Putinek anbiguetate handiz eta presarik gabe erantzun dio AEBetako menia proposamenari
Vladimir Putinek interesa agertu du AEBek eta Ukrainak adostu duten 30 eguneko menia epeaz, baina zalantzak ere plazaratu ditu. Funtsean, ez du presarik erakutsi akordioa sinatzeko eta denbora gehiago eskatu du zalantzok argitu ahal izateko.
“Ideia zuzena da eta bat gatoz harekin”, esan zuen Vladimir Putinek Alexander Lukashenko Bielorrusiako mandatariarekin Kremlinean emandako prentsaurrekoan. Edozein kasutan, Putinek zalantzak agertu zituen, beldur baita Ukrainak une hau baliatzea berrantolatu eta berrindartzeko. Zalantza eta klabe nagusiak ondoko esparruetan agertu dira.
Ukrainari konkistatutako lurrak. Errusiak Ukraina inbaditu zuenean, Kiev hartu nahi izan zuen modu azkarrean, baina porrot handia izan zuen helburu horretan, eta beraz, Ukrainako ekialdeko lurretan zentratu zen. Ondorioz, eta asko kostata, lortu du bere kontrolpean izatea Donetsk, Lugansk, Kherson eta Zaporizhiako eskualdeak, gehi 2014an inbaditu zuen Krimea. Hori guztia, gutxi gorabehera Ukrainako lurraldearen %20 da, eta ez dirudi Errusia horiek uzteko prest dagoenik.
Ukrainaren berrantolaketa. Putinen esanetan, denbora horretan Mendebaldeak bertan behera utzi beharko luke Ukrainari ematen dion laguntza militarra. Moskuren ustez, halaber, Ukrainak bertan behera utzi beharko luke herritarren mobilizazio militarra. Ukrainak iragarri du jada jarraituko duela mobilizazioarekin. EBko herrialdeek iragarri dute jada jarraituko dutela bidaltzen laguntza militarra Ukrainara.
Kursk, errusiar eskualdea. Ukraina 2024ko abuztu hasieran sartu zen Errusiako eskualdean eta lur eremu zabalak hartu zituen azkar. Errusia ezustean harrapatu zuen, baina azken hilabeteetan honek egoerari buelta eman eta Ukrainako soldaduak kanporatzen ari da. Ukrainak aitortu du alde egiten ari dela eskualdetik, Volodimir Zelenski lehendakari ukrainarra argia izan da: “Behar dena egiten ari gara, gure soldaduen bizitza lehenetsi”.
Bake indarrak. Putinek honako galdera luzatu du Kremlineko agerraldian: “Nork bermatuko du menia 2.000 kilometroko gerra frontean?”. AEBek eta Ukrainak nahi dute Europako Mendebaldeko soldaduak barreiatzea Ukrainan. Frantzia eta Erresuma Batua soldaduak bidaltzeko prest agertu dira, baina Errusiak goitik behera ukatu du aukera hori, eta halakorik eginez gero helburu militar gisa hartuko dituela jakinarazi du. Egia esan, guztiz kontraesankorra da Ukraina militarki laguntzen duten herrialdeetako indarrak eta Errusia etsaitzat hartzen dutenak bertan bakegintzan aritu nahi izatea. NATOk ekialdera egin nahi izana gerraren zioetako bat denean, eta Errusiak NATOko indarrak Ukrainatik urruti nahi dituenean, NATOko indarrak bake misioan Ukrainan?
Putinek agerraldi publikoan anbiguetate handiz eta presarik gabe erantzun badu ere, Mike Waltz AEBetako bidali berezia Moskun da egunotan eta ikusi beharko dira negoziazioak zertan geratzen diren. Putinen agerraldiaren aurretik Yuri Ushakov haren aholkulariak esandakoek era oihartzun handia izan dute, nazioarteko analista ugariren ustez, Moskuren posizioa argi samar finkatzen duelako: “Su-eten hori Ukrainak arnasa hartzeko denbora besterik ez da”.
Ukrainaren ondoren Polonia?
Europar Batasunak Ukrainako gerra hauspotu du Kiev armaz hornituta, eta menia oraindik airean delarik, gerraren zikloan murgilduta dago bete-betean. Hori bai, bere diskurtsoa modulatzen ari da, eta gero eta gehiago hitz egiten du balizko su-etenaz... [+]
Ukrainako gerrar hasierako zergatiak ez dira azaldu zizkigutenak bakarrik, beste arrazoi batzuk ere badaudelako. Errusiak zioen Ukrainako errusiar hiztunen defentsarako urrats bat eman behar zuela; Ukrainako Gobernuak, aldiz, Errusiaren armadari aurre egin behar zitzaiola,... [+]
Orain Errusiak inbaditu behar ei du Europa eta horren aurrean berrarmatze basatia bultzatu behar dute Europar Batasuneko herrialdeek. Lehen Sobietar Batasunak egin behar zion eraso, eta Gerra Hotzak ia mundua irentsi zuen. Gezurra zen ordukoa, eta gezurra da gaur egungoa, baina... [+]
Etxe Zuriak bi komunikatu igorri ditu, Itsaso Beltzeko su-etena eta energia azpiegituren aurkako bi aldeen erasoen amaiera hitzemateko.
“Ez dugu gerraren aurrean etsi nahi, ez dugulako hilerrietako bakea nahi”, dio manifestuak, eta agintariei irtenbide politiko baten alde lanean jartzeko eskatu diete. Sinatzaileen artean daude Delàs institutua, Gernika Gogoratuz edo Ongi Etorri Errefuxiatuak... [+]
Defentsarako gastua handitzeko Europako herrialdeen apustuaren atzean, asko dago propagandatik, eta askoz gehiago interes ekonomikotik. Kontrakoa sinetsarazi diguten arren, XVIII. mendean Ingalaterran Industria Iraultza jaio zenean, armak eta gerra izan zituen oinarri, eta ez... [+]
Telefono bidez eginiko bileran, bi agintariek adostu dute Moskuk ez diola erasorik egingo Ukrainako azpiegitura energetikoari hurrengo 30 egunetan. Ukrainak eta Errusiak 175na preso askatu beharko dituztela iragarri dute, baina ez noiz.
Europa mailako ekimen kolektibo batek bakearen, irtenbide diplomatikoen eta armagabetzearen aldeko manifestua idatzi eta sinadura bilketa hasi du. Manifestuak dioenez, intelektualak, herritarrak bezala, “anestesiatuta daude”. Europako agintarien jokamoldea, NATOren... [+]
Mikel Jauregi Industria sailburuaren ustez, euskal enpresek “lan ona” egin dezakete Europaren “segurtasun estrategia babesten”. Eusko Jaurlaritzako bozeramaile Maria Ubarretxenak, berriz, berrarmatze asmoek “aukera berriak” ekar ditzaketela... [+]
Saudi Arabian elkartu dira AEBetako eta Ukrainako ordezkariak, eta zortzi ordu iraun duten negoziazioek fruitua eman dute. Etxe Zuriak Ukrainarentzako laguntza militarra berrabiaraztea erabaki du.
Europar Kontseiluak onartu du Ursula Von der Leyenek gastu militarrean proposatu duen 800.000 milioi euroko gastuarekin aurrera egitea. Horretarako bi arrazoi nagusi argudiatu ditu: Errusiari aurrea egitea eta Europar Batasunak aurrerantzean bere burua AEBen babes militarrik... [+]
Etxe Zurian edukitako liskarraren ostean, eskainitako laguntza "konponbide batera bideratuta" dagoela ziurtatu nahi du Trumpek. Zelenskiren arabera, Kievek bizirauteko aukera gutxi izango lituzke AEBen laguntza militarrik gabe.
.jpg)
Hala iragarri du Keir Starmer Erresuma Batuko lehen ministroak Londresen eginiko goi bileran. Etxe Zurian Trumpek Zelenskiren aurka egin ostean, izandako eztabaidaren aurrean, Europako buruzagiek babesa adierazi diote Ukrainako presidenteari.
AEBek Ukrainako gerraren aurrean egindako jarrera aldaketaren barruan, “lur arraroak” deiturikoak negoziaziorako gai nagusi bilakatu dira Volodymyr Zelenskyren eta Donald Trumpen artean. Lehenak nahi du AEBek bere segurtasuna bermatu dezatela Errusiaren aurrean,... [+]
Jarritako kondenak barkatzearen truke, armadara batu da preso andana. Azken urtean, errekrutatze-legeak gogortu ditu gobernuak.