PSOEren eta Podemosen lan erreformak aurrera egin du Espainiako Kongresuan, boto baten aldearekin
Espainiako Gobernuak CEOErekin eta CCOO eta UGT sindikatuekin adostutako testuari onespena eman dio ostegun arratsaldean Espainiako Kongresuak, baina Pedro Sánchezen inbestidura ahalbidetu zuten oposizioko alderdien babesik gabe oraingoan.
Azkenean argitu da Espainiako lan erreformarekin alderdi batzuek eta besteek izan duten jarrera Madrilgo kongresuan. PSOE eta Unidas Podemos gobernuko alderdiek Ciudadanosen eta beste alderdi txikiago batzuen babesa behar izan dute Yolanda Díaz Lan ministroaren dekretua aurrera ateratzeko.
Eta babesen artean UPNrena funtsezkoa izan behar zuen. Horren truke, UPNk lortu du Enrique Maya ez gaitzetsia izatea Iruñeko Udalean, bere adierazpen xenofoboengatik. Baina UPNko bi diputatuek bere alderdiaren esanari muzin egin diote azkenean, eta kontra bozkatu dute. Iruñetik berehala eskatu diete euren eskainua uzteko.
Bozketa aurrera atera da ordea, boto bateko aldearekin, PPko diputatu bat okertu eta errege-lege dekretuari baiezkoa eman diolako. PPk iragarri du inpugnatu egingo duela bozketa, bere diputatuaren bozka telematikoan akatsa egon delakoan. Hala ere, kongresuko zerbitzu juridikoek zaila ikusten dute inpugnazioak bidea egitea.
"Ez da mundua amaitzen"
EAJk eta EH Bilduk goizeko eztabaida saioan jadanik argi utzi dute euren bozka zein izango zen. Ezezkoa eman diote erreformari, nagusiki euskal lan esparrua ez duelako errespetatzen. EAJk azaldu duenez azken unera arte saiatu da puntu hori nolabait barneratzen dekretuan. EH Bilduk, bere aldetik, azpimarratu du osteguneko bozketaz gaindi, lanean jarraitu beharra lan erreformaren alderdi kaltegarrienak bertan behera uzteko.
Asko izan dira Díazen testuari egin zaizkion kritikak, egun gobernuan daudenen hauteskunde konpromisoetako bat baitzen 2012ko Rajoyren lan erreforma derogatuko zutela, eta oraingo dekretua hortik oso urrun geratu dela diote. Euskal sindikatuek protesta eta manifestazioek ere egin dituzte, patronalari negoziazio kolektiboan aukera gehiago ematen dizkiola eta jasotzen duen kaleratzeen araudia salatzeko.
"Albert Riverak sinatuko lukeen lan erreforma da honakoa", azaldu du ERCko Gabriel Rufianek. PSOEk eta UPk ez dute izan Pedro Sánchezen inbestidura ahalbidetu zuten alderdien babesik oraingoan. Bi urte luzeko legegintzaldia geratzen da baina, eta "gaur ez da mundua amaitzen" ere esan du Rufianek.
Finantzen Euskal Kontseiluak pasa den urteko diru bilketaren berri eman du. 2020an baino gehiago bildu da, eta balorazio ezin baikorragoa da. Datorren urtean politika publikoak egiteko diru gehiago izango dute instituzioek. Ez dute gezurrik esan. Baina egin daiteke bestelako... [+]
Nafarroan hazi omen da gehien soldata handien eta txikien arteko aldea. KPIaren hazkundea azken hamarkadetako handiena izan da 2021ean, eta hitzarmen duinak dituzten langileek ez dute eros ahalmenik galduko, baina gehienentzat ez da horrela izango. Arrakalak gora egingo du... [+]
Espainiako 2012ko lan erreforma derogatzeko baino, lege hori “berresteko” bozketa egin dute Espainiako Kongresuan –besteak beste Ciudadanosen aldeko botoekin–, hori salatu dute behintzat euskal sindikatu eta eragile ugarik. Izan ere, duela hamar urte... [+]
Ba joan den osteguneko lan-erreforma yolandikoaren botazioak harrapatu ninduen Shakespeareren Hamlet irakurtzen –ez galdu Juan Garzia Garmendiak egindako itzulpena, beste galaxia batera darama irakurketaren plazera–; eta Madrilgo diputatuak, saiatu behintzat, saiatu... [+]
Sayas eta Adanero diputatuek Espainiako Kongresuan lan erreformaren aurkako botoa eman dute, eta UPNk aktak itzul ditzaten eskatu die. Izatez, UPNk iragarri zuen babestu egingo zuela gobernu koalizioa, eta, ordainetan, PSNk bertan behera utziko zukeen “adierazpen... [+]
Espainiako Kongresuan lan erreformaren alde bozkatzea eskatu die UPNk bere bi diputatuei, eta horren lehen ondorioetako bat izan da PSNk Enrique Maya UPNko alkatea gaitzesteko egina zuen eskaera kendu egin duela. Gainera, udal aurrekontuak aldatzea ere babestuko dute alderdi... [+]
ELAk, LABek eta ESK-k EAJri eta Podemosi eskatu diete kaleratzeak bultzatzen dituen eta lan-harremanen esparrua errespetatzen ez duen lan-erreformaren aurka bozkatzea. Hala jakinarazi diete bi alderdi politikoei, gaur, urtarrilak 31, egindako bileretan. Bilera horiek EH... [+]
Hego Euskal Herriko lau hiriburuetan milaka lagun atera dira, Espainiako Kongresuan otsailaren 3an bozkatuko den "lan erreforma horri" ezetz esateko. ELA, LAB, STEILAS, ESK, Etxalde eta Hiru sindikatuek deitutako manifestazioetan salatu dute "Espainiako Gobernuak... [+]
Aste honetan salgai jarriko da produktu berri bat edo, bueno, produktuaren bertsio berri bat behintzat: Espainiako lan erreformaren erreforma. Trajea aukeratu behar da hori nola saldu asmatzeko. Eta iruditzen zait EAJk azken asteetan bi atera dituela bere armairu amaigabetik.
ESK-ko Koordinakunde Nazionaleko kideak ezkerrak gobernuan dagoenean dituen konplexuak salatzen ditu, eta kaleak berreskuratzeko jarrera irmoa azaldu du.
UGT Euskadiko Berdintasuna, Gizarte Politikak eta Aniztasuna alorreko idazkaria pozik agertu da akordioarekin, baina borrokatzen eta negoziatzen jarraituko dute.
CNTko Bilboko Ekonomialaria Elkarrizketa Sozialaren mahaian adostutako lan erreformaren kontra agertu da, ez dituelako iraultzen 2012ko erreformaren oinarriak
LABeko Ekintza Sindikaleko eta Negoziazio Kolektiboko idazkariak borrokaren bidez eragiteko aukera dagoela uste du, eta urtarrilaren 30eko mobilizaziorako deia egiten du.
Arkaitz Antizar CCOO Euskadiko Gazteria idazkaria eta batzorde exekutiboko kidea da. Lan erreformarako akordioaren egileetariko bat izan da CCOO, lan legediaren orain arteko norabidea aldatzen duelakoan. Hala ere, aurreko erreforma partzialki soilik derogatu duela ikusita, berau... [+]