Rafahko ur erreserbak suntsitu ditu Israelek
Ur hornidura % 94 murriztu dute sionistek Gazan urritik hona. Biztanleriari ura ukatzea gerra krimena da nazioarteko legearen arabera. Milioitik gora palestinarrei ematen zien zerbitzua Rafahko biltegiak.
Soldadu israeldarrek lotsarik gabe erakusten dituzte palestinarren aurka egindako krimenak, eta agerikoa da eragindako minaz daukaten kontzientzia falta. Azken adibide gisa, soldadu sionistek beraiek igo dute sare sozialetaran nola leherrarazi duten Gaza hegoaldeko Rafah hiriko ur erreserben sistema osoa. Israeldarrek argitaratutako bideoan ikus daiteke armadaren unitate bat lehergaiak jartzen ur biltegietan, eta nola eztanda egiten duen erreserbaren eraikin multzoak.
Gerra krimena da soldaduek euren borondatez argitaratu dutena. Heidi Matthews Nazioarteko Lege Kriminalean irakasle eta adituak adierazi du uren tratamendurako planta bat suntsitzea gerra krimena dela bere horretan. Eta gainera, Israelek “argi dakienez” horrek polioa zabaltzea eragingo duela Gazan, “asmo genozidaren froga” da Rafahn gertatutakoa, Matthewsen arabera.
Oxfam Gobernuz Kanpoko Erakundeak egindako ikerketek erakutsi dute Gazako ur hornidura %94 murriztu duela Israelek, bonbardaketak eta laguntza sartzeko debekuak medio. Argitaratu berri duten Uraren Gerra Krimenak izeneko txostenean ondorioztatu dute gerrarako arma gisa erabiltzen ari direla ur eskasia, eta “osasun hondamendi hilgarria” sortu duela Israelek urarekin.
Oxfamen arabera, batez beste, ur hornidura eta garbiketarekin lotutako bost gune suntsitu ditu Israelek hiru egunean behin. “Sistematikoki” egin diote eraso ur hornidurari, “nazioarteko legea eta palestinarren bizitzarekiko axolagabekeria” erakutsita. Txostenean ere nabarmendu dute Gazako biztanleriaren osasunean duen eragina, biztanleen “laurdena baino gehiago larri gaixotu” baita erraz saihestu zitezkeen gaixotasunekin. Ur zikinen tratamendurako planten %100 suntsitu dute sionistek, Oxfamek dioenez.
Ur sistema suntsitzeaz gain, kanpotik sartu nahi izan den laguntza ere oztopatu du Israelek. Oxfameko ordezkari batek BBC hedabidean salatu duenez, sistematikoki blokeatu dizkiete sartu nahi izan dituzten komunak eta garbiketarako gaiak, janaria eta bestelako hornikuntzez gain. “Saneamendua ez da existitzen Gazan oraintxe bertan”.
Adosturiko puntu batzuk aldatzen saiatzea leporatu dio Benjamin Netanyahuk Hamasi, baina azken honek informazioa gezurtatu egin du berehala. Urtarrilaren 15eko arratsaldean adostutakoaren arabera, hiru fase lituzke meniak eta igandean abiatzekoa dute. Bizkitartean, erasoekin... [+]
Sindikatu abertzaleko 100 bat kidek Portuko sarrera blokeatu dute Santurtzin, eserialdi baten bitartez. Ekimen horren bitartez Palestinari elkartasuna erakutsi eta genozidioa salatu dute.
Zeresana ematen ari da Rami Younis kazetari eta aktibista palestinarraren LYD animaziozko film-dokumentala. Fikziozkoa da, Israelek inoiz okupatu gabeko Lyd hirian kokatua, zeinean ez den sekula ere britainiarren koloniarik egon, eta juduak eta arabiarrak elkarrekin bizi diren;... [+]
Gazan 2023ko urria eta 2024ko ekaina artean Palestinako Osasun Ministerioak adierazitakoa baino %40 hildako gehiago izan direla azaldu dute The Lancet aldizkarian argitaratutako ikerketa batean. Zuzeneko heriotzak soilik hartu dituzte kontuan azterketan, hau da, bonbaz edo tiroz... [+]
Hussam Abu Safiya medikua askatzeko eskatu du Osasunaren Mundu Erakundeak, eta bere aldeko kanpaina ere abiatu dute sareetan. Abu Safiya medikua ez da edonor; nazioartean erreferente bihurtu da, berak zuzentzen zuen ospitalearen aurka egindako erasoak kontatzen zituelako.
Gutxienez 201 dira 2023ko urriaz geroztik Israelek Gazan hildako kazetariak. Abenduaren 26 honetan hildako azken bostak Al-Quds telebista katean zebiltzan lanean.
Ekimena abenduaren 28an egingo da Iruñeko Baluarte plazan. Goizeko 11:00etan ipuin irakurketa antolatu du Yalak La diverxa Cris ipuin kontalariarekin eta, ondoren, 12:00etatik aurrera, BDZ (Boikota, Desinbertsioa eta Zigorra) ekimenak antolatuta egingo da irakurketa.
Israel entitate sionista Palestinan egiten ari den "genozidio eta sarraski terrorista" salatzeko Lekeitioko hainbat eragilek txandakako hamar orduko elkarretaratzea egingo dute abenduaren 28an.
Palestinatik aberriratu eta urtebetera, Espainiako Gobernuak jakinarazi du familien harrera programa ez duela gehiago finantzatuko eta aterpetxe eta hostaletako egonaldia abenduaren 31n etengo diela. Urtarriletik aurrera Gasteizko Udalak Gazako bost familien ostatuaren gastuak... [+]
Israelgo Atzerri Ministerioak igandean iragarri du Dublinen daukaten enbaxada itxiko dutela, Irlandak iragarri eta gero bat egingo duela Hegoafrikak Israelen aurka jarritako salaketarekin.
Palestinarekin Elkartasunak "sionistekin harreman oro etetera" deitu du. Kanpaina bat jarri dute abian Euskal Herriak Israelgo estatu terroristaren bizirautea bermatzen duten harreman militar, diplomatiko eta kulturalak seinalatu eta hauen etetea exijitzeko. Pasa den... [+]
Israelgo lehen ministro Benjamin Netanyahuk "immunitatea", hau da, babes politikoa duela adierazi du Frantziako Kanpoko Aferen ministroak. Israelgo Haaretz eta Maariv komunikabideek jakitera eman dute Libanorekin adosturiko su-etenaren baldintzen artean zuela... [+]
Save the Children erakundearen esanetan, Gaza iparraldeko 130.000 haur artatu gabe daude 50 egunez, gutxienez.
Palestinan genozidio bat burutzen ari den Israelgo estatu eta berarekin batera diharduten enpresa eta erakunde guztiekin eteteko asmoz sortu zen EHU Palestina. Israelen inpunitatea Europan eta Estatu Batuetan dituen harreman politiko, militar, ekonomiko, zientifiko zein... [+]