PSOE irabazle, EH Bildu gora eta EAJk 100.000 boto galdu ditu
Egun osoa igaro ostean parte hartzea jaitsi egin zela esanez, posta bidezko botoak zenbatu direnean, ondorioztatu da, igo egin dela. Espainiako estatu mailan bi puntu igo da parte-hartzea. PSOE izan da irabazlea bototan Hegoaldean 375.963 botorekin, 64.604 irabazita. Bigarrena EH Bildu 328.676 botorekin, 51.055 irabazita. Hirugarren EAJ geratu da, 273.475 botorekin, 105.527 galduta. PP laugarren 184.470 (+79.586). Sumar bosgarren 167.417 botopaperekin (Podemosekin alderatuta, 71.029 gutxiago). Azkena, UPN: 48.880 botorekin. Kontutan hartu bhear da duela lau urte PP eta UPN elkarrekin aurkeztu zirela Navarra Suma koalizioan eta 99.078 boto eskuratu zituztela.
Bizkaian EAJk bi galdu ditu, EH Bildu eta PPren mesedetan.
Araban bana eskuratuko lituzkete PSE-EEk, EH Bilduk, EAJk eta PPk. Sumarrek galdu egin du Podemosen eserlekua.
Gipuzkoan bina eskuratu dituzte EH Bilduk, PSE-EEk eta EAJk. Sumarrek galdu egin du Podemosen eserlekua, PSE-EEren mesedetan.
Nafarroan PSNk bi eskuratu ditu, eta EH Bilduk, PPk eta UPNk bana. PP bototan UPNren aurretik geratu da. Sumarren eserlekua PSNk irabazi du.
Espainiako Gobernurako presidentegaia aukeratzeko elkarrizketak egin ditu Espainiako errege Felipe Borboikoak. Francina Armengolek, Espainiako Kongresuko Mahaiko presidenteak, jakinarazi du erregeak Feijóo aukeratu duela.
Mapa honetan ikus daitezke emaitzak udalerriz udalerri.
Eskuin muturreko ordezkariak adierazpen hauek egin ditu:
“EAJk balantze ona egiten du gaurko Hauteskunde Orokorretan lortutako emaitzen inguruan”, hasi du hitzartzea EAJko lehendakari Andoni Ortuzarrek. Adierazi du helburu nagusia lortu duela EAJk.
"Garaipena azkenekoz lortu genuenetik zazpi urtera, berriro irabazi ditugu hauteskunde orokorrak", adierazi du PPko presidentegai Alberto Núnez Feijóok. "Harro nago horregatik. Eskerrik asko!".
“Duela lau urte baino boto, eserleku eta portzentaje gehiago atera dugu”, azpimarratu du Pedro Sánchez Espainiako Gobernuko egungo presidenteak.
Arnaldo Otegik adierazpenak egin ditu EH Bilduren Donostiako egoitzan, 23:30 aldera. Oso pozik agertu da emaitzekin eta PP eta Voxek ez dezaten gobernatu, EH Bilduren babesa adierazi dio Sanchezen gobernuari.
Nagia ematen du, bai. Duela lau urte hauteskundeak errepikatu ziren tronurako bidea nola egin adosteko gai izan ez zirelako politikari profesionalak, eta medioen zein jendearen titular nagusia horixe izan zen orduan: nagia. Oraingoan ere beste hauteskunde batzuetatik zetozen... [+]
Yolanda Díaz Sumar-eko sortzaile eta buruak azpimarratu du “esperantzak beldurrari irabazi” diola, eta ziurtatu du astelehenetik aurrera elkarrizketak hasiko dituela “alderdi aurrerakoi eta demokratekin”, gobernua ahalbidetzeko.
SigmaDos etxearen arabera, PPk 145 eta 150 eserlekuren artean eskuratuko lituzke, eta Vox-ek 24 eta 27ren artean. Alegia, bien artean gehiengoa osatzeko (176) inkesta horren emaitzarik onenak beharko lituzkete. Aldiz, historikoki PPren aldera egin ohi duen GAD3 etxearen arabera,... [+]
2019ko hauteskundeekin alderatuta, parte-hartzeak behera egin du Araban, Bizkaian, Gipuzkoan eta Nafarroan. Aurten marka guztiak hautsi dituen posta bidezko botoa ez dago kontatuta. 14:00etako datuek zioten zuten parte-hartzeak gora egin zuela. Grafikoan, parte-hartzeak behera... [+]