batzuk Errusiak olio isuri bat aurkitu zuela jakinarazi eta hodiaren martxa eten zuenetik. Alabaina, funtzionamenduan ez egonagatik ere, bi hodiak zeuden gasez beteta.
Isuria antzeman ostean, zerk eragin duen aztertzeari ekin diote. Sismografoek publiko egindako informazioa izan da sabotajearen hipotesia mahai gaineratu duena. Sismologoek astelehenean ur azpian jazotako bi eztanda identifikatu zituzten, bata igandetik astelehenerako goizaldean, eta bigarrena astelehen arratsaldean. SNSN Suediako Sare Sismikoko Björn Lund zuzendariak egindako adierazpenen arabera, inolako zalantzarik gabe eztandak dira identifikatutakoak. Alemaniako Ikerketa Geologikoen Zentroko (GFZ) bozeramaile Josef Senz-ek El País egunkariari egindako adierazpenen arabera ere, ez dute antzeman hausturak arrazoitu ahalko lituzkeen lurrikararik. Aipatu egunkariak jaso duenez, adituen arabera soilik estatu batek izan dezake gaitasuna Nord Stream gasoduktuak dauden sakontasunean haustura eragiteko.
Alemaniako gobernuaren iturrik aipatuz Der Tagesspiegel egunkariak argitaratu duenez, hondatutakoa ezingo da epe laburrean konpondu eta, beraz, seguruenik ura sartuko da hodietara eta horrek paretak hondatuko ditu.
Sabotajea bai, baina nork burutua?
Informazio hori ezagututa, beraz, sabotajearen hipotesia da indar gehien hartu duena. Sabotajea nork burutu duen, ordea, ez da argitu oraindik. Poloniako lehen ministro Mateusz Morawiecki-k, adibidez, Errusiari begiratu dio. Eta berdin egin du Ukrainak, Europa kaltetzeko asmoz "eraso terrorista" gauzatu izana leporatuz Errusiari. Ukrainako presidente Volodimir Zelenskiren aholkulari den Mykhaylo Podolyak hala mintzatu da Twitter-en: "NS-1-eko [Nord Stream 1] gas isuria Errusiak planeatutako eraso terrorista da, EBren aurkako erasoa. Errusiak Europako egoera ekonomikoa desegonkortu nahi du, negua aurretik izua eragiteko".
"Gas leak" from NS-1 is nothing more that a terrorist attack planned by Russia and an act of aggression towards EU. ?? wants to destabilize economic situation in Europe and cause pre-winter panic. The best response and security investment — tanks for ??. Especially German ones…
— ??????? ??????? (@Podolyak_M) September 27, 2022
Errusia "oso arduratuta agertu zen" asteartean, nahiz eta Kremlingo bozeramaile Dimitri Peskov bertsio bat bera ere ezin daitekeela baztertu esatera mugatu den.
Beste norabide batean seinalatzen duenik ere bada, ordea. Asteartean sare sozialetan bolo-bolo zabaldu zen AEBetako presidente Joe Biden-ek otsailean egindako agerraldi bateko irudiak. Bertan, Bidenek Nord Stream 2-a suntsitzeko asmoak agertu zituen kazetarien aurrean:
Biden in Feb 2022: "If Russia invades...then there will be no longer a Nord Stream 2. We will bring an end to it."
Q: "But how will you do that, exactly, since...the project is in Germany's control?"
Biden: "I promise you, we will be able to do that."pic.twitter.com/e091ddF4Pv https://t.co/DHaCuETo8y
— Aaron Maté (@aaronjmate) September 27, 2022
Ildo berean, AEBak jo ditu erasoaren egiletzat Radek Sikorski europarlamentari poloniarrak. Europako Parlamentuan AEBen ordezkari denak eskerrak eman dizkie Nord Stream erasotu izanagatik, eta erasoaren erreibindikazio gisa irakurri daiteke.
Thank you, USA. pic.twitter.com/nALlYQ1Crb
— Radek Sikorski MEP (@radeksikorski) September 27, 2022
Sabotajearen egiletza argitzeke oraindik, Europako Batzordea gogor erantzuteko prest agertu da. "Europako energia-azpiegitura aktiboa nahita etetea onartezina da, eta ahalik eta erantzun gogorrena eragingo du", adierazi du Ursula von der Leyen-ek.
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.
Azken egunetako giroa baretzeko asmoz eta Ukrainako Gerraren bukaeraz hitz egiteko elkartuko dira Trumpekin, ondoko astean, Emmanuel Macron Frantziako presidentea eta Keir Starmer Erresuma Batuko Lehen ministroa. Auzi bera aipagai, ostegun honetan elkartzekoak dira ere... [+]
Palestinan genozidioa, Europan gerra eta potentzia nuklearren artean tentsioa. Ez daukagu berri on askorik emateko, baina bada bat, hondamendi orokorretik eratorria, aipatzea merezi duena: aldeko baldintzak sortzen ari dira kontrainformaziorako, informazio independenterako,... [+]