Putzuak sortu (nahi) dituzten ikastetxeen sarea aurkeztu dute
Habitat baten erreprodukzioa aukera paregabea da eskolan ingurumena edota bioaniztasuna lantzeko, eta hori jakinik irakasle eta ikasleek putzuak egin dituzte hainbat ikastetxetan, Aranzadi Zientzia Elkartearen laguntzaz. Eskoletako Urmaelen Sarea aurkeztu dute orain eta putzuak sortzera gonbidatu dituzte Euskal Herriko ikastetxeak.
Erraminta didaktiko bikaina dira putzuak, ikasleekin espezieez, bioaniztasunaz, ingurumenaz… hitz egiteko, ingurumenaren gaineko kontzientziazioaz, planetarekiko errespetuaz eta espezieen kontserbazio beharraz aritzeko. Erreportaje honetan kontatu genuen moduan, ikasgelako teoriatik praktikara salto egiteko laborategi natural ezin hobea dira batetik, eta hezeguneak berreskuratzeko ekintza aberasgarria dira bestetik. Izan ere, bioaniztasunaren ikuspegitik balio handia dute hezeguneek, baina habitat urria dira, eta urmaelak sortzea bera bada “gizakiak naturarekin zuen zorra kitatzeko modua, neurri batean”, diote Aranzaditik. Europako beste herrialde batzuetan, oso hedatutako ekimena da putzuen sarea.
Ikasle, irakasle eta boluntarioak dira putzua ikastetxe inguruan edo ikastetxetik gertu egiteaz arduratzen direnak, Aranzadiko adituen gidaritzapean. Ondoren, ikastetxea arduratzen da hura zaintzeaz eta eboluzioa aztertzeaz, baina Aranzadiko herpetologoek ere bisitatzen dute. Bisita-gidatuak, hitzaldiak eta ingurumen-tailerrak egiteko aukera ere ematen dute putzu hauek.
Zure ikastetxea ere ekimenera batu daiteke
Ataungo Joxe Migel Barandiaran eskolan aurkeztu dute Eskoletako Urmaelen Sarea. Horrez gain, sarearen parte dira Txirrita Herri Eskola, Umerri Herri Eskola, Gorbeia Eskola, Plaiaundi Institutua eta Gasteizko magisteritza fakultatea. Dinamika hau martxan jarri nahi duten ikastetxeek Aranzadi Zientzia Elkartearekin jarri daitezke harremanetan, eta informazio osoa aurkituko dute helbide honetan.
Ikusi Plaiaundi institutuko esperientziaren argazkiak: ikasleek putzuak egin zituztenekoak, eta gerora putzuetara eta ondoko parke ekologikora antolaturiko txangoarenak.
Askotan gertatu izan zait etxetik lanbroari so egon ostean, blai bukatuko dudala jakin arren, aterkirik ez hartzea. Zergatik ote? Beharbada, aterkia hartzeko gogorik eza? Beharbada, bustiko ez naizen itxaropena? Kontuak kontu, ondorioa beti berbera izan da. Esaerak dio, euri... [+]
Hezkuntzaren Soziologian bada galdera klasiko bat: zertarako existitzen da hezkuntza sistema gizarte batean? Galderari emandako erantzunak ugariak dira, eta aldatuz doaz garaiaren arabera. Baina horien artean nabarmentzekoak ondoko hauek izan ohi dira: eskolak nagusiki... [+]
19 urte ditu Maddik, Matematika Gradua ikasten ari da Leioan, EHUko Zientzia eta Teknologia fakultatean, musika ikasketak eginak ditu, eta gazteagatik ere, bertsolari iaioa da. Eta bertsolari ona baino hobea izateko zumitzak ditu, bateko eta besteko plazetan ikusi dugunez... [+]
Egunik goibelenetan ere, Larraulgo (Gipuzkoa) eskolako ateak ireki orduko irauli egiten da aldartea. Haurreskolako haurrengandik gertu, metro eskasera dago liburutegi-txokoa. Ordenagailuaren parean topatu dugu neskato bat, entzungailuak jantzita, arkatzez idazten eta koadernoari... [+]
Bi ordu edo bi ordu eta erdiz haur eta gazte andana hartzen ditu jantokiaren tarteak eskoletan. Jateko, jolasteko eta elkarbizitzeko espazio horretan jantokiko arduradunak esku hartzeko dituen mugez, jarraitzen diren irizpideez, begiraleen rolaz eta duten formazioaz arituko... [+]
.jpeg)
Azaroak 20an, Haurren Nazioarteko Eguna, ikastetxe sarreretan krespoi belzdun bandera palestinarra eta bi zapata pare jartzea proposatu du hezkuntza arloko ekimen herritarrak. Azaroaren 30etik urtarrilaren 31ra bitartean haur palestinarrentzako elkartasun mezuak jaso eta ondoren... [+]
“Te Siklârel Romanipen” ikasketa plana prestatu dute Ijito Herriaren historia eta kultura Derrigorrezko Bigarren Hezkuntzan txertatzeko. Eusko Jaurlaritzako Hezkuntza Sailak sortu du proiektua, EHUrekin eta Amuge Euskadiko Emakume Ijitoen Elkartearekin... [+]
Bitartekaritzaren eta pertsonen arteko komunikazio zuzenaren bidez, izaera penaleko gatazka bati konponbidea aurkitzea da Justizia Errestauratiboaren helburua. NUPek eskainiko duen prestakuntza 100 ordukoa izango da eta ikasleei titulazioaren gastuen %90 ordainduko zaie.
Zertarako irakaskuntza kontzertatua?
Eskola publikoko eragile gehienen kontra EAEn onartu den Hezkuntza Lege berriak irakaskuntza kontzertatuaren doakotasuna bermatzea du helburu, beti ere botere publikoen finantzaketaren bidez, jakina. Espainiako Estatuan ere gobernukideek... [+]
.jpg)
Entitate sozial honen langileek Etxebizitza, Gazteria eta Migrazio Politiken batzordean agerraldia egin dute haien lana azaltzeko. Hizlariek etxebizitza duinak, bizileku zein lan baimena erraztea eta osasun mentaleko baliabide publiko gehiago eskatu dizkiote Foru Gobernuari... [+]
Doako unibertsitatea aldarrikatu eta EHUren erantzukizuna seinalatu dute 10.549 ikaslek, Unibertsitateko Indar Batasunak abiatutako sinadura bilketaren bidez.
Igeriketa, patinetean ibiltzea eta irakurtzea gustuko ditu Leire Manzanares Etxeberriak (Donostia, 2005). Garapenaren nahasmendua dauka eta Zereginak Ikasteko Gelan (ZIG) dago. Gurasoekin batera informazioa bilatzen aritu da ikasten jarraitzeko aukerak aztertzeko, baina oztopoz... [+]
Guraso elkartean mugikorren inguruan bigarren hezkuntzarako protokoloa lantzen dabiltzala eta, protokoloaz galdetu dit Bilboko guraso batek.
Jaurlaritzaren webgunean irakurri dudanez, EAEn, 2024ko urtarrilean ikastetxeetan mugikorren erregulazioaren inguruan adierazi zena... [+]
Biarnoko Lestelle-Betharramgo ikastetxe katolikoan ikasleek urtetan sufrituriko indarkeria fisikoa eta sexu-abusuak argitara eman ostean, biktimen eta Betharramgo kongregazioko ordezkarien lehen topaketa lotu dute, biktimei entzutea helburu. "Betharram ez da libratuko... [+]
Azken hamarkadotan euskalgintzan jardun izan dut, dela helduen euskalduntzean AEKn, dela hizkuntza-eskubideen defentsan Behatokian, dela euskararen normalizazioaren alde Euskalgintzaren Kontseiluan. Den-denetan egokitu zait euskalgintza edota herrigintza auzitan jartzen zutenen... [+]