PSNk gestora bat osatu du Lizarran
Joan den astelehenean Navarra Sumaren aurkako zentsura mozioaz jakin zenean, PSNk alderditik kanporatu zituen mozioa sostengatzen duten hiru zinegotzietako bi. Orain gestora osatu dute herrian.
EH Bildu, Geroa Bai eta PSNko bi zinegotziren akordioaren arabera, zentsura mozioa hilaren 24an egingo da. Horrek ekarriko du EH Bilduko Koldo Leoz itzultzea alkatetzara 2022ko martxoaren 1era arte, eta ondoren PSNtik kanporatutako Jorge Crespo Ganuzak eskuratuko luke aginte makila.
PSNk hasieratik salatu du zentsura mozioa eta bere bi zinegotzien jarrera, Jorge Crespo bera eta Magdalena Hernandez, eta transfugatzat jo ditu. Hauek, aldiz, ez dute onartzen halakorik, beraiek PSNko Lizarrako batzarraren %70ak emandako agindua bete dutela argudiatuz eta ez direla alderdiz aldatu. Jorge Crespo bera izan da orain arte Lizarrako PSNren idazkari nagusia.
Astelehenean iragarri bezala, asteazkenean PSNk gestora bat izendatu zuen alderdia gidatzeko, Maria Sanz de Galdeano buru duela. 30 pertsona izan ziren bileran, PSNren esanetan eta guztiak bat datoz Iruñetik hartutako erabakiekin. Urtarrilaren amaieran, herriko aurreko zuzendaritzak Ibai Crespo –zentsura mozioa onartzen ez duen hirugarren zinegotzia– alderdiko kargu guztietatik at utzi zuen. Afiliatuen batzarraren %70ak, halaber, NSren aurkako zentsura mozioa onartu zuen, orain kanporatutakoen arabera. Lehengo zuzendaritzak dioenez, 67 afiliatu dira herrian eta haiek 42ren sostengua dute eta aurkakoek 16.
Ramón Alzorriz PSNko idazkaria izan zen atzoko bileran eta bertan azaldutakoaren arabera, ez dago arazorik aurrekontuetan akordioak lortzeko EH Bildurekin, esate batera Berriozarren egin duten bezala, baina ez dutela indar politiko horrekin gobernatuko, hori oso bestelakoa dela.
Ez da PSNk herrian duen lehen kalapita. Nafarroako beste hainbat herritan bezala, lehenagotik ere asko txikitu izan baita alderdia Lizarran. Nafarroa osoan bezala, alabaina, joan den udal hauteskundeetan Lizarrako PSNk zinegotzi bat irabazi zuen. Podemosen gertuko herri hautagaitzak hiru zinegotzi zituen eta oraingoan bat ere ez.
PSNk ahalegin handia egiten du EH Bildurekin ez duela gobernatzen ikusarazteko, eta hala da, baina bestetik, EH Bilduri esker gobernatzen du Nafarroan, eta hori da Pablo Casadok Madrilen PSOEri etengabe gogorarazten diona, baita Lizarrako aferarekin ere.
Egoera okertzen ez bada, zinegotzi baten abaintailarekin aterako da aurrera zentsura mozioa datorren 24an. Navarra Sumak 8 zinegotzi ditu, EH Bilduk 6, PSNk hiru eta Geroa Baik 1.
Iruñeko Erorien monumentua faxismoaren salaketarako eta memoria demokratikorako Maravillas Lamberto interpretazio zentroa bilakatzea adostu dute EH Bildu, PSN eta Geroa Baik. Eraikinaren parte bat eraitsiko dute, eta adiera frankistako elementuak kendu edo estaliko... [+]
Hitzarmenak 1.035 euroko gutxieneko errenta bermatuko du eta euskara, osasuna eta etxebizitza izanen ditu konpromiso estrategiko nagusi. Hamargarren urtez jarraian, UPNk ez du batere eraginik izanen aurrekontuetan, urteroko legerik garrantzitsuenean.
2015-2019ko legealdian Iruñeko alkate izan ondoren, bigarrengoz errepikatzen du alkatetzan, ezker abertzaleak Iruñeko udal hauteskundeetan inoiz izandako emaitzarik onenaren ondoren, eta PSNrekin lotutako zentsura mozioaren eskutik. Abagunea ona dela dio, baina... [+]
Orkoiengo alkate sozialista Alejandro Lopezek euskalduna izatea pribilegio bat dela esan eta gero, PSNko hautetsiak euskara sustatzearen aurkako gero eta adierazpen gehiago egiten ari dira, hala Eguesibarren nola Tafallan. Ingurumari horretan, PSNren zuzendaritzak Orkoiengo... [+]
Abenduaren 20ko osoko bilkuran bertako alkate Alejandro Lópezek (PSN) azaldu zuen herriko ludotekan euskarazko ekitaldiak egitea euskaldunentzat pribilegikoak direla.
UPNk oso gogor erantzun dio PSNri Iruñeko Udaleko zentsura mozioa dela medio eta inoiz ez bezalako irainak zuzendu dizkie sozialistei. EH Bildu, aldiz, ostiral goizean hasi da biltzen oposizioko taldeekin, datorren udal taldea osatzeari begira.
Ferrazek baimena eman duenean adostu da zentsura mozioa Iruñean, PSOEk hauteskunde orokorrak irabazi eta Espainiako Gobernua lotu ondoren. Zurrumurrua bolo-bolo zebilen Iruñean, “urtarrilerako, otsailerako...”, baina oro har, bai EH Bildu bai PSN isilik... [+]
Abenduaren 28an egingo den Iruñeko udal bilkurarako zentsura mozioa erregistratu dute EH Bilduk, PSNk, Geroa Baik zein Zurekin Nafarroa talde politikoek. Hala, Cristina Ibarrola UPNko egungo alkatea kargutik kendu eta EH Bilduko Joseba Asironek hartuko luke aginte makila.
11:30ean izan da kargua hartzeko ekitaldia Nafarroako Parlamentuan, eta gonbidatu gisa joan dira hainbat ordezkari politiko, tartean Iñigo Urkullu EAEko lehendakaria. Kontseilari berriak ere izendatu dituzte: lau Geroa Baik gidatuko ditu eta bat Zurekin Nafarroak;... [+]
EH Bilduren abstentzioari esker, berriz ere izendatu dute PSNko hautagai María Chivite lehendakari, ezusterik gabeko saioan.
UPNren eta PSNren arteko ezberdintasunak agerian utzi dituzte alde biko bileran. PSN EH Bildurekin bilduko dela adierazi du, baina ez dutela gobernua negoziatuko.
Abstentzio handiko hauteskundeak izan dira, eta lehia handiena EAJ eta EH Bilduren artean izan da: lehenengoak behera egin du eta bigarrenak gora. Nafarroako Legebiltzarrean UPNk mantendu du 2019ko garaipena, eta PSNk bigarren postua. Araba eta Bizkaiko Batzar Nagusietan, EAJk... [+]
Honakoa da PSN Nafarroako Alderdi Sozialista Erriberan herritarren botoa eskatzeko erabiltzen ari den karteletako bat. Aste honetan Lodosan eta Vianan bederen ikusi dituzte gisa honetakoak.
Prentsaurrekoa egin dute gaztetxeko kideek, gaztetxearen egoera azaldu eta haren kontra Burlatako PSNk eta Navarra Sumak izan duten jarrera salatzeko.