Ramon Saizarbitoriak ‘Lili eta biok’ nobela aurkeztu du
Nobela mardul batekin itzuli da Ramon Saizarbitoria (Donostia, 1944): Lili eta biok eleberriak Faustino Iturbe psikologo ohi eta idazlearen eta Lili izeneko hamabost urteko neskaren istorioa kontatzen du.
Urte askoan nobedaderik plazaratu gabe egon ostean, duela hiru urte Martutene eleberriak (Erein, 2012) eman zuen zeresan franko argitaratu baino lehen ere. Alde horretatik, diskretuagoa izan da Lili eta biok argitaratu bitarteko tarte hau, nahiz eta ez dirudien asmo apalagoz egindako lana, bolumenari erreparatuz gero (576 orrialde ditu).
Martutenen bigarren planoan agertzen ziren zenbait gaik presentzia handiagoa izango dute Saizarbitoriaren obra berri honetan. Aurreko nobelan jada agertzen zen Otzeta herria eta Gerra Zibila dira ardatza Iturbe gizon helduaren eta Lili gaztearen elkarrizketetan. Konkretuki, Juan Aramendia izeneko falangista nafarraren sinaduraren berri emango dio gazteak Iturberi eta handik aurrera, nobelaren tramak abiadura bizia hartuko du, isilpeko istorio traumatikoak kanporatuz.
Donostia eta Otzeta, hiriaren eta herriaren arteko desberdintasunak; maitasun istorio ezinezkoen korapiloak; oraina eta iraganeko gerraren arrastoak... "Nobela delirante" gisa deskribatu dute argitaletxeko arduradunek. Pasarte bat irakurtzeko aukera eskaini dute webgunean.
Azaroaren 11tik 24ra bitarte “literatura eta feminismoaren binomioa jaialdiko ardatz nagusia” izango dela jakinarazi dute antolatzaileek.
Baditu –besteren artean– bi gabezia euskal literaturak: liburu elektronikoen urritasuna eta literatur lanen ibilbide laburra. Aritz Brantonek Booktegi ataria sortu du joera horiek aldatzeko. Euskarazko lanak formatu digital zainduan eta doan eskaintzen ditu bertan... [+]
Donostiaren eta Otzetaren artean, gure garaiaren eta 36ko Gerraren artean, idazle heldu endekatu baten eta ikasle nerabe buru argi baten artean, hor dago Lili eta biok (Erein, 2015) Ramon Saizarbitoriak argitaratu duen azken nobela. 2012an Martutenerekin bere ibilbidean mugarria... [+]
“Ekintzetarako beharrezkoa duk erokeria gramo bat” irakurtzen da Ehun metroren lehenbiziko orrietan. Horixe, erokeria txiki berri bat da, Xabier Olarrak proposatu duena, egingarria akaso.
Ramon Saizarbitoria idazle donostiarraren Martutene nobelak irabazi du Literaturako Euskadi Saria. Iñaki Mendigurenek eta Sarah Turtlek irabazi dute itzulpenekoa Mark Twainen Tom Sawyer-en abenturak euskaratzeagatik.
Ramon Saizarbitoria donostiarraren Martutenek (Erein, 2012) jasoko du 2012ko 111 Akademiaren Saria. Orain arte ‘Beterriko Liburua’ izenez ezagutzen zen aipamen honek urteko euskal libururik onena saritzen du.
Etxe dotore bat, higatutako harremanak eta halako lasaitasun estu bat giroan. Donostia. Martutene. Ramon Saizarbitoriaren azken nobela da jarraian datorren elkarrizketako gai nagusia. Hariari tiraka ordea, idazleak beste hainbat gairi buruz dauzkan iritziak azaldu dizkigu.
Oporren usainean gosetzen den horietakoa bazara, irakurtzeko izan ez duzun denbora orain hartuko baduzu, hona hemen Argiako erredakzioko kideek luzatutako gomendio sorta. Irensteko modukoak iruditu zaizkigu denak. Gura bazenu.
Laurehun lagun erreleboka Arriagan; hitza hitzari segika. Deskribapenak eta elkarrizketak; orrialdeak eta kapituluak, nobela bat, Ramon Saizarbitoriaren Hamaika pauso oso-osorik errezitatu arte. Badator klasikoen IV. irakurraldia Bilbora.
