Ingelesez Ikasteko Programako (PAI) 350 irakasleren lanpostua egonkortzeko aurreproiektu legea onartu dute asteazken honetan sozialistek eta eskuindarrek. Akordioak tira-birak areagotu ditu Nafarroako Gobernuko bazkideen artean.
Irakasleen egonkortzearen aldeko PSNren hastapeneko proposamenetik harago joan da akordioa, besteak beste, UPNk baldintza gisa jarri diolako PSNri egun hizkuntza programa dena hezkuntza eredu bihurtzea. Geroa Bai, EH Bildu, Elkarrekin Podemos eta IU aurka agertu dira. Baita Nafarroako hezkuntzako gehiengo sindikala ere.
Kontseiluak ere gogor egin du bi alderdien asmoen aurka eta salatu du PAI hasieratik abiarazi zutela D ereduaren aurkako tresna gisa, orain ere norabide horretan ari direla, eta Nafarroako D eredua leku askotan D-Pai bihurtu nahi dutela.
Tira-bira handiak Chiviteren gobernuan
Ez zegoen argi zer gertatuko zen gaur goizeko osoko bilkuran, PSN berez guztiz ados egon arren PAI programa hezkuntza eredu bihurtzearekin –hauteskunde programan hala zekarren–, Geroa Bairekin sinatutako gobernu akordioan ez zelako horrelakorik aurreikusten, eta bien artean adostu zutelako egungo egoeratik harago ez zela eramango PAI programa.
Talka hau etorri da lehendik ere tentsio handia zegoenean PSN eta Geroa Bairen artean. Batetik, gogoan izan behar da iragan otsailean ozta-ozta atera zela aurrera Kongresuan Espainiako Gobernuaren lan erreforma, UPNko bi diputatuk –alderdi honen zuzendaritzak erabakitakoaren aurka– erreformari baiezko botoa ematea uko egin ziotenean.
Aferaren bueltan, Javier Esparza UPNko lehendakariak onartu zuen PSOErekin akordio orokorragoa lantzen ari zela, garai bateko UPN eta PSNren arteko elkarlana berreskuratze aldera. PSNk ez du horrelakorik onartu, baina ikusten da hainbat gaietan, eskutik etorri direla azken boladan, besteak beste martxoaren amaieran merkataritza elektronikoa dela eta, Hitzarmen Ekonomikoan egindako aldaketetan.
Ez hori bakarrik, foru gobernuak administrazioan euskararen ezagutza baloratzeko onartu nahi duen dekretua ere ika-mika iturri izan da bi alderdien artean, eta hor ere PSNk Navarra Suman topatu du hura aurrera ateratzeko behar duen sostengua.
Kontuan hartu behar da, halaber, urtebete falta dela datozen foru hauteskundeetarako, eta dagoen tentsioa eta datak ikusita, ez da gehiegi esatea Chiviteren gobernua kolokan dagoela. Azken boladan, ez da lehen aldia gobernuaren krisiaz hitz egiten dena.
Legearen zailtasunak
Onartu berri den aurreproiektu legeari dagokionez, PSNk eta UPNk pauso garrantzitsua eman dute PAI hezkuntza programa bihurtzeko, baina bidean izango dituzten oztopoak ere ez dira txantxetakoak. Batetik, Espainiako Gobernuarekin lanpostuen egonkortzeko saio honi buruzko akordioa lortu beharko dute, eta orain arte ez da posible izan. Bestetik, gaia heldu daiteke Espainiako Auzitegi Konstituzionalera, bai Espainiako Gobernuaren eskutik, sindikatuen borondatez edota Kongresuko diputatuek hala eskatuta.
Gogoratu behar da, Espainiako legediak debekatu egiten duela ingelesa edo atzerriko beste hizkuntzak eskakizun gisa erabiltzea oposizioetan, eta PSNk hori saihesteko Nafarroako autogobernua aldarrikatu duela lege propio bat egin eta ingelesari oposizio publikoetan sarbide emateko.
Legeak aurrera egiten badu, gertatuko da Nafarroako toki askotan euskara moduko bertako hizkuntza bat ez kontuan hartzea sikiera meritu gisa ere, baina ingelesa derrigorrezkoa izatea irakaskuntza publikoaren eredu baterako.
Pedrosa andere agurgarria:
Zorionak, Hezkuntza sailburu izendatu zaituztelako. Ez da ardura berria zure gainean izango duzuna aurrerantzean. Ederto ezagutu behar duzu Hezkuntza Saila, lau urte sailburuorde eman ostean. Ikasturtea bukatuta, kontu batzuk gogoratu nahi nizkizuke... [+]
Lan kategoria altuenetan %22 dira emakume katedradunak gaur egun, eta soldata arrakala %7koa da. Berdintasunerako IV. Plana aurkeztu dute, eta Eva Ferreiro errektoreak adierazi du EHU “erreferentea” dela genero politiketan.
Badirudi hamasei urteko semea buruhauste handirik gabe ari zaigula batxilergoaren ondotik jarraituko duen bideari buruzko gogoetak egiten. Batean, batxilergoko gai berezien hautaketari buruz hitz egiten digu, bestean, egin beharko dituen pausu administratiboei buruz, galderarik... [+]
DBH 3 eta 4. mailako ikasleek datorren ikasturtean beharko dituzten ikasmaterialak diruz lagunduko ditu Eusko Jaurlaritzak lehenengo aldiz, EHIGE Euskal Herriko Ikasleen Guraso Elkartearen aldarrikapen historikoari erantzunez. Seme-alabak maila horietan dituzten familiek, beraz,... [+]
EAEko ikasleen erdiak baino gehiagok eskola partikularrak jasotzen dituela eta jatorri migratzaileko ikasleak gehien segregatzen dituen Espainiako Estatuko bigarren erkidegoa EAE dela ere adierazi du Esade EcPol erakundeko Lucas Gortazarrek, EHUren udako ikastaroetan.
Gazteen artean teknologia libreen ezagutza zabaltzeko “Digitalizazio arduratsua” proiektua prestatzen ari dira Baionako Etxepare Lizeoa eta Iametza. Gipuzkoako Foru Aldundiaren “Ideiak2024” aurrekontu parte-hartzaileetara aurkeztu dute egitasmoa. Gaur da
Euskara eta euskal literatura, programaketatik ikasgelara jardunaldia antolatu dute elkarlanean Seaskak eta UEUk Baionan, Udako Ikastaroen barruan, eta bertan parte hartuko du Katixa Dolhare Zaldunbidek. Ezpeletan sortu zen 1982an, Lapurdin, eta familiarekin Nafarroa Beherean... [+]
Hezkuntzak aurreikuspena zuzendu eta onartu du institutuak Zientzia, Humanitate eta Gizarte Zientzien Batxilergoko lehen mailan bi talde izaten jarraitzea.
Ekain amaieran, Hezkuntza Sailak ehunka irakasle funtzionario izendatu ditu: praktikaldia egitea falta dute, bai eta, irailetik aurrera, mediku-azterketa ere.
Azkeneko deialdian, mediku-azterketa azpikontratatu egin zuen Hezkuntza Sailak. Azpikontratatu zuenean,... [+]
Zein egitura behar ditugu herrian, haurrek herriko erabakietan parte har dezaten edota beharren bat badute bideratzen jakin dezaten? Galderari tiraka esperientzia pilotua egin dute lau herritan eta emaitza ezberdina izan da lauretan. Prozesua gidatu duen Oinherri Herri... [+]
Irakaslea zara eta lanordutan nahiz lanorduz kanpo, berehala erantzun beharreko mezuz josten zaituzte ikasleek, haien gurasoek, ikastetxeko zuzendaritzak, lankideek? Deskonexio digitalaren beharraz gogoetatu dugu, Aitor Idigoras irakaslearekin: "Ateak ixten eta mugak... [+]