Puigdemontek “ihes egin” zuela zioten hedabideek Juan Carlos I.a “joan” dela diote orain
Kataluniarrek aukeratutako presidentea Belgikara joan zenean, boterearen hegalpean aritzen diren hedabideek Puigdemontek "ihes egin zuela" adierazi zuten edo "justiziari izkin egiteko ihesalditzat" jo zuten titular handitan. Orain, Francisco Francok aukeratutako errege Juan Carlos I.a leku ezezagun batera joan denean, aditzak erabat aldatu dira.
"Profugo", huido de la justicia", "huye y deja tirada la republica catalana"... zenbat hedabidek ez zuten zalantza izpirik izan Carles Puigdemontek 2017an Belgira joan zeneko pasartea definitzeko. Espainiako Justizia, Polizia eta Gobernuak eskura zituzten baliabide guztiak erabili zituzten, baita legez kontrakoak ere, galdeketa bat antolatzeagatik zigortu nahi zuten Kataluniako presidentea atzemateko. Kate luze horren emaitza denontzat jakina da.
Faxista batek ezarri eta 40 urtez Espainiako Errege izandakoak atzerrirako bidea hartu du egunotan. Ustelkeriaren kiratsa ezin estalirik, Espainiako eta Suitzako justiziaren ikerketapean, momentuz ezezaguna den leku batera joan da. Joan ala ihes egin? Bi horien arteko arteko muga non dagoen "argituko" dizkigute El País, El Mundo, Vocentoko El Correo zein Diario Vasco eta El Españolen ondorengo albisteek.
El Mundo Carles Puigdemontekin lotutako albiste guztietan ihesaz jarduten da: "Belgikara ihes: Horrela azkartu zen Puigdemonten ihesaldia" edo "Puigdemonten ihesaldiaren bost hilabeteak". Elefanteak ehizatzen lan egiten zuen erregearen azken bidaiaz informatzeko, aldiz, askoz soilagoak dira orain El Mundokoak. "Juan Carlos I.ak jakinarazi dio Felipe VI.ari Espainatik joateko bere erabakia". Ikuspegi antzekoa erabilita, beste titular hau zabaltzea zuten 2017an: "Kataluniatik joateko erabakiaren berri eman dio Puigdemontek Junquerasi". Baina ez zen hala izan.
Euskal Herriko egunkaririk salduenen kasuan, Vocentoko El Diario Vasco eta El Correon ere aditzak aldatzen dira odolaren kolorearen arabera. Odol gorrikoak ihesean aritzen dira:
✉ La Junta Electoral excluye a los huidos Puigdemont, Comin y Ponsatí de las lista europea de Junts https://t.co/TBYPVFuToQ
— El Correo (@elcorreo_com) April 29, 2019
Odol urdinekoak, aldiz, "joan egiten" dira, besterik gabe: Juan Carlos I abandona España. Eta gainera, albistearen barruan tartea eskaintzen diote ihesaldia ez dela justifikatzeko. Horretarako, Juan Carlos I.aren abokatuaren iritzi guztiz inpartziala aipatzen dute.
El País egunkariak 2018ko apirilaren 6ean “Puigdemont iheslari bidaiariaren bost hilabeteak” titularra jarri zion politikari katalanaren bidaien kronologiari, eta argitalpen osoan “ihesa”, “Espainiako justizia saihestea” eta “iheslari” terminoak erabili zituen.
Atzerago joanda, 2017ko urriaren 5ean, “Puigdemont, Katalunia ezegonkortu duen Belgikako iheslaria” zioten. Generalitateko presidentearen erabakia hasieratik epaitu zuten: “Presidente ohiaren ihesak bere alderdiaren eta independentismoaren planak astindu ditu, eta krisi diplomatikoa zabaltzeko mehatxua egin du”.
Astelehen honetan, baina, El Paísek hizkuntza eta trataera epelagoak darabiltza borboiak egindakoaz mintzatzeko: “Juan Carlos I.ak Espainiatik alde egin du monarkia babesteko”, dio titularrean. “Errege emerituak Felipe VI.ari jakinarazi dio herrialdetik doala, atzerrian duen aberastasunari buruzko albisteek erakundeari kalte egin ez diezaioten”, diote sarreran. Joan da "babesteko" eta "kalte ez egiteko". Beste ekintza onbera bat, anaia tiroz hil zuen erregearena.
El Español hedabidea 2020ko maiatzaren 26an honela mintzatu zen Podemosen erabaki baten inguruan: “Podemosek Puigdemont iheslariak berreraikitze batzordean parte hartzearen alde bozkatu du”. Eta orain, opor giroak eraginda edo, Juan Carlos I.aren kasuaz hitz egiteko “Dominikar Errepublikan instalatu da, Fanjul familiaren abegi onarekin” dio ordea. Errege emeritua Karibeko uhartean “errefuxiatu” egin dela dio, edo besterik gabe, “Dominikar Errepublikan dago”. Juan Carlos, beste errefuxiatu politiko bat, baina oraingoan Kubako azukrearen kontura miloidun bilakatu zen multinazional baten jabearen babespean.
Antena3 telebista kate espainiarreko Espejo Público saioak erreportaje sentsazionalista bat eman zuen asteazkenean, Donostiako ustezko segurtasun faltaren inguruan eta fokua gazte magrebtarretan jarriz. Erreportajea publikoki salatu du Kaleko Afari Solidarioak (KAS)... [+]
Gazako inbasioak aurrera darrai, Israelgo Gobernuaren aliatu estrategikoak direlako Mendebaldeko gobernuak, eta beraz, herrialde horietako hedabide nagusiak. Israel biktima bezala aurkezteko asmoa ondorioztatzen da diskurtso nagusien azterketa semantikoa eginez gero. Eta hala... [+]
Hauteskundeetan eragiteko edo bestelako helburuekin, zibernetikoki manipulazioa eta desinformazioa sustatzen, dokumentuak faltsifikatzen edota zuzenean dokumentuak lapurtzen ditu Tal Hanan enpresari israeldarrak. Ikerketa kazetaritza lan batek eman du argitara, eta Kataluniako... [+]
Carla Simóm zuzendariaren Alcarràs filma arrakasta izaten ari da, eta asteartean jakinarazi zen Oscar sarietarako hautagaia dela. Berria ezagutu eta gutxira, filmari izena ematen dion Kataluniako herriari buruzko Wikipedia orrian Urriaren 1ari buruzko... [+]
Miliziak armatu eta zibilak lehergailu inprobisatuak egitera animatzen ari dira kazetariak, normalean terrorismo gisa hartzen dituzten ekintzak.
Artikulu hau Middle East Eyek argitaratu du, hemen ikusi originala.
Madrilgo hauteskunde-kanpainan VOXek karteletan polemika eragin du adingabe migartzaileen aurka bete-betean jo duelako. Azken egunetan kartel honen edukia eta irudiaren atzean dagoen manipulazioa agerian geratu da.
La Razón egunkariak Santa Ageda ospatzen ari ziren kaputxadun talde batek Guardia Zibilaren patruila bati eraso egin ziola argitaratu du. Hedabideko literaturak Altsasuko hainbat gazte kartzelarazea ondorio izan zuen istiluarena gogorarazten du.
Ostegunean jakin dugu, sumario-sekretua kendu dutenean, Espainiako Auzitegi Nazionalak aitortu duela orain hilabete atxilotu zituzten Kataluniako CDRetako kideek ez zeukatela lehergairik etxean. Hala ere, terrorismoa egotzita espetxean daude behin behinean.
Gasteiz, 1955. Donostiako Egiako auzokidea. Madrilgo Complutense Unibertsitatean Filosofia eta Letretan lizentziatu zen 1978an. EHU eta UEUko irakaslea. Hezkuntza Zientzietan doktorea. Idazlea. “Fake News”-ak ez dira atzo goizekoak (Utriusque vasconiae) saiakeraren... [+]
Espainiako Atzerri Ministerioak Vianako Jauregia Kazetaritza Saria sortu du, Espainiako Estatuari buruzko irudi positiboa ematen duten atzerriko kazetarientzat. Kataluniako urriaren 1eko erreferendumaren kontra erabilitako bortizkeriak nazioarteko medioetan asko kaltetu zuen... [+]
Valentzian RTVEk daukan egoitzako albistegien editore Arantxa Torresek dimititu egin du asteartean.
Mujeres RTVE plataformak, zeinak Espainiako Estatuko komunikabide publikoko emakumezko langileak biltzen dituen, korporazioaren baitan ematen den informazioaren manipulazioa salatzeko kanpaina bat abiatu du sarean #AsíSeManipula traolarekin. Komunikabide... [+]
Telebista isiotu dudan bakoitzean, lurrin iragarkiak ikusi ditut, zientoka. Pentsatzen hasita nago hatsa dariola gabiltzala, hainbeste perfumatu beharra badugu. Baina era berean, spot horiek ez dute usaimenik irudikatzen. Gaitza da, bai, usainak (edozein) pantaila zeharkatzea,... [+]
Hedabideak izan dira Pascual Serranoren (Valentzia, 1964) lantoki eta aztergai. Rebelión agerkari digital aitzindariaren sortzaileetakoa izan zen 1996an eta Telesur telebistaren aholkulari aritu zen Latinoamerikako kanalaren hastapenetan. Sektorearen aztertzaile zorrotza,... [+]