PSE-EEn hauteskundeetako zerrendak osatzen ari dira eta alderdia ezpalak botatzen hasi da ezker-eskuin. Asteazken honetan Gemma Zabaletak politika utziko duela iragarri du. Araban berriz, bere burua “berritzaile” gisa definitu duen sektorearen ahotsa entzuten hasi da, zerrendetan legebiltzarkide izateko aukerak dituzten postuetan López eta bere ingurukoak bakarrik egon ez daitezen eskatuz.
Zabaleta PSEren txalupatik jaisteko arrazoia, lehendakariaren babes eza da Juan Mari Gastacak gaur El Paísen argitaratu duenez.
Baina artikuluan seinalatzen denez, alderdiaren EAEko adarrak Espainiakoarekin dauzkan harremanek ere izan dezakete zerikusirik erabakian: Zabaletak Carme Chaconen aldeko jarrera hartu zuen PSOEko idazkari nagusia hautatzeko prozesuan. Lópezek berriz, Rubalcaba babestu zuen eta horri esker Harreman Politikoetarako Idazkari kargua eskuratu zuen alderdiaren Espainiako egituran.
Arabari dagokionez, duela bi egun iragarri zuen Patxi Lópezek lurralde horretako zerrendaburu gisa aurkeztuko dela urriaren 21eko bozetara; EAEko lehendakaria bizkaitarra dela kontuan izanda, eta Araban legebiltzarkide bakoitza "merkeagoa" dela, pentsa liteke Lópezen irudia ustiatu nahi duela PSEk, inkestek aurreikusten duten boto galera hein batean biguntzeko.
Jokaldiak alderdi barruan ere mugimenduak ekarri ditu ordea: PSEn bere burua “berritzaile” gisa definitu duen sektore arabarrak modu inplizituan eskatu dio Lópezi ez ditzala bere sokakoak bakarrik sartu legebiltzarkide izateko aukerak dituzten postuetan. Korronte horren izenean, Juan Carlos Alonsok dio ez dutela uste alderdi barruan “purga” bat gertatuko denik. Gaur bilduko da Arabako alderdiaren zuzendaritza behin betiko zerrenden osaketa erabakitzeko eta adierazpenak PSEren aparatua presionatzeko modua dirudi.
Mugimendu horiei gehitu behar zaie Jesus Egiguren PSEko presidenteak politika uzteko adierazi duen borondatea. Angel Amigo zinema zuzendariaren Memorias de un conspirador dokumentalean zenbait alderdikide kritikatu ditu, “pertsona susmagarri” gisa hartu dutelako.
Ezagunak dira Egigurenek Lópezekin izan dituen desadostasunak, batez ere bakegintzaren alorrean. Aizarnako politikariak alderditik kanpo ere adierazi izan du lehendakaria ez dela behar bezainbeste engaiatu Euskal Herrian bakea lortzeko.
Bagira prozesuaren emaitza, Herri bidea bide-orria izan zen. Bide-orri honetan, abertzaleen helburua herriari boterea itzultzea dela aipatzen da, eta boterea itzultzeko, herriari burujabetza maila maximoa emanen dioten instituzioak herriari eskaintzea adierazten da. Zehazten da... [+]
Nekazaritza eta Elikadura Ekologikoaren Kontseilutik herritarrak animatu dituzte azoketan erostera eta ekoizleak gertutik ezagutzera. Uztailaren 29an Zigoitian izango dira, eta abuztuaren 23an, Zarautzen. Urriaren 27an amaituko dute udako denboraldia, Villabonan.
Hamas, Fatah, Palestina Askatzeko Herri Frontea, Palestinako Jihad Islamikoa eta beste hamar taldek hitzarmena sinatu dute, genozidioa amaitu ostean “Palestinako lurralde guztien” gaineko agintea izateko. “Okupazioaren aurka borrokatzeko” eskubidea dutela... [+]
Euskaltzaleen Topaguneko kideek euskara sustatzeko jarreren inguruko datu kezkagarriak hauteman dituzte. Hori dela eta, Gero eta aldeko gehiago gizartean ikerketaren bidez, herritarrak euskarara hurbiltzeko estrategia berriak landu dituzte. Horretaz mintzatu dira, apirilean,... [+]
1984ko urriaren 23an ETAren garaian Espainiako Barne Ministerioak onartutako aginduan, “arriskugarritasun eta nekagarritasun” kontzeptuengatik “ordainsari” bat zehaztu zuten Espainiako Polizia Nazional eta Guardia Zibilarentzat, “eremu... [+]
Ikusiker Ikus-entzunezkoen Behategiak Euskal Herriko Unibertsitateko (EHU) eta Nafarroako Unibertsitate Publikoko (NUP) 2.800 ikasleri egindako galdetegiaren arabera, plataforma digitaletan gazteek edukiak ez dituzte euskaraz kontsumitzen. Horrekin “arduratuta”... [+]
Ekida Arte Ekimen Sozialistak arte eskola antolatu du Donostian, asteazkenean hasi eta larunbatera bitartean. Paraleloki, lau egunez, bi formakuntza saio egingo dira: muralismoari eta arte bisualei buruzkoa bata; eta antzerkiari eta arte eszenikoei loturikoa bestea. Sarbidea... [+]
Arkaiako erromatarren eremu termalean San Tomas ibaiari loturiko azpiegitura hidrauliko handi bat aurkitu dute, baita lur azpian 3.000 metro koadroko eraikin bat ere, garai hartako etxalde batenak izan daitezkeen arrastoekin.
Lakuak bere eskumenei muzin egin die berriro langile publikoen dekretua Madrilen onartu aurretik??Hiru urtean, EAEko langile publikoek erosahalmena %6 galdu dute, sindikatuaren aburuz.
"Kereilatuei –Chorche Tricas eta Iker González kazetariak– egotzi eta iraingarritzat jotzen zaizkien artikuluak "adierazpen- eta informazio-askatasunaren barruan daude", eta Zaragoza en Común-eko zinegotzi Suso Domínguezen kasuan... [+]
Dimako Udalaren atzen osoko bilkuran, garagarrilaren 17an, Dimener Dimako Energia Barriztagarrien Komunitatearen estatutuak onartu eta Udala alkartearen kide laguntzaile izatea eztabaidatu eta onartu zen.
Palestinar errefuxiatuen kanpalekuen ondoko ur zikinetan Poliomielitis birusaren kontzentrazio altuak topatu dituzte. UNICEFek ohartarazi du “hondamendia” gertatzeko aukera asko daudela.