Puigdemontek amnistia lege bat eta “independentismoa zilegi” egitea eskatu du, Sánchezekin negoziatzeko baldintza gisa
“Akordio historiko bat” nahiko luke JxC alderdiko buruak PSOErekin, asteartean Bruselako erbestetik jakinarazi duenez. Sánchezen inbestidura negoziatzen hasteko baldintza batzuk ezarri ditu Generalitateko presidente ohiak, eta berriro ere mahai gainean jarri du Kataluniaren independentzia.
Carles Puigdemont Kataluniako Generalitateko presidente ohiak erbestetik egin du agerraldia asteartean, Bruselan, Junts per Catalunya bere alderdiko zenbait arduradunekin batera. Pedro Sánchez berriro Espainiako presidente izan dadin ezinbestekoa izango da JxC alderdi independentistaren babesa, bestela, hauteskundeak errepikatu beharko lirateke ziurrenik, Alberto Nuñez Feijoo PPko buruak ere ez baitu nahikoa babesik inbestidura irabazteko.
Egoera hori baliatuta, PSOErekin “akordio historiko bat” egiteko prest agertu da Puigdemont europarlamentaria, baina argi utzi du inbestidura negoziatzen hasi aurretik zenbait baldintza eskatzen dituztela: “Kataluniako independentismoaren zilegitasun demokratikoa aitortzea, independentisten kontrako bide judiziala amaitzea eta amnistia lege bat onartzea”. Gainera, eskatu du mekanismo bat ezartzeko adostutakoa betetzen dela ziurtatzeko eta bitartekaritzarako.
Gogorarazi du balizko hitzarmena ez dela edonolakoa, Juntsekin izango litzatekeelako, “Espainiako bi alderdi handiek etengabe baztertu eta mespretxatu duten” alderdiarekin. Puigdemontek gehitu du “gatazkaren elementuak” direla, besteak beste, “urriak 1eko kriminalizazioa”, hitzartutakoa ez betetzea, eta 155. artikulua aplikatzea. Procés-ean kondenatutakoentzako amnistia eskatu du Sanchezekin negoziatzeko baldintza gisa, baina azpimarratu du hori ez dela helburua, baizik eta abiapuntua, autodeterminazio erreferendum batera iristeko.
PSOEk negoziazio bideak irekita ditu, baina behin eta berriz argi utzi dute amnistiari dagokiona ez dutela onartuko. Yolanda Díaz jarduneko presidenteordea astelehenean izan zen Bruselan, Puigdemontekin PSOEren inbestidurari buruz hitz egiteko, baina Sumarreko buru gisa egin zuen bilera. Feijook “inoiz ikusi gabeko izugarrikeria demokratiko” gisa deskribatu du bilkura, eta Sánchezi eskatu dio Díaz kargugabetzeko, eta kritikatu du egin ezean Sánchez ere konplize dela. Dena den, legez, Espainiako Gobernuko jarduneko presidenteak ezin du ministrorik izendatu ezta kargugabetu ere.
Orain Senatura bidean joango da legea, han PPk ahal duen neurrian atzeratuko du –bi bat hilabetez– eta gero berriz itzuliko da Espainiako Kongresura azken onarpena izan dezan.
Ostiralean JxCko militanteen %55ak bozkatu zuen Kataluniako Generalitatetik ateratzearen alde, eta 48 ordu eskasean aurkeztu ditu hutsuneak betetzeko diputatu berriak Aragonès presidenteak. Asteartean hartuko dituzte karguak, eta presidenteak ziurtatu du herrialdearen %80... [+]
Egoera ezohikoa bezain iraingarria da. Balearretako parlamentuan, eztabaidatzen ari dira erkidego honen historian lehena izango den hezkuntza legea, zeina hil honen (otsailaren) 22rako onartu behar den. Hizkuntzari dagokion atalean, hortxe lehenengo ezustekoa: Jaume Matas PPko... [+]
Jordi Sánchezek eta Pere Aragonések azaldu dute akordioa, hurrengo egunetan bi alderdien oinarriek berretsi beharko dutena. Elkarrizketak luzatzeagatik barkamena eskatu dute bi buruzagiek, baina akordioa sendoa dela ziurtatu dute. Juntsek Aragonés presidente... [+]
EH Bildu, ERC, JxCat, Compromís, CUP, BNG eta Más País alderdiek Kongresuko Mahaian idatzi bat aurkeztu dute Jusapol polizia elkartearen manifestazio batean jasandako irain eta mehatxuak salatuz. Horrez gain, Kongresuko segurtasun indarren pasitibitatea... [+]
Katalunian duela bi urteko erreferenduma babesteko eta haren ondorioz aldarrikatutako errepublika defendatzeko sortu ziren plataformek agiri oso kritikoa argitaratu dute alderdi independentistekin.
"Mozal Lege digitala", "Sanchez dekretua", "Dekretazo digitala"... era ugaritan izendatu dute Espainiako Gobernuari internet zentsuratzeko eskumena ematen dion dekretua. Azaroaren 5ean, hauteskundetarako bost egunen faltan onartu zuten lege dekretu... [+]
Urak nahasita datoz Katalunian: Carles Puigdemontek, atzerriratutako Generalitateko presidenteak, errekurtsoa jarri du Roger Torrent Kataluniako parlamentuko lehendakariaren kontra Espainiako Auzitegi Konstituzionalean, parlamentuko mahaiak boto delegaturako aukera ukatu... [+]
Kataluniako parlamentuko mahaiak bertan behera utzi du Carles Puigdemont eta preso dauden gainontzeko diputatuek boto delegatua emateko aukera ERCren eta PSCren aldeko botoekin. Erabaki horren ondorioz, independentistek parlamentuko gehiengoa galdu dute. JxCat eta ERCren arteko... [+]
Kataluniako Parlamentuko presidente Roger Torrentek martxoaren12an ezarri du Jordi Sànchez presidentetzarako hautagaiaren inbestidura saioa. Alabaina, saiorako sei egun falta direnean, Kataluniako Gobernuaren osaketa ezbaian dago oraindik.
ERCk “aldebakarreko” erabakia hartu zuen inbestidura saioa atzeratzeko. JxCAT eta CUPi ez zaie gustatu errepublikanoen erabakia eta azken asteetan ezkutuan eraman dituzten eztabaidak azaleratu dira.
Igandean eman du akordioaren berri alderdi antikapitalistak. Biltzarra parlamentuko diputatuez, udal ordezkariez eta herritarrek aukeratutako bestelako kargudunez osatuko litzateke.
Asteartean 15:00etan hasiko Kataluniako presidentea aukeratzeko saioa Parlamentuan. Oraindik ordea, Carles Puigdemontek zer egingo duen ez dago argi, Auzitegi Konstituzionalak asteburuan hartutako erabakiak, zaildu egin baitu bere inbestidura.
Azken egunotan etengabeko mugimenduak egiten ari da Carles Puigdemont Kataluniako presidentetzarako hautagaia. Goizean, bertan behera utzi du botoa delegatzeko eskaera. Zoidok adierazi du mugetako kontrola indartu dutela.