Puigdemontek esan du osteguneko inbestidura saioan izango dela
2017tik Bruselan dago Kataluniako presidente ohia, baina itzultzea erabaki du Generalitateko hurrengo presidentearen inbestidura eztabaidarako. “Normaltasun demokratikoko baldintzak ez” izatea salatu du, eta aipatu du itzultzeak suposatzen duen atxiloketa arriskua.
Kataluniako presidente ohi eta Junts per Catalunyako buru Carles Puigdemontek Kataluniara itzuliko dela iragarri du sare sozialen bitartez zabaldutako bideo batean. Puigdemontek adierazi du Kataluniako parlamentuak diputatu guztiei deitu dienez abuztuaren 8ko Generalitateko hurrengo presidentearen inbestidura eztabaidarako, berak ere "egon nahi eta behar" duela, eta horregatik erabaki duela erbestetik Kataluniara itzultzea. "Normaltasun demokratikoko baldintzetan, ni bezalako diputatu batek bilkurara joateko asmoa iragartzea beharrik eta garrantzirik gabekoa izango litzateke. Baina gureak ez dira normaltasun demokratikoko baldintzak", salatu du Puigdemontek, bera eta diputatu Lluís Puig "libreki" ezin direla joan esatearekin batera.
Bera eta Puig "libreki" joan ezina bi ideiatan arrazoitu du Kataluniako presidente ohiak: batetik, "jazarpen luze baten aurrean" daudelako “kataluniarrei autodeterminazio erreferendumean bozkatzen uzteagatik”; eta bestetik, “Auzitegi Gorenak uko egiten diolako onartuta eta indarrean dagoen amnistiari buruzko legea betetzeari”. Amnistia Legea ez onartzearen aurrean, Espainiako Auzitegi Goreneko epaile batzuen “matxinada-jarrera” aipatu du. Azpimarratu du “erronka horri aurre egin behar” zaiola, eta “normaltasun demokratikorako errepresio politikoaren amaiera baino beste biderik ez dagoela”.
Atxiloketaren arriskua aipatu du bideoan, eta salatu du “arbitrarioa eta ilegala” izango litzatekeela. Atxiloketa adierazi du ez litzatekeela izango “independentistak direlako, demokratak direlako” baizik. Consell de la República Catalanak abuztuaren 8rako Puigdemonten harrera instituzionalera deitu du goizeko 08:00etarako, Bartzelonako Passeig de Lluis Companysen.
Espainiako Gobernua kritikatu du Puigdemontek, esan du ez dirudiela “Espainiako Gobernua oso kezkatuta dagoenik”, eta Kataluniako etorkizuneko gobernuarekin “berdin izango dela axolagabe”.
Tsunami auzia artxibatzetik hilabete batera
Puigdemonten erabakia Espainiako Auzitegi Gorenak Tsunami auzia artxibatzetik hilabete baten ondoren izan da gutxi gorabehera, uztailaren 8an izan zena. Apelazio aretoak esan zuen baliogabetu egin behar zirela Tsunami auzi judizialaren ikerketako azken hiru urteak, “ilegalki” luzatu zirelako.
Horren ondorioz, Kataluniara itzuli ziren ERCko idazkari nagusi Marta Rovira, ERCko diputatu Ruben Wagensberg, Òmniun Culturaleko Oleguer Serra, enpresari Josep Campmajó eta Directa-ko kazetari Jesús Rodríguez, Tsunami auziko inputatu erbesteratuak, ARGIAn irakur daitekeenez.
Goiburu baten bidez ezagutu nuen Juana Dolores; zera zioen: iraultzaileagoa zela ondo idaztea, katalanez idaztea baino. Flipatu egin nuela aitortu diot, eta berak esan dit bizitzako lehen elkarrizketa zuela hura. Lau urte geroago, berritasunaren olatua surfeatu du, eta... [+]
Esan ohi da uda sasoia parentesia dela politikan. Agian politikaren ikuspegi instituzional hutsa duenak pentsatuko du horrela, baina oraindik ere amaitzear den aurtengo udak eman digu zer aztertu.
Uda sasoia hasteko zela osatu zen Araba, Bizkaia eta Gipuzkoako autonomia... [+]
Salvador Illa Generalitateko president izendatzeko oinarrietako bat PSC-ERC arteko ituna izan da. Ez da itun subiranista inondik ere, baina hainbat alorretan ate berriak zabal litezke, ohikoa den PSC-PSOEren balaztaren estrategia politikoa berriz ere nagusitzen ez bada,... [+]
Baratzerako udako nagiak astindu ditzagun. Lehen udazkenean izaten zen sagardoaren txotx denboraldiaren hasiera, orain neguaren zilborrean izaten dugu. Ezagun katalanen bat duen edozeinek pentsa dezake sagardo gozoa calçot tipula erreekin dastatzeko atzeratu eta sortu... [+]
Irailarekin batera badator ikasturte berriaren hasiera eta milaka haur eta nerabek ikastetxeetarako bidea hartuko dute berriz ere, batzuk pozik, beste batzuk ez hainbeste, baina denek euren azterketak eta lezioak motxilan dituztela. Beste hainbeste espero zitekeen euskal... [+]
Carles Puigdemonten ihesaldiaren bertsio bat kontatu du La Vanguardiako kazetari Mayka Navarrok, "iturri ofizialetatik lortua". Lastozko txapelak, gurpildun aulki bat eta hiru ibilgailu erabili zituzten mossoak nahasteko. Puigdemontek “gaur edo bihar” hitz... [+]
Zerbaiti edo norbaiti agur esatea abandonuarekin, amaierarekin eta, azken batean, dolu-prozesuarekin lotutako ekintza izan ohi da. Seguru noizbait esango zenutela –edo norbaiti entzungo zeniotela– “ez zaizkit agurrak gustatzen” esaldi tipiko eta topikoa... [+]
2017ko erreferendumaren harira, U-1aren auzi judizialean diru publikoa bidegabe erabiltzeagatik zigortutakoei ez zaie Amnistia Legea aplikatu behar, Espainiako Auzitegi Gorenaren esanetan. Puigdemonti ez ezik, Junqerasi, Romevari, Bassari eta Turulli ere eragiten die ebazpenak.
Tren geltoki bateko nasa, bi lagun eta besarkada bat. Besarkada hori izoztuta geratuko da hurrengoan elkartu arte. Ni etxera itzuliko naiz, bera hor geratuko da. Han geratuko da aske izanda ere injustiziak harrapatu nahi gaituelako sentimendu mingarria ere. Jesús... [+]
Telefono-konpainiek serieko gurasoen kontrola nahitaez sartu behar dutela arautu du Espainiako Gobernuaren lege berriak. Legea aurrerapausotzat jo du kooperatibak, baina azpimarratuta ez duela ezertarako balioko gazteek hezkuntza digital egokia jasotzen ez badute.
Setio egoeran bizi gara euskaldunok eta katalanak Espainiako Estatuan, eta gainera ez dugu horren kontzientzia argirik, uste dut. Katalunian hori oso nabarmena izan da azken hauteskundeetan eta ondorengo egoeran.
Benetan aztertzeko modukoa da gertatu dena: Espainiako botere... [+]
ERCk hamahiru parlamentari galdu ditu joan den igandeko hauteskundeetan eta barne krisia ate joka du. Pere Aragonés Generalitateko jarduneko lehendakariak dimisioa aurkeztu du dagoeneko eta lehen lerrotik erretiratuko dela iragarri du.
Katalunian ere hauteskundeak izan dira. “Emozioak, pragmatismoa eta xenofobia: Kataluniako hauteskundeen klabeak” titulatu zuen Público egunkariak. Ezkerra dabil pragmatiko eta kudeatzaile han ere, eta emozioak Junts-i lotuta aipatu zituzten. Baina... [+]