Realak ez du enplegu espedienterik zabalduko, eta jokalarien soldata %20 murriztuko du
Realeko Administrazio Kontseiluak jakinarazi du klubak ez duela ABEEE Aldi Baterako Enplegu Erregulazioko Espedienterik (gaztelaniaz ERTE) proposatuko, eta gizonezkoen lehen taldeko jokalarien soldata %20 murriztuko dela (%5 baldin eta Liga amaituko balitz). "Erabaki horrek gainerako langileentzako neurri traumatikoak saihesten eta erakundearen helburu ekonomikoak orekatzen laguntzen du".
"Realak bere maitasuna eta babesa helarazi nahi die pandemiaren ondorioak zuzenean jasaten ari direnei", dio Jokin Aperribay presidenteak sinatutako gutunak. "Gure doluminak helarazi nahi dizkiegu aste hauetan maite izan duten pertsonaren bat galdu duten familiei. Era berean, aitortu nahi dugu oso lan bikaina egiten ari direla une honetan pandemiaren aurka lehen lerroan borrokatzen eta, aldi berean, bizitza errazagoa egiten gu guztioi. Klub hau eta gizarte osoa zorretan gaude haiekin".
Espainiako Liga eta Errege Kopako Finalaren etenaldi mugagabeak klubaren kirol eta ekonomia jarduerari eragiten diola dio Realak: "Osasun-agintariek dute oraintxe bertan pertsonen osasuna zaintzeko erantzukizun handia, eta hori da lehentasun handiena, ezin bestela izan. Beraz, lehia itzuliko da agintariek uzten dutenean eta uzten duten moduan, zaleen eta jokalarien osasuna baita gainerako guztiaren gainetik nagusitzen den balioa". Klubak azaldu du dena ondo badoa eta Covid-19a kontrolatua bada, denbora dago lehia amaitzeko, bai Liga, bai Kopa.
Bien bitartean, datozen hiru hilabeteetan gerta daitekeenari buruzko "azterketa eta hipotesi ugari" egin ondoren, dozena erdi puntutan laburbildu daitezkeen erabakiak hartu ditu Realak.
1. ERTE bat ez proposatzea. Hau da, indarrean dagoen denboraldian lan-neurri traumatiko oro saihestea.
2. Jokalarien soldatak murriztea. Gizonezkoen lehen plantilla profesionaleko jokalariekin akordioa lortu da soldata % 20 murrizteko, lehiaketa berriro hasten ez bada, eta % 5, berriz, lehia amaitzen bada.
3. Gure jarraitzaileen aldeko neurri ekonomikoak aplikatu. Realak denboraldi honetako abonuaren zenbatekoa gure bazkide guztiei %20 itzultzea erabaki du. (...) Urteko ordainketaren % 20 itzuliko zaie bazkideei. Hurrengo komunikazio batean, itzulketa hori nola egingo den azalduko da.
4. Zuhurtasun zorrotzezko irizpide batengatik, Reale Arenan zein Zubietan aurreikusita genituen obra guztiak geldiaraztea erabaki dugu.
5. Realaren egitura- eta kirol-lehiakortasunari eustea ahalbidetuko duten finantzaketa-iturri tradizional berriak bilatzeko erabakiak aztertzea eta hartzea.
Futbol taldeak aplikatzen ari diren erregulazio espedienteez informazio gehiago:
Enplegu espedienteak eliteko futbolean. Burbuila lehertu egin(go) al da? (2020-04-04)
Entrenamenduak, etxean
Reala egunotan albiste eta eztabaida-iturri izan da, halaber, klubaren asmoa zelako lehen taldeko jokalariek gaurtik (hilak 14) aurrera Zubietan banakako lanarekin jarraitzeko aukera izatea. Kirol Kontseilu Gorenak, baina, ez dio baimenik eman, eta jokalariek etxetik entrenatzen jarraituko dute, klubak jakinarazi duenez: "Kirol Kontseilu Gorenarekin izandako elkarrizketen ondoren, eta Realak une bakoitzean gizarteak eskatzen duena errespetatzeko eta horren arabera jokatzeko duen borondatearen arabera, gure jokalari profesionalen banakako lanarekin jarraitzea erabaki dugu orain arte egin den bezala. Beraz, euren lana etxean egiten jarraituko dute jokalariek".
Guardia Zibilaren esanetan, Victor de Aldama enpresariak ordaindutako diru kopurua litzateke hamar milioi euroko hori, eta Espainiako Garraio Ministerioak pandemia garaian egindako salerosketei lotuta legoke. Ostegun honetan utzi dute aske García, epailearen aurrean... [+]
"Pandemiaren ondoren, jakinarazi ziguten eskolatik kanpoko jarduerak askoz gehiago sustatuko zirela, eskura dauden ingurunean eta baliabideak erabiliz, baina gure seme-alaben hezkuntzan hain garrantzitsua den konpromiso hori ez da betetzen ari". Guraso batek... [+]
Estatuko Aldizkari Ofizialean argitaratzen den egunean amaituko da musukoaren beharra, eta COVID-19 pandemiak eragindako murrizketak amaituko dira. Hainbat salbuespen izango ditu: zainketa intentsiboetako unitateetan, onkologikoen eremuetan, ebakuntza geletan edo larrialdietan,... [+]
Enpresek diru publikoa jaso zuten ikerketarako, eta iparraldeko herrialdeek aldez aurretik erosi zizkieten txertoak. Bitartean, txertoen prezioak igo egin zituzten multinazionalek. Gaur egun, herrialde txiroenetan, %23k baino ez du dosi osoa, SOMOren ikerketaren arabera.
Espainiako Ministroen Kontseiluak onartu du maskara hautazkoa izatea garraio publikoan. Baina gomendagarria da gaixotasunen sintomak dituztenentzat eta pertsona zaurgarrientzat. Derrigorrezkoa izaten jarraituko du osasun zentroetan.
Bilboko Lan Arloko Epaitegiak arrazoia eman dio ELA sindikatuari eta ezintasun iraunkor absolutua onartu dio COVID19 iraunkorra duen osasun zentro bateko zeladore bati.
Espainiako Gobernuko Osasun ministro Carolina Dariasek jakinarazi duenez, Ministroen Kontseiluak otsailaren 7an sinatuko du garraio publikoan musukoa derrigorrezkoa ez izatearen dekretua.
Txinan derrigorrezko isolamendu neurriak kendu dituzte nazioarteko bidaiarientzat, eta eguneroko kutsatzeen datuak emateari utzi. Politika aldaketa baten ondorioz dira neurriok, baina egoeraren kontrolik ezak nazioartean izan dezakeen eraginaz ohartarazi dute zenbait adituk.
Iraungi diren gehienak Pfizer markakoak dira, Europar Batasuneko hornitzailerik handiena.
Milaka herritar kalera atera dira hiriburu nagusietan, Txinako Gobernuaren zero COVID estrategiak eragiten dituen kalte ekonomikoak eta psikologikoak salatzera. Aspaldi ikusi gabeko mobilizazioetan orri zuria erakusten dute manifestariek, zentsura irudikatzeko. Pandemia hasi... [+]
Sumindura pikor batekin hartu dute batzuek zero-covid estrategiaren inguruan Renmin Ribao egunkari txit ofizialak aste honetan bertan argitaratu duen artikulu-segida. Ondorioztatu baitute –zuzen, behingoz– Beijingeko agintariek, Partiduaren XX. Kongresua amaitu... [+]
Heriotza, drama, lana, luizia, mina, angustia. Mugak, neurriak, grinak, maitasuna eta sendia. Inauteria. Zaldibar eta pandemia; bizitza zabortegian. Estreinatzear da Axut eta Artedrama antzerki konpainiek elkarlanean sortu duten azken lana: Hondamendia. Urriaren 14an egingo dute... [+]
"Azken txanpan" sarturik, arrisku taldeak txertatu, aldagai berriak kontrolatu eta osasun sistemak hobetu behar direla dio MOE erakundeak.
Irailaren 1ean ekin diote 2022-2023 ikasturteari Zuberoan, Nafarroa Beherean eta Lapurdin, COVID-19aren aurkako neurririk gabe. Berrikuntza gehiago ere izan dituzte: Seaskako ikastola eta kolegioetan ehun ikasle gehiago dituzte, eta Irisarrin, Larrainen eta Barkoxen murgiltze... [+]
Ikerketan ia 40.000 hilekodun pertsonek parte hartu dute eta haietatik ziklo erregularra dutenen %42k txertoaren ondoren odoluste handiagoa izan dutela ondorioztatu dute ikerketan.