Rioko Olinpiar Jokoak iragarri zituztenetik 2.500 lagun hil ditu poliziak
Joko Olinpikoei lotutako proiektuak eraikitzeko 4.120 lagun etxerik gabe utzi dituztela salatu dute. 800 lagun baino gehiago atxilotuta daudela salatu du Terres de hommes GKEak.
"Olinpiar Jokoetan Brasil animatzeko astirik ez dut izango. Biolentzia polizialak nire familiarengan eta Manguinhoseko bizilagunengan duen eraginari adi egongo naiz. Behartsuentzat, Jokoek uzten duten bakarra mina, odola eta negarra dira”. Ana Paula Oliveira pedagogoak Folha egunkarian idatzitako zutabeak agerian utzi du Brasilek Joko Olinpikoen atarian bizi duen egoera: auzo pobreen eraisketak eta bertako bizilagunen atxiloketak eta hilketak ugaritu egin dira azken bi urteetan.
Herrialdeak bizi duen egoera salatzeko, Nazio Batuen Erakundearen egoitzan izan berri da Oliveira. Badaki zertaz ari den: polizia militarrak bere semea hil zuen 2014ko maiatzan. Amnistia Internazionalaren Brasilgo adarraren zuzendari Atila Roquek adierazi duenez, 2009. urtetik gaur egundaino 2.500 lagun baino gehiago hil ditu poliziak. Hildakoen %77,2 faveletako gazte beltz edo mestizoak dira.
Human Rights Watch-ek salatu du poliziaren hilketa asko “exekuzio extrajudizialak” izan direla. Gobernuz Kanpoko Erakunde honen arabera, “lekukoak mehatxatu eta froga faltsuak erabili ditu poliziak indarraren erabilera ilegala justifikatzeko”. Terres de hommes GKEak azaldu du etxerik gabeko pertsonak desagertu egin direla Olinpiar Jokoak jokatutako diren inguruetatik. 800 lagundik gora atxilotu dituztela ere salatu dute.
Behartsuenen auzoak, eraitsita
“Ez nago Olinpiar Jokoen aurka, baina bai hura garbiketa soziala egiteko erabiltzearena. Baldintza eskasetan bizi direnak baztertzen ari dira”. Nathalia Silva Vila Autódromoko bizilagunaren hitzak dira. Auzo horretan 600 familia bizi ziren 2014an; orain 20 geratzen dira. Kalte ordainik edo leku aldatzerik onartu ez dutenak dira bertan dirautenak, Silvak eldiario.es-en azaldu duenez.
Rio de Janeiroren berregituraketa eta balio handitze prozesuaren barruan, Vila Autódromoko egoera ez da salbuespena: Favela do Sambódromo, Vila das Torres eta Largo do Campinho favelak eraitsi egin dituzte. Vila União de Curicica eta Juliano Moreira auzoetako bizi baldintzak, aldiz, okertu egin dira 2009an Olinpiar Jokoak Rion ospatuko direla iragarri zenetik.
Egoera honek utzi ditzaken ondorioak azpimarratu ditu Terres de hommes erakundeak: “Kaleratze hauen erruz haur askok bizi baldintza txarrak dituzte: bizitzeko azpiegiturarik eta ur edangarririk ez dute, eta eskolara joateko aukerarik ere ez. Gauzak horrela, lan explotazioaren edo biolentzia sexualaren biktima bilakatu litezke”. 2014ko datuen arabera, 5 eta 13 urte arteko 554.000 haur ari dira lanean Brasilen.
Olinpiar Jokoek eta Paralinpiarrek dakarten "festa" gutxietsi gabe, kostu sozial, ekologiko eta ekonomiko izugarria eragin dutela dioten ahotsak ere badira, entzun nahi izanez gero. Horretan dabiltza Frantziako Legebiltzarretik, LFI Frantzia Intsumisoa alderdiko... [+]
Su-eten Olinpikoaren urraketak Errusia 2024ko Pariseko Jokoetatik kanpo uzteko balio izan du, baina Israelekin ez dute berdin jokatu, hasiera-hasieratik kutsu politikoa duen lehiaketa batean parte hartu ahal izan baitu.
2024ko Pariseko Joko Olinpikoak lehen joko parekideak izango dira parte hartuko duten gizon eta emakumeen kopuruari dagokionez. Genero bakoitzeko 5.250 atletek hartuko dute parte uztailaren 26tik abuztuaren 11ra bitartean 33. Olinpiada modernoetan.
Hiri bat Olinpiar Jokoen antolatzaile izendatzen dutenean, biztanleen artean ilusioa sortzea da helburuetako bat. Asko dira hartu beharreko erabaki polemikoak, eta herritarren babesa izateak lana errazten du. Hala ere, 2017an Nazioarteko Olinpiar Batzordeak (NOB) Paris... [+]
Nazioarteko Olinpiar Batzordeak onartu du gizonezkoek ere lehiatu ahal izango dutela taldekako igeriketa artistikoan, 2024an Parisen egingo diren Joko Olinpikoetan.
Baqueira Beret-eko eski estazioan eman du prentsaurrekoa 2030eko Neguko Joko Olinpikoak antolatzeko 'Bartzelona-Pirinioak' hautagaitzaren kontrako Stop JJOO plataformak, luxuzko 38 etxebizitza eraikitzen ari diren lekuan bertan.
Litekeena da 2024an Baionako festak beste data batean egin behar izatea, eta bertan behera geratzeko arriskua ere badago, bertan egon beharko luketen polizia gehienak Pariseko Joko Olinpikoetan izango direlako.
Iñigo Llopis igerilari donostiarrak hiru domina irabazi ditu Munduko Txapelketan eta 2021eko Tokio Paralinpiar Jokoetatik zilarra ekarri zuen etxera. Konporta Kirol Elkartean aritu ondoren, Basque Team klubean dabil gaur egun, “Gipuzkoan maila handia dago”... [+]
2030eko Joko Olinpikoen hautagaitzaren inguruan uztailaren 24an egingo den galdeketari begira dago Stop JJOO plataforma. Puigcerdá herrian deitutako manifestazioa, datozen asteetan egingo dituzten ekintzen abiapuntua izan da.
Txinan, Neguko Joko Olinpikoak egin diren zonaldean, elurrik egin ez eta artifizialki sortutakoa baliatu dute. Kataluniako Pirinioetan ere elur gutxi egin du, eta eski estazio askok ezin izan dute normaltasunez funtzionatu. Halere, 2030eko Neguko Jokoak begi-puntuan,... [+]
Kataluniako Gobernuak bi galdeketa egingo ditu uztailaren 24an Pirinioetako herrietan, 2030eko Neguko Olinpiar Jokoen hautagaitzak daukan babesa neurtzeko. Kirol probak egingo diren herrietan galdera izango da: "Kataluniako Gobernuak aurkeztu beharko luke hautagai zerrenda,... [+]
Beijingeko neguko jokoetarako villa olinpikoa eraikitzen ari zirela, Jin dinastiako aztarnategi handi bat azaleratu zen.
1935 urteaz geroztik landutako lurrak hormigoitu eta 2024an eginen diren Olinpiar Jokoetarako igerileku bihurtu nahi dituzte lekuko instituzioek. Desobedientzia eta okupazioaren bidetik dabiltza megaproiektu honen aurka borrokan. Hiri batetik bestera, Joko batetik bestera,... [+]
Atenas, 1896ko apirilaren 6a. Lehen Joko Olinpiko modernoak inauguratu zituzten. 241 atletek –guztiak gizonezkoak– parte hartu zuten 10 eguneko kirol ekitaldian. 125 urte igaro dira.