Rider-ek nazioarteko lanuztea deitu dute apirilaren 22an
Banaketa enpresetako langileek egun batez ez dute zerbitzurik eskainiko. Lanuztearekin beren babesgabetasuna eta esplotazioa salatu nahi dituzte, eta lan baldintza hobeak exijitu.
Banaketen ordainketak igotzea batetik, eta babeserako eta garbitasunerako osagaiak langileen eskura jartzea bestetik; horiek dira nazioarteko lanuztea deitu duten rider-en eskakizunak. Glovers unidos Argentina, Agrupación de Trabajadores de Reparto de Argentina, Glovers Unidos España, Glovers Costa Rica, Glovers Élite Guatemala eta Repartidores Perú kolektiboek sinatutako komunikatuak apirilaren 22an zerbitzurik ez eskaintzera dei egin die mundu zabaleko rider-ei.
Banaketa plataformen patronalek herrialde guztietan metodo bera erabili dutela eta rider-ak abandonatu dituztela adierazi dute komunikatuaren sinatzaileek. Hala bada, bizi duten egoeraren aurrean munduko krisi ekonomikoarekin eta sanitarioarekin bat datozen neurriak exijitu dituzte: ordainketen igoera eta garbiketa eta segurtasun elementuak.
Izan ere, prekarietateak eta esplotazioak ezaugarritzen duten lanbide honek, koronabirusak azaleratutako krisiaren ondotik, lan baldintzen okerragotzea pairatu du. Horren adibide da orain egun batzuk El Saltok jakitera emandakoa: Glovo enpresak banaketa bakoitzeko bere langileei ordaintzen zien tarifa erdira murriztu du, 2,50 eurotik 1,20 eurora; murrizketa are handiagoa izan da Glovoren Gasteizko langileen kasuan, tarifa euro batera jaitsi baitie enpresak.
Bere aldetik, Glovok adierazi du murrizketa hori konpentsatu egin duela desplazamendu luzeak saritzen dituen sustapen ekonomikoa txertatuz, edo Covid-19 deitu duen aldi baterako sustapenaz. Alabaina, Glovok bizi dugun krisia baliatuz egin dituen egokitzapenak langileak pedalkada gehiago ematera derrigortzen ditu, lehen irabazten zuten diru-kopuru bera irabazteko.
Lanuztearekin jendartea interpelatu eta beren egoeraz kontzientziatu nahi dute rider-ek, ikusi baitute koronabirusak eztandarazitako krisialdi egoeran tokian tokiko gobernuek ez dutela beren sektorean esku hartu, eta are gehiago, hainbat tokitan funtsezko jardueratzat jo dutela beren egitekoa, segurtasun neurririk gabe beren lanari eustera derrigortuz.
Lanuztea deitu dutenek gogora ekarri dute apirilaren 10ean Argentinan lan istripuz hildako 23 urteko Emma Riosendaulv Joncka rider-a. Aipatutakoa bezalako ondorio lazgarriak eragiten dituzten lan baldintzen aurrean, eta beren eskubideak irabazteko bidean, banaketa aplikazio eta herrialde guztietako banatzaileei elkarrekin bat egitera dei egin die.
Katalunian Societat Catalana de Pediatria elkarteak pandemia kontrolatzeko ikastetxeetan aplikatzen diren neurriak bertan behera uzteko eskatu du, neurri horiek haurrengan dituzten ondorio kaltegarriak argudiatuz. Tartean dago gela barruetan maskararen erabilera kentzea, modu... [+]
Beste hainbat bezala COVID pasearen aurka Bilbon deituta zegoen manifestaziora joan ginen aurrekoan. Bertan adin, kolore, janzkera eta hizkera askotariko zenbat jende zegoen ikusteak asko poztu ninduen, eta tartean topatu nituen unibertsitate garaiko batailetako lagunak edo... [+]
Zarauzko Udaleko urtarrileko osoko bilkuran, galdera erantzunen txandan sei herritarrek hartu zuten hitza, eta Covid pasaporteak eragindako diskriminazioa eta beren bizipenak azaldu zituzten; tartean, pasaporterik gabe kiroldegira sartzeagatik atxilotuta bukatu zuen... [+]
Bermeon jaiotako eta bertara etorritako herritarren artean hilean behin egiten zuten tertulia dago Lurre Hurre proiektuaren oinarrian. Elkar ezagutu zuen herritar talde horren harremanetik abiatuta, eta konfinamendu garaian migratzaile askok bizi zuten egoeraz jabetuta, egitasmo... [+]
Joseph Andras (Le Havre, Frantzia, 1984) idazlea da. 2016an lehen eleberriagatik "Goncourt" sari famatua eman zioten, baina berak uko egin zion epaimahaiari esanda “lehia, konkurrentzia eta norgehiagoka arrotzak zaizkiela idazketari eta sorkuntzari”... [+]
Lehen mailako arretak “kolapso egoeran” jarraitzen duela uste dute, ospitaletako arretak bizi duen gainkarga salatu nahi dute, eta egoerari aurrea egiteko neurriak eskatzen dituzte ELA, SATSE, LAB, CCOO eta UGT sindikatuek.
Abenduaren 20an eman zuen jakitera Olentzeroren Lagunak elkarteak 2021ean ere ez zela Olentzero Iruñeko kalez kale ibiliko, pandemiaren egoerak horretara bultzatuta. Urtarrilaren 4an, aldiz, Iruñeko Errege Magoen Kabalkadaren Elkarteak adierazi du aurten kaleetara... [+]
COVID txertoa hartu edo ez, norberaren hautu bat da, legezkoa, eta batak bezala besteak errespetu bera merezi duena. Ez da derrigorra, baina behartzeko erreminta ezarria dago Euskal Herri osoan: Europar Batasunak bidaiatzeko udan jarri zuen QR pasaportea. Zer dakar QR... [+]
Honela adierazi du Gazte Koordinadora Sozialistak zabaldu duen oharrean: "Zentzu sanitariorik gabeko neurriak hartzen jarraitzen dute politikari profesional despotikoek". Berriki hartutako hiru neurriak salatu dituzte zehazki: COVID ziurtagiriaren zabalpena, aire... [+]
Osakidetzaren lehen mailako arretaren egoera "jasanezina" dela salatuz Araba, Bizkai eta Gipuzkoako osasun etxeen aurrean elkarretaratzeak egin dituzte. "Lehen olatua izan eta urte eta erdira, osasungintza urria, nekatua eta baliabiderik gabea daukagu",... [+]
LAB sindikatuak honako irakurketa plazaratu du: "COVID kutsatzeen olatu berria dela eta, Eusko Jaurlaritza, Nafarroako Gobernua eta Frantziako Gobernua COVID ziurtagiriaren ezarpena erabiltzen ari dira euren kudeaketaren hutsuneak ezkutatzeko. Bost ardatzetan neurriak... [+]
Urtero Bilboko Konpartsek San Tomas egunaren harira argitaratzen duten egutegiaren etekinak Etxaldeko Emakumeei emango dizkiete aurten.
Abenduaren 18 arratsaldean Donostian jendetzak hartu ditu kaleak, Bizitza plataformak deituta egin den manifestazioan. "COVID pasearen inposaketari ez" lemak elkartu ditu.
Abenduaren 14an Osasun Publikoaren Aldeko Herri Ekimenak 1.000 erreklamaziotik gora aurkeztu ditu Donostiako Eusko Jaurlaritzako Osasun sailean, bereziki Lehen Arreta eta oro har osasungintza publikoa indartzeko eta duintzeko eskatuz: "Osasun sistema publiko,... [+]
Gazte Koordinadora Sozialistak deituta, protestara jo dute ostiralean Bilbon, Donostian eta Gasteizen. 'Covid ziurtagiriari ez! Burgesiaren ofentsibari aurre egin' izan dute aldarri milatik gora lagunek.