Remirezek dio Espainiako Gobernua zorroztasunez ari dela Esako urtegian, lanak hasi eta 22 urtera
Nafarroako Gobernuko lehendakariorde Javier Remirezek azalpenak eman zituen Nafarroako Legebiltzarrean, duela hamabost hilabete amaitu baina orain arte plazaratu gabe egon den presaren segurtasunaren inguruko ikerketa baten harira. Ikerketa Espainiako Gobernuaren enkarguz egin zen.
Oposizioko alderdiek Trantsizio Ekologikoaren Ministerioaren gaineko autoritate falta leporatu zioten eta ondorio zientifikoen ziurgabetasun zein aurreikusitako aurrekontuak laukoiztea mahaigaineratu zuten berriz.
Urtegia beteko balitz, ezingo litzateke segurtasuna bermatu. Hauxe da Esako Urtegiaren inguruko azken ikerketaren ondoriorik nabarmenena, Adolfo Araiz Nafarroako Parlamentuko EH Bilduren bozeramailearen ustetan, bere alderdiak urriaren 18an deituriko batzordean adierazi bezala. 600 orrialde baino gehiago dituen informeak esaten du “ez dela posible segurtasun faktore onargarririk demostratzea”. Hau da, ezin da jakin Espainiako Gobernua eraikitzen ari den presa berriak uraren indarrari eutsiko ote liokeen.
Bitartean, obrak aurrera darrai. Dagoeneko urtegiaren edukiera bikoizteko obra 22 urtez luzatzen ari da, eta ez zaio amaierarik antzematen. Aurrekontuari dagokionez, bider 4,5 egin da: 100 milioi eurotik 450 miloi eurora. “Merezi al du?”, galdetu zion Izquierda-Ezkerrako Marisa de Simon bozeramaileak Javier Remírez Nafarroako Gobernuko lehendakariordeari.
Honek, ordea, erantzuna “Espainiako Gobernuari dagokiola” dio, hura baita obren kudeatzailea eta azken txostena enkargatu duen erakundea. Arazoa kasu honetan, Navarra Sumako José Suarezen iritziz, Remírezek Espainiako Gobernuaren aurrean duen autoritate falta da, Trantsizio Ekologikoaren Ministerioak ikerketa duela 15 hilabete jaso baitzuen eta ez zion uztailera arte Foru Gobernuari erakutsi, honek eskatuta ere.
Remírezen alderdikide den Blanca Rodríguezen hitzetan, “segurtasunari dagokionez ondorio irmoagoak” espero zituzten. Dena den, aurtengo udako lehortearen ondoren urtegia minimo historikoetan dago eta momentu honetan ibaian beherako biztanleen segurtasuna ez da kezka nagusia. Podemoseko Ainhoa Aznarez bozeramaileak adierazi zuenez, “adituen ustetan 2050. urtean Esa urez hornitzen duen Aragoi ibaiaren emaria %26 murriztuko da”. “Krisi klimatikoa ikusita, presa ikaragarri handia izateak ez du ezertarako balioko”.
Nolanahi ere, egoera beti da latza: neguan sekulako euriteen ondorioz bat-batean urtegia betetzeko aukera sortuko balitz, protokolo internazional guztien arabera, Zangoza eta ibaian beherako herriak ebakuatu beharko lirateke. Edozein kasutan, urtegia guztiz betetzea oso zaila izango denez, ez dirudi halakorik gertatuko denik eta, hortaz, herritarrak lasai egon daitezke. Hori bai, hango biztanleen lasaitasuna garesti ordainduko genuke: 450 milioi eurotik gora alferrik galduta.
Esako urtegia handitzeko proiektua berraztertu dezala eskatu dio Chunta Aragonesista alderdiak Espainiako Gobernuari, tanta hotzak berriki utzitako hondamendia ikusita. Halako euriteak jasanez gero, Esak ur hori guztia askatzeko gaitasun nahikorik ez lukeela izango eta... [+]
Nafarroako Justizia Auzitegiak bertan behera utzi du Nafarroako Gobernuak Geoalcali enpresari potasa ustiatzeko emandako baimena, Sustrai Erakuntzak eta Ekologistak Martxanek jarritako helegitearen ondoren.
"Segurtasun faltagatik" geldirik daude Esa urtegia handitzeko lanak Rio Aragon Elkartearen esanetan. Lan horien kontratua eteteko eta proiektua berrikusteko eskatu du talde horrek. "Bideragarritasun eza" onartzeko eskatu diote Ebroko Ur Konfederazioari.
Lanak duela 22 urte hasi ziren, baina urtegiaren eraikuntzak hamaika arazo izan ditu, eta oraindik lanek atzera-aurrera jarraitzen dute. Rio Aragón elkartearen eskaerari erantzunez, lanak 2027an bukatzea aurreikusten duela erantzun du CHE Ebroko Konfederazio... [+]
Ikerketa geologikoek behin baino gehiagotan ohartarazi dute, eta, orain, satelite bidezko zaintzatik heldu da abisua: Esako urtegia ez da egonkorra. Copernicusek, Lurra behatzeko Europako Batasunak abian jarritako programak, "mugimendua" antzeman du urtegiaren... [+]
Euskal Herria zeharkatzen dutenen artean ibairik handiena da Ebro. Haren ertzean mintzatu gara, Ollero bizi den Zaragozako sarreran, lertxunaren ibili geldoa, txorien kanta zoroa eta ibaiaren emari barea lagun, udaberria 33 gradura lehertu den arratsaldean, zorionez arbolen... [+]
Urtegiaren eskuin hegalak desegonkor jarraitzen duela eta, beraz, arrisku maila bat dagoela ondorioztatzen du. Txostena Ingeotyc enpresako Valentin Ibarra eta Tomas Morales geologoek egin dute Zangozako Udalaren enkarguz.
Azkenean agertu da “galduta” ibili den Esako urtegiko segurtasunari buruzko Espainiako Gobernuaren txostena eta urtegiko lanekin aurrera jarraitzea ahalbidetzen du
Espainiako Bide Ubide eta Kaietako ingeniarien Kolegioari egin zion enkargua Espainiako Gobernuko Trantsizio Ministerioak, ikusteko urtegiaren bideragarritasunaz erakundeak zer zioen.
Nafarroako Pirinioetako Aizpurgi herrian presa bat eraiki eta lur azpiko kanal baten bidez ura Esa urtegira eramateko proiektua kendu egin du Ebroko Konfederazio Hidrografikoak bere plan hidrologikotik.
Euskal Herriko hainbat tokitan izan dugun uda idorra ari da nabaritzen jadanik. Ebroko Konfederazio Hidrografikoak (CHE) jasotako datuen arabera, Nafarroan biltegiratutako ura azken hamarkadako batez bestekoaren oso azpitik dago, eta Esako urtegiaren kasuan gehienezko mailaren... [+]
Espainiako Gobernuak onartu duen Muga proiektuak 1.700 hektareako meatzea aurreikusten du Nafarroako Xabier eta Zaragozako Undués de Lerda udalerrien artean, Esako urtegitik oso gertu. Adituen ustez, besteak beste, inguruko erreka eta akuiferoak kutsatuko lituzke, lurra... [+]
Esako urtegiaren inguruan eta azken asteetan Nafarroan izaten ari diren mugimendu sismikoez erakutsitako jarrera dela eta, Sustrai Erakuntzak gogor kritikatu du Javier Remirez Nafarroako Gobernuko presidenteordea eta Babes Zibileko arduraduna. Ondorengo lerroetan irakur daiteke... [+]
Azken bi egunetan nahasmen handia egon da Esako urtegia handitzeko lanen inguruan. Asteartean Teresa Ribera Espainiako Gobernuko Trantsizio Ekologikorako ministroak esan zuen ez zela urrats bat gehiago aurrera egingo segurtasuna erabat ziurtatu arte. Aturando Esa (Esa Gelditzen)... [+]