Rodolfo Ares hil da, PSE-EEko azken bi hamarkadetako buruzagi garrantzitsua
Gaixotasun luze baten ondoren hil da Rodolfo Ares. PSE-EE, EAJ eta Batasunaren arteko 2005 eta 2007ko negoziazioetan parte hartu zuen. Patxi Lópezen Eusko Jaurlaritzako Barne kontseilari izan zen, eta zenbait eztabaidaren erdigunean egon zen, hala nola, Ertzaintzak torturatu egiten zuela esan zuen Alfonso Zenon abokatuaren aurkako salaketa jarri zuen (gerora absolbitu zuten; eta Euskal Kriminologia Institutuaren txostenak jaso du hala izan zela). 2012an Ertzaintzak Iñigo Cabacas pilotakada batez hil zuenean lekukoek gezurra ziotela esan zuen, besteak beste, polizia autonomikoa zuritu nahian.
Galizian jaio zen 1954an, Ourensen, eta oso gazte Bilbora joan zen familiarekin bizitzera.
2009an, Eusko Jaurlaritzako Barne kontseilari izendatu zuen Patxi Lópezek bere legegintzaldian. Kargua hartu eta gutxira, euskal preso politikoen argazkien aurkako kanpaina liskartsua abiatu zuen, herriz herri Ertzaintza bidaliz hauek kentzera. Lópezen gabineteko "nukleo gogor" gisa definitu izan da Ares, eta rol hori jokatu zuen, baita ere, Jesús Egiguren eta Arnaldo Otegik abiatutako bake elkarrizketak negoziazio politiko bilakatu zirenean, EAJ ere integratuta zegoela. Lekukoek, gerora, Imanol Murua kazetariaren Loiolako Hegiak liburuan kontatu zutenez, Ares zen Espainiako Gobernuko Alfredo Pérez Rubalcaba Barne ministroarekin etengabe harremanetan zegoen PSEko talde negoziatzaileko kidea, elkarrizketen nondik norakoei buruz informatuz.
Madrilgo aireportuko atentatuaren ostean, negoziazioak haustear zenean, Rodolfo Ares Genevan izan zen ETA eta Batasunako delegazioekin hitz egiten, nazioarteko begiraleekin.
"Bere borroka pertsonal nagusia zen ETArekin amaitzea, eta akordioak lortzen oso abila zen", adierazi du Andoni Unzaluk Euskadi Irratian. Patxi Lópezen legegintzaldian gabineteko komunikazio arduradun zen Unzalu.
Tortura zurituz
Eusko Jaurlaritzan kargua hartu zuenean, Legebiltzarrean eskatu zitzaion Ertzaintzaren galdeketak grabatzeko, tortura arriskurik egon ez zedin. Bera aurka agertu zen, eta adierazi zuen EAJ-ko Javier Balzaren garaitik zetorren praktika zela, eta berak ez zituela "beharrezko" ikusten.
Alfonso Zenon abokatuak publikoki esan zuenean Ertzaintzak torturatu egiten zuela, Rodolfo Ares Jaurlaritzako barne kontseilari zen eta salaketa jarri zuen abokatuaren aurka, irainak egotzita. Handik zenbait urtera, ordea, Bizkaiko Epaitegiak Zenon absolbitu zuten, eta handik gutxira, Euskal Kriminologia Institutuak Eusko Jaurlaritzarentzat eginiko txostenean jasota geratu zen Ertzaintzak ere, baietz, torturatu zituela herritar ugari.
Cabacas auzian, arduradun
Bera Jaurlaritzako Herrizaingo saileko buru zela, gertaerarik ilunenetakoa Iñigo Cabacas Athleticeko jarraitzailearen hilketa izan zen. Ares sailburuak hartu zuen auzia kudeatzeko ardura, eta berehala Ertzaintzaren esku hartzea justifikatu eta lekukoen testigantzak gezurrak zirela adierazi zuen lehen egunetan. Autopsiak Cabacas pilotakada batez hil zela frogatu zuenean, ordea, Aresek adierazi zuen gaztearen heriotza arduragabekeria edo istripua izan zitekeela, baina edonola ere Ertzaintzaren hutsik gabeko jarduna gehiegikeria edo akats bakar batengatik ezin zela kolokan jarri nabarmendu zuen.
"Adostasun zabaleko gutxieneko programa amankomun bat" oinarrian izatea posible da EH Bilduren esanetan, eta zerrenda bateratuak osatzea lehenetsiko du Espainiako eta Europako hauteskundeetan, Frantziako Estatu mailako Fronte Herritar Berriaren tankera hartuta.
Bizkaiko Foru Aldundiak abiatutako proiektuak "herritarren benetako beharrei" erantzuten ez diela salatu dute, Subflubiala EZ! plataformak deituta. Autobideak eraiki ordez, instituzioek garraio publikoa sustatu behar dutela adierazi dute.
Batzuetan ez dakit gehiegi ez ote den. Pipa janean gaudela, beste edozer gauzaz hitz egiten gaudela, gaia ateratzea. Ozen hitz egitea gustatzen zaigu guri, ia isilunerik ez uztea, ahotsak teilakatzea, zeinek handiagoa botatzea. Hitz egitea bakoitzak bereaz, bakoitzak... [+]
Aitor Esteban izango da EAJko EBBko hurrengo lehendakaria eta jeltzaleek salduko dute horrela, zuzendaritza berrituta, buruzagitza berria prest dagoela alderdiaren berrikuntza prozesuarekin jarraitzeko.
Eraso faxistak, xenofoboak edo homofoboak gero eta ugariagoak dira Euskal Herrian ere, eta kezka barreiatu da han-hemenka. Behe Bidasoa da eraso horiek pairatzen dituen eremuetakoa, eta hor, zehazki, eraso edota ekintza gehienak Devenir Europeo (Europaren bilakaera) izeneko... [+]
EAJren barne prozesuan ez du bere burua aurkeztuko, nahiz eta garaile irten den orain arteko bozketetan. Itxura guztien arabera, Aitor Esteban izango da EBBko buruzagi berria.
Bigarren lehendakariorde eta Ekonomia, Lan eta Enpleguko sailburuak armagintza industria goraipatu eta zabaldu diren “aukera” berrien aurrean sektorea “babestuko” duela azaldu du. “Beste kontu bat da gutako bakoitzak izan ditzakegun posizio... [+]
Bost urte bete dira Zaldibarren 800.000 tona zabor maldan behera amildu eta Joaquín Beltrán eta Alberto Sololuze langileak aurretik eraman zituenetik. Ikerketa judiziala amaitu gabe dago oraindik, Verter Recycling enpresak ez du ezer ordaindu zigilatze lanengatik,... [+]
Abenduaren 20an Eusko Jaurlaritzak planaren behin-behineko bertsioa onartu zuen eta gaitasun “baxu eta ertaineko” eremu ugari gaitasun “ertain eta altukoak” bezala ageri dira orain.
Arratsaldez eta gauez lan egiten duen jendea dagoela argudiatuta, 0-3 urteko umeentzat 24 orduz zabalik egongo diren haur-eskolen beharra planteatu du Espainiako Enplegu ministroak. Erreakzio-katea berehalakoa izan da eta agerian utzi du nola ulertzen dugun kontziliazioa, zeren... [+]
Plataformak ostegunerako Iruñeko udaletxe plazan elkarretaratzea deitu du 18:30erako, hiru alderdiek eraikinarekin izandako jarrera salatu eta eraistearen aldeko hautuan berresteko.
Proces-aren aurkako epai gogorra 2019ko urrian atera zen eta horrek Bartzelona sutan jarri zuen. Testuinguru horretan, Espainiako Estatuan bolo-bolo irakurri zen eskuineko prentsan jaregindako esaldi hau: “Espainiaren on beharrez, 50 urtero Bartzelona bonbardatu beharko... [+]
Iñigo Cabacas Herri Harmaila taldea eta Athleticen arteko harremana nahaspilatuta dago azkenaldian. Iñigo Cabacas Herri Harmailako Iñigorekin hitz egiteko aukera izan dugu astelehenean.
Liburutegi publikoak kudeatzearen ardura duen EAEko Liburutegi Zerbitzura gutun bidalketa masiboa egin dute Debako hainbat herritarrek, herriko liburutegiko araudi diskriminatzailearen aurrean esku har dezala eskatzeko. 6 urtetik beherakoek egunean ordubetez baino ezin dute... [+]