Quim Arrufatek “eraso matxistak kudeatzeko prozesu baten erdian” utzi zuen CUP
CUPek oharra kaleratu du igandean, Ara hedabideak kasuaren inguruko informazioa argitaratu ostean. Astelehen goizean CUPeko diputatu Natalia Sánchezek adierazi du Arrufatek “kanporatze baten atarian” utzi zuela CUP. Arrufatek desadostasun politikoengatik irten zela azaldu zuen 2020ko ekainean erabakia publikoki jakinaraztean.
CUPeko parlamentari eta idazkaritza nazionaleko kide ohi Quim Arrufatek alderdia eraso matxisten salaketen ondorioz utzi zuela argitaratu zuen larunbatean Ara-k. Hedabidearen arabera, 2014an eta 2019an Arrufaten aurkako salaketak aurkeztu zituzten alderdi barnean, hurrenez hurren sexu abusua eta sexu erasoa leporatuta. Ezker independentista salaketa horien ondorioz utzi zuela ziurtatu du Ara-k, kanporatua izatekotan zenean, zehazkiago: erasoa barne mailako egituretan kudeatzen ari ziren CUPen, epaitegietara jo gabe, baina –beti ere Ara-ren esanetan– erasoen aurkako CUPen protokoloan erasoa errepikatzeak kanporaketa dakar.
Kanporaketaren atarian irten
Igandean CUPek oharra kaleratu du, Quim Arrufatek ezker independentistaren alderdia “eraso matxistak kudeatzeko prozesu baten erdian” utzi duela jakinaraziz. CUPek ez dio aipamenik egin Ara-k argitaratutako informazioari, eta ez du erasoen inguruko xehetasunik eman, “eraso matxistak” aipatuz. Erasoei aurre egiteko “protokolo propioa” eta “salaketak kudeatzen dituen batzordea” duela azaldu du, eta protokoloak “konfidentzialtasun erabatekoa” eta “anonimatua” eskatzen dituela, erasoa jasan duen pertsona “bigarren aldiz ez biktimizatzeko”. Emakumeak bestelako bide eta neurriak hartzeko zilegitasuna duela dio oharrak, eta hori egitekotan CUPen babesa duela salatzaileak. "CUPen barruan erasoak gertatzen direla onartzen dugu, eta ez gara patriarkatuarekin eta eraso matxistekin zerikusirik ez dutenak. Horiek identifikatzea, aitortzea eta jorratzea ere bizi ditugun indarkeriak desagerrarazteko borroka feministaren parte da", azaldu du CUPek.
Astelehenean CUPeko diputatu Natalia Sánchezek adierazpenak egin ditu Catalunya Radio-n. Quim Arrufatek erasoei loturiko “kanporaketa baten atarian” utzi zuela alderdia adierazi du.
🔴 COMUNICAT | "Reconeixem que es donen casos d’agressions en el si de la CUP i que no som aliens al patriarcat ni a les agressions masclistes.
Identificar-les, reconèixer-les i abordar-les forma part de la lluita feminista per erradicar les violències que també ens travessen" pic.twitter.com/Wi8WLUkxBj
— CUP Països Catalans (@cupnacional) October 4, 2020
Quim Arrufatek Ara-k argitaratutako informazioa ukatu du sare sozialetan, baina barne mailako prozesua abian zela onartuz zeharka: “Ara-k egozten dizkidan jarrerak ez dira egia. Ez datoz bat batzorde feministaren markoan barne mailan izapidetutako espedienteen edukiarekin. Ara-ren informazioa hauteskundeen atarian CUP kaltetzeko asmoarekin lotu du, eta “zuhurtzia eta errespetua” eskatu ditu.
2020ko ekainean jakinarazi zuen Arrufatek CUPeko militante izateari utzi ziola, vilaweb-en egindako elkarrizketa luze batean. Irteeraren motiboa desadostasun politikoak zirela ziurtatu zuen orduan. “Idazkaritza Nazionala utzi ondoren, hainbat desengainu politiko izan nituen CUPekin. Aldarte orokorra, ez bakarrik CUPena, hodei ilun bat zen, giro txarrekoa eta edonon errudunak bilatzekoa, etorkizunik ez ikustekoa eta kargu hartu nahi izatekoa”, adierazi zuen besteak beste.
Lau urteko kartzela zigorra, zazpi urteko inhabilitazioa eta hiru urtez 12 urteko biktimarengandik urruntzeko agindua eman du Gipuzkoako Probintzia Auzitegiak. Neskari 6.000 euro ere ordaindu beharko dizkio erasotzaileak kalte-ordainetan.
Gertatutakoak ez direla kasualitatea azpimarratu dute. Unibertsitateko eremuetan indarkeria matxista gertatzen dela azaldu dute, eta arazoa sistematikoa dela. Protokolo bat eskatu dute erasotuak babesteko. Erasotzaileak inpunitate osoarekin jokatu duela salatu dute.
_2.jpg)
EHUko Errektoretza Taldeak hedabideetara igorritako ohar baten bidez jakinarazi du neurria: "Unibertsitateak baieztatzen du salatu duten irakaslea jada klaseetatik at dagoela eta ez dela fakultatera joango kasua argitu arte".
Adin txikiko neskak 2023an salatu zuen entrenatzaileak hiru aldiz musukatu zuela bere baimenik gabe. Nafarroako Probintzia Auzitegiak Iruñeko epaitegiak ezarritako zigorra baieztatu du. Entrenatzaileak ezingo du harreman zuzenik izan adin txikikoekin inongo lanbidetan eta... [+]
Getxoko Epaitegiak Europa ikastetxeko 4 urteko haurren kasua artxibatu izanaren berri izan dugu aste honetan. Horrek zera galdetzera garamatza: instantzia judizialak, polizialak… prest al daude haurren eskaerei erantzuteko? Benetan babesten al dira gure adingabeak... [+]
Gasteizko Campuseko Filologia Hispanikoko irakasle baten aurkako salaketen berri izan bezain azkar, asanblada irekia egin zuen GUET Gasteizko Unibertsitateko Emakume Taldeak. Aste bakarrean “hamarnaka” salaketa eta testigantza berri jaso dituzte. Irakaslearen... [+]
Sexu-erasotzaile gehienak biktimaren inguru sozialekoak direla eta “kaleko bortxatzaile mamuaren ideiatik” aldendu beharra dagoela nabarmendu du Nafarroako Emakume Gazteen kontrako Sexu Indarkeriari buruzko I. Azterketak. Ikerketak gazteengan jarri du arreta,... [+]
Bi erizainetatik batek lanean eraso sexistak jasaten dituela azalerazi du Erizainen Ordenak joan den urte bukaeran egin ikerketak. 21.000 erizainek ihardetsi dute, sektore pribatu, publiko eta liberaletik. Hauetan 2.500 gizonak dira.
Gernikako saskibaloi taldeko entrenatzaile ohiaren aurkako epaiketa hasi da astearte honetan Bizkaiko Auzitegian. Fiskaltzak 14 urteko espetxe eskaera egin du, eta akusazio partikularrak hamazortzikoa, sexu abusuak leporatuta. Lópezen defentsak adierazi du entrenatzaile... [+]
Indarkeria matxistari buruzko testigantzak jasotzeko Instagram kontua 2024ko azaroan jarri zuen abian emakume talde anonimo batek. Espainiako Estatuan Cristina Fallarás kazetariak abiatutako #Cuentalo egitasmoan oinarritu dira. Emakumeek, testigantza anonimoen bidez,... [+]
Fiskaltzak hamalau urteko espetxe zigorra eskatu du Mario López saskibaloi entrenatzaile ohiarentzat. Akusazio partikularrak hemezortzi urtekoa eskatu du. Gernika-Lumoko Sare Feministak elkarretaratzea deitu du Bilboko epaitegi aurrean. Lópezi 1998 eta 2001 artean... [+]
Gipuzkoako Fiskaltzaren ustez, 40 urteko irakasle hondarribiarrak 9 eta 17 urte arteko hamaika adin txikikori sexu gehiegikeriak egin zizkien 2011 eta 2021 urte artean. 2021ean kartzelatu zuten, bere sei ikaslek salaketa jarri eta gero.
Getariako etxebizitza batean egin dio eraso, Segurtasun Sailaren arabera. Emakumea astero joaten zen terapia naturaleko kontsultara, eta Ertzaintza ikertzen ari da ea antzeko ekintzen biktima gehiago dauden.
Sexu erasoak 1998an hasi ziren, biktimak 13 urte zituenean. 2003an kluba utzi bazuen ere, emakumeak iaz salatu zituen sexu erasoak, Mario Lopezek taldeko entrenatzaile gisa jarraitzen zuela. Orain 18 urteko espetxe-zigorra eskatzen du akusazioak, fiskaltzak baino lau urte... [+]
Dozenaka lagun batu dira igandean Laudioko Herriko plazan, Ez zara fisioa, erasotzailea zara lelopean.