Turistifikazioaren Aurkako Urria manifestazio jendetsu batekin borobildu zuen igandean desazkunde turistikoaren aldeko Bizilagunekin plataformak, baina turistifikazioaren inguruko eztabaidak bizirik jarraitzen du hirian. Hain zuzen ere, Donostiako azken urteko turismoaren... [+]
Gizartea
Ingurumena
Politika
Ekonomia
Kultura
Euskara
Feminismoa
Hezkuntza
Nazioartea
Iritzia
osteguna 2025eko otsailaren 20an
Putreentzako janlekuak, turistak erakartzeko amu
"Valderejoko hegazti sarraskijaleen janlekuak erabilera turistikoa izango du". Atentzioa eman digu Estitxu Ugarte Lz. de Arkaute kazetariak Alea.eus agerkarian plazaratutako albistearen goiburuak. "Putreak baliatu, putreak erakartzeko?", ateraldi gatzduna nirea, turistak hainbeste zeresan ematen ari diren... garenean.
EAEko sai arreen kopururik handiena Araban dago –erdia baino gehiago–, eta kolonia handiena Valderejokoa da. / Arabako Foru Aldundia
Arabako Foru Aldundiak, ohiko bisitariak eta natura-argazkigintzaren zaleak erakartzeko asmoarekin, hegazti sarraskijaleen janlekuaren eta behatokiaren kudeaketa turistikoa aurreikusten duen proiektua esleitu du, 21.366 euroan. Eredu bezala hartu ditu Espainiako Estatuko beste proiektu batzuk, euskaldun askoren peregrinazio-gune den Ainsakoa (Huesca) tartean. Lehen fasean –honek ere gure etorria hauspotu du– hegaztiak turismora ohitzea izango da helburu nagusietakoa, Alea.eus-en irakurri dugunez. Horretarako, elikadura osagarria emango zaie hamaika hilabetez. Bigarren fasean bisita pilotuak egingo dira, gehienez bost lagunez osatutako taldeetan.
Kuriosoak iruditu zaizkigu, halaber, bisitariek argazki ahalik eta ederrenak ateratzea xede, eszenografia prestatzeko gomendioak: "Jarduera honek eskatzen dituen eskakizun estetikoak direla eta, enpresa esleipendunak hobekuntza txiki bat egin beharko du janlekuan. Hobekuntza horretan, landare igokariak edo zuhaixkak landatuko dira perimetroko hesiaren ondoan, eta 'eszenografia' bat egingo da behatokiaren aurrean. Eszenografiak, bestalde, elementu naturalak izan beharko ditu, hala nola enborrak edo harriak, argazkiak atera edo filmatu beharreko eszena erakargarriagoa egiteko".
EAEko sai arreen kolonia handiena
EAEko sai arreen kopururik handiena Araban dago –erdia baino gehiago–, eta kolonia handiena Valderejokoa da. 2019ko azken datuen arabera 103 sai bikote daude Gaubeako parkean, Estitxu Ugarte kazetariak azaldu bezala. Valderejoko janlekua 1970eko hamarkadan zabaldu zuten, Lahoz herriaren ipar-mendebaldeko muino batean. 2001etik 2007ra ez zen bertan hildako animaliarik utzi –behien entzefalopatia espongiformea zela-eta–. 2007an janlekuaren perimetroa (11.800 metro koadro inguru) hesitu zuten.
2007. urteko egunkariek jaso zutenez, putreentzako janlekuak jartzeak helburu argia zuen: hegaztiek ganaduari eraso ez egitea, "behi eroen" gaitza dela-eta hildako animalia gutxiago uzten zelako mendietan. Ondorioz, putreek zabortegietan bilatzen zuten geroz eta sarriago jatekoa. Bazen, gainera, putreek ganaduari eraso egiteko beste arrazoi bat. Arabako ingurumen diputatu Mikel Mintegik azaldu zuenez, Badaiako mendizerran zegoen janlekua itxi zenean –alboan zegoen parke eolikoko haize-erroten hegalek putreak kolpatzen zituzten– hegaztiak beste bide batzuetatik hasi ziren jateko bila, El Correo-n irakurri dugunez.
Egiari zor, lehen begi-kolpean irriñoa aterarazi digun goiburuari tiraka gai interesgarriak azaleratzen dira, turistak erakartzearen helburu hutsetik haratago. Putreen presentzia garrantzitsua baita ingurumenarentzat, larreetan hildako animalien gorpuak –ehiztariek "galdutakoak" izan daitezke, autoek harrapatutakoak...– txikitzen dituztelako, Arabako sai arreen koloniez mintzo den Noticias de Alava egunkariko artikuluak nabarmendu bezala.
Irakurrienak
Matomo erabiliz
#1
#2
#3
Zigor Olabarria Oleaga
#4
Jenofa Berhokoirigoin
#5
Leire Vargas Nieto
Kanal honetatik interesatuko zaizu: Turismoa
2025-02-19
Estitxu Eizagirre
“Kartzelara bidaltzen bagaituzte ere, hemen egongo da herri bat erasoen kontra defendatzeko prest”
Ilbeltzeko igande goiz batez jo dugu Baztanera. Eguzkiak oraindik ez du Lekarozko plaza argitu; bertan elkartu gara Garbiñe Elizegi Narbarte, Itziar Torres Letona eta Ernesto Prat Urzainkirekin. Itzaletan hotz egiten du eta umorez goxatu dugu lehen agurra, hogei urtean... [+]
2025-01-28
Julene Flamarique
Turismoaren erregulazioa Baztanen: ostatuak kontrolatzeko plana onartu dute
Plan berriak Baztango bailara lau zonalde historikoetan bereiztea proposatzen du. Ostatu turistiko berriak irekitzeko araudia ere hartuko du bere gain, definitutako hiri iraunkortasun adierazleen araberakoa izango dena.
2025-01-28
Bilbo Hiria Irratia
Bilboko Axel Hotelaren irregulartasunak salatu eta itxiera eskatu du EHGAMek
EHGAMek Axel hotelaren irregulartasunei jarritako helegitearen inguruko isiltasun administratiboaren ondoren, hotelaren itxiera eskatzen du eta hainbat eragileekin batera prentsaurrekoa eman dute.
Bizilagunekin plataforma munduko futbol kopa Donostian jokatzearen aurka: “Ez dugu gure aurkako golik ospatuko!”
Bizilagunekin plataformak gogor kritikatu du Donostia 2030eko munduko futbol txapelketaren egoitzetako bat izatea, Marokok, Portugalek eta Espainiak antolatuko duten edizioan. “Hiria munduko mapan kokatzea” eta “lehen mailako kirol ikuskizuna herritarrei... [+]
Kexaako monumentu multzoan hotel-spa bat eraikitzea proposatu dute
Estela Roca Rom arkitekto katalanak irabazi du Arabako Foru Aldundiak abiatutako ideia lehiaketa. Foru erakundeak proiektua finantzatzeko bide publiko-pribatuak bilatzeari ekingo dio.
2024-12-12
Jenofa Berhokoirigoin
Berotegi-efektuko gas emisioen %8,8 eragiten du turismoak, eta isurketek gorantza segitzen dute
Azken hamar urteetan turismoak eragindako CO2 isurketen emendioa ekonomia orokorrarena baino bi aldiz handiagoa izan da. Nature Communications aldizkari zientifikoak abenduaren 10ean plazaratu ikerketaren emaitzak dira.
2024-11-27
Garazi Zabaleta
Garbiñe Elizegi, Aroztegiko auzipetua
“Mugimendua kriminalizatu eta aurrekari bat jarri nahi dute epaiketa honekin, hori oso larria da”
2024-11-14
Urko Apaolaza Avila
Pisu turistikoentzako baimenak urtebetez eten ditu Bilbok
Bilboko Udalak ez du lizentzia berririk emango, hirigintza planean etxebizitza turistikoen figura arautu bitartean. "Kautelaz" jokatzea erabaki du Juan Mari Aburtoren udal gobernuak, baina gehienez ere urtebeteko epea eman dio debekuari.
2024-11-08
Euskal Irratiak
AirBnb motako epe laburreko alokairuen abantaila fiskala murriztu dute Ipar Euskal Herrian
Frantziako Estatuko diputatuak eta senatariak ados jarri dira. Orain arte, alokairu turistiko bat alokatzen zutenek etekinen %50 zergapetik kentzeko aukera zuten, urte osoko alokatzaileek, berriz, %30. Lege proposamenak biak hein berdinera ekarriko ditu, hots, %30era.
Donostia tentsio handiko eremu izenda dezala eskatu dio udalak Jaurlaritzari
Izendapenak ohiko etxebizitzarako alokairuaren prezioen arautzea ekarriko du. Nolanahi ere, udal ordezkariek argi utzi dute, legediaren bitartez soilik, ezin izango zaiola aurre egin etxebizitzaren aferari. Ondo bidean, 2025eko lehen hilabeteetan indarrean sartzea aurreikusten... [+]
2024-11-06
Ula Iruretagoiena
Lurraldea eta arkitektura
Oinordetzan
Asteburu luze bat. Ingurutik bueltatxo bat eman eta pikoteoa egiteko probestu dugu. Turistak selfie-ak egiten. Turistentzako bideak, alokairuak, dendak, hotelak, aparkalekuak, menuko platerak, seinaleen kartelak munduko hizkuntza orotan. Turistak ohiko lekuak leku arrotz... [+]
Mila lagunetik gora mobilizatu dira turistifikazioaren eraginen aurka
Bizilagunekin plataformak deituta, hiri eredua eraldatu eta herritarren bizi baldintzak erdigunean jar daitezen eskatu dute ehunka lagunek. Etxebizitzaren eskasia eta garestitzea salatu dute, bai eta egoera horren aurrean, Donostiako udalak izan duen jarrera ere.
Donostiako 50 eragilek “desazkunde turistikoa” aldarrikatuko dute igandean
Donostiako denetariko elkarte, talde eta antolakundeek bat egin dute Bizilagunekin plataformak datorren iganderako, urriak 27, deitutako manifestazioarekin. Alderdi Ederretik abiatuko da 12:00etan.
2024-10-22
Leire Ibar
Milaka pertsona mobilizatu dira Kanarietako turismo masiboa salatzeko
Uharteetako 25.000 biztanle inguru mobilizatu ziren urriaren 20an turismoaren “gehiegikeriaren”, masifikazioaren eta etxebizitzaren merkatuaren aurka protesta egiteko. Turismoak euren hiri eta herrietatik kanporatzen dituztela salatu dute bertako biztanleek.
Eguneraketa berriak daude