Roger Torrenten mugikorrak gobernuek soilik eros dezaketen espioi programa baten erasoa jaso du
Kataluniako Parlamenteko president Roger Torrent Israelgo NSO konpainiak garatutako Pegasus espioi programaren jo-puntu izan da 2019an, eta programa hori gobernuek soilik eros dezakete. Torrentek adierazi du gauza arraroak sumatu zituela eta Espainiako Gobernuari egotzi dio programa honen erasoa. Horrez gain, CUPeko Anna Gabrielen mugikorra ere zelatatua izan dela jakin da.
The Guardian eta El País hedabideek eman dute jakitera albistea. Kanadako Citizen Lab zibersegurtasun institutuak WhatsApp sare sozialarentzat ikertu du "gizarte zibileko" 130 ordezkariren aurka egin den esku-sartze indiskriminatu bat, eta hor atzeman du Roger Torrenten aurkako erasoa.
Bi hedabide hauek argitaratutako informazioaren arabera, Torrenten telefono mugikorra Israelgo NSO konpainiak garatutako Pegasus espioi programaren jo-puntu izan da 2019an, eta programa hau estatuek eta beren indar armatuek soilik eros dezakete, "krimena eta terrorismoa" erasotzeko.
WhatsAppen "segurtasun akats" bat, Torrenten mugikorrerako zirrikitu
Bi hedabideek emandako bertsioaren arabera, WhatsAppen segurtasunean izandako akats batek eman zion aukera apirila eta maiatza artean NSOren espioi programari munduko 1.400 sarbidetan eskua sartzeko. Eraso hau gauzatzeko zirrikitua, WhatsAppen bideo dei galdu bat zen, zeinak ez zuen eskatzen erantzutea, hartzailearen mugikorra erasotzeko. Torontoko Unibertsitatean dagoen Citizen Lab zibersegurtasun taldeak ikertu ditu esku hartze hauek, eta tartean dago Torrenten zenbakia. Citizen Lab-ek zertifikatutako dokumentuaren arabera (zeina eskuratu duten The Guardianek eta El Paísek), "badira ebidentzia anitz adierazi dezaketenak Torrent monitorizatua izan zela".
Espioi programa horrek egin dizakeenak
Pegasus programak aukera ematen du erasotuz izan den mugikorreko elkarrizketak entzuteko, mezuak irakurtzeko, disko gogorrera sarbidea izateko, pantailaren kapturak egiteko, nabigazio historia ikusteko eta hurruneko kontrolaz kamara eta mikrofonoa aktibatzeko: honek aukera ematen du gelako giro soinua entzuteko. Kanadako aditu hauen arabera, programa honek erraztu egiten du baita ere zifratutako mezu eta deiak eskuratzeko. Ikerlariek adierazi dute ezin dutela identifikatu nork agindu zuen erasoa, baina Pegasus programa sortu duen NSOk "bere produktuak Gobernuei soilik saltzen dizkiela". NSOren webguneak hau berresten du.
Torrentek Espainiako Estatua jo du erantzule
Torrenten hitz hauek jaso dituzte The Guardianek eta El Paísek: "Gauza arraroak sumatzen nituen. WhatsAppeko mezuak eta elkarrizketen historialak ezabatzen zitzaizkidan. Nire inguruko jendeari ez zitzaion horrelakorik gertatzen". Torrentek Espainiako Estatuari egotzi dio Pegasus programaz bere mugikorra kutsatu izana.
Anna Gabrielen mugikorra ere bai
Olivier Peter Anna Gabrielen abokatuak Nació Digital egunkariari ohartarazi dionez, CUPeko diputatu ohia ere Pegasus espiotza sistemaren biktima izan zen. Gabriel Suitzara joan zen 2018an, Auzitegi Gorenean ez deklaratzeagatik. “Matxinada, bidegabeko eralgitzea eta sedizioa” egozten zizkioten buruzagi independentistari. Bere abokatuaren arabera, Gabrielek WhatsApp aplikazioan jakinarazpen bat jaso zuen, “mugikorrean espiatua izan zitekeela” esanez.
Carles Puigdemont erbestetik itzuli da Kataluniara zazpi urteren ondoren. Salvador Illaren inbestidura saiora joan baino lehen, Bartzelonako Garaipenaren Arkuan hitzaldi labur bat eman du milaka lagunen aurrean. Poliziak Puigdemont atxilotzeko agindua du, baina ez du lortu... [+]
Zortzi hilabeteko erbestealdiaren ondoren, etxera eta Directa-ko erredakziora itzuli da Rodríguez (Gramanet del Besós, Bartzelona, 1974). Inork ezer espero gabe, uztailaren 8an, arratsalde bakarrean, erabat irauli zen bere eta beste hamaika inputaturen aurkako... [+]
Ostiral goizean ekitaldi politiko bateratua egingo dute Gironan, Herrialde Katalanetan. Puigdemont faltako da, ezin baitu itzuli.
Espainiako Auzitegi Nazionaleko apelazio aretoak astelehen arratsean esan du baliogabetu egin behar direla Tsunami auzi judizialaren ikerketako azken hiru urteak, "ilegalki" luzatu zelako. Erabaki hori behin betiko bihurtzean Carles Puigdemont eta Marta Rovira kasutik... [+]
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Espainiako Gobernuak onartu berri duen Amnistia Legeak ez ditu zigortutako katalan guztiak bakean utziko. Batzuek erbestean segitzen dute, eta segituko dute, ea noiz arte. Baina beste batzuk berriki joan dira, ustez “gatazka” amaitzear zegoenean, alderdiak Amnistia... [+]
Espainiako Diputatuen Kongresuak esperotako Amnistia Legea onartu baino egun gutxi lehenago, Amnistia Legearen aplikaziotik kanpo geratuko diren Tsunami Democratic auziko bi inputatu elkarrizketatu ditu ARGIAk Suitzan, Genevan, erbestean baitaude.
Aurrerapena da ondorengo... [+]
Ezusterik gabe eta gehiengo osoz onartu dute Espainiako Kongresuan Amnistiaren Legea, txalo artean. Eztabaida laburra izan da, baina tirabiratsua, eta irainak ere entzun dira. 177 aldeko boto jaso ditu legeak eta 172 kontra.
Akordioaren bidez Juntsek eta PSOEk Kataluniako gatazka historikoa bideratuko duen etapa berri bat ireki nahi dute. Horretarako, bi indarren arteko negoziazio mahai bat eratu dute eta bertako edukiak eta akordioak segitzeko bitartekaritza mekanismoa adostu ere bai.
La Directa-k salatu du Jesús Rodríguez kazetaria inputatu izana “informaziorako eskubidearen aurkako erasoa” dela. Elkartasun manifestua plazaratu dute Rodríguezi babesa helarazteko, eta dozenaka hedabide eta erakundek sinatu dute jada, ARGIAk... [+]
Espainiako Auzitegi Nazionalak “terrorismo-delitua” egotzi dio Jesús Rodríguez La Directako erredaktoreari eta beste hamaika pertsonari, tartean Carles Puigdemont presidente ohi eta Marta Rovira ERCko idazkari nagusiari, 2019ko epaiaren aurkako... [+]
Espainiako Auzitegi Nazionala 2019ko udazkeneko protestetan “terrorismo” deliturik izan ote zen ikertzen ari da. Bitartean, PSOEko eta JxCko ordezkariak Bruselan bilduta daude.
Ostegun honetan ezagutu dira bi epaiak. Batean, Espainiako Auzitegi Gorenak balekotzat eman ditu Jordi Cuixart eta Jordi Sánchezen indultuak. Bestean, Bartzelonako Auzitegiak laur urte eta erdiko kartzela zigorra jarri dio Miquel Buch Generalitateko Barne kontseilari... [+]
Proces auziarekin lotutako Kataluniako kontseilari ohiari desobedientzia delituagatik auzipetzeko erabakia jakinarazi behar zion epaileak. Ponsatik argudiatu du astelehenean ezin izan dela agertu, Europako Parlamentuan lana daukalako.