Protestak eta istiluak Grezian, poliziak hamasei urteko gazte bat buruan tirokatu ostean
Agente batek bi tiro eman dizkio gasolindegi batetik 20 euro ordaindu gabe ihesi zihoan Kostas Fragoulis gazteari, Tesalonikan. Baliteke Greziako autoritateak haren heriotza estaltzen aritzea.
Greziako poliziak hamasei urteko Kostas Fragoulis ijito gazteari bi tiro eman zizkion astelehen eguerdian. Tesalonikako gasolindegi batetik 20 euro gasolina ordaindu gabe ihes egiten ari zen nerabearen atzetik zihoan poliziaren unitate motorizatua, agenteak jaurtitako balak buruan jo zuenean.
Gertakaria zabaldu eta berehala, Tesalonikan bertan zein Atenas hiriburuan hainbat protesta antolatu ziren astelehenean zehar. Tesalonikan, 1.500 pertsona inguruk parte hartu zuten eragile ezkertiar eta anarkistek antolatutako manifestazioan. Poliziaren eta manifestarien arteko talkak izan ziren, eta gas negar-eragilea eta granada zorabiatzaileak jaurti zituzten polizia-indarrek. Sei lagun atxilotu zituzten protestaren ondoren.
Horren aurretik, erromani komunitateko ehun bat lagunek barrikadak jarri zituzten ustez mutila artatzen ari ziren Ippokrateio Ospitale Nagusiaren kanpoaldean. Orduan ere, granadak eta gas negar-eragileak erabili zituen haien aurka poliziak.
Atenasen ere zeresana eman du biolentzia polizialak, ehunka pertsonak parte hartu baitzuten hiriko erdigunean antolatu zen manifestazioan. Greziako ijito komunitateko kideek eta hainbat elkartek salatu zutenez, "ijitoen aurkako bazterkeria eta bortizkeria poliziala" da nagusi herrialdean. Iaz, poliziak 18 urteko ijito gazte bat hil zuen tiroz, eta hura ere gogoan izan dute, azken urteotan poliziarekin izandako liskarretan hil edo zauritu dituzten gainontzekoekin batera.
Hiriburuko Exarchia auzoan ere ehun lagun inguru bildu ziren Indar errepresiboen eta Estatuaren basakeriaren aurka lelopean. Han ere karga gogorrekin oldartu zitzaien polizia, eta manifestariek molotov koktelak zein harriak jaurtiz erantzun zieten.
2008ko oihartzunak
Oraingoz, ezezaguna da Fragoulisen egoera. Bertsio ofizialaren arabera, bala ateratzeko ebakuntza egin diote Tesalonikako ospitalean, eta "egoera kritikoan" legoke uneotan. Dena den, Greziako hainbat iturriren arabera, baliteke agintariak nerabearen heriotza ezkutatzen aritzea, asteartean hamalau urte bete baitira Atenasko poliziak Alexis Grigoropoulos hamabost urteko gaztea tiroz erail zuenetik. Data hauetan erailketa gogora ekartzeko manifestazio masiboak antolatu ohi direnez eta azken kasuaren larritasuna ikusita, agintari politikoek eta komunikabideek 2008koa bezalako matxinada orokor bat saihestu nahi dutela dirudi.
Egunean hamahiru orduz lan egitea ere legeztatuko dute 'Georgiadis Legea' delakoaren bidez, kaleratzeak eta "eskariaren araberako enpleguak" errazteaz gain. Langileek ezingo diote uko egin asteko seigarren lanegunari.
Ekainaren 16an Britainia Handiko BBC telebista kateak publiko egin duenez, Greziatik Europara joan nahi zuten pertsonak modu basatian hil izan dituztela frogatzen duten lekukotasunak bildu dituzte. Greziako uretatik irten eta brankatik behera itsasora bota dituzten bederatzi... [+]
2019an, Greziako Kasos uharteko uretan, ikerlan bat abiatu zuten Ikerketa Helenikoen Fundazio Nazionalak eta Greziako Kultura Ministerioak. Lanaren emaitza berriki jakinarazi dute: guztira, hainbat garaitako hamar ontzi-hondar aurkitu dituzte. Zaharrenak 5.000 urte inguru ditu... [+]
Greziako kostaldean joan den urteko ekainean 720 migratzaile zeramatzala hondoratutako itsasontziaren kasuari buruzko ikerketa publiko egin du Europako Herritarren Defendatzaileak. Azaldu duenez, Frontex erakundeak ez du nahikoa "tresnarik" egoera horietan bere... [+]
Berdinen arteko ezkontza legeztatzen duen lehenengo herrialde kristau ortodoxoa da.
Ez naiz Greziako Lesbosetik itzuli zaharra. Bertan, Mitilene-n, Zaporeak Elkarte euskaldunak 2.700 asilo eskatzaile ingururi egunean otordu bat eskaintzen die: arroza eta potajea, pita ogia eta fruta ale bana. Duintasunaren muga, 150 gramo errazioko. Arazoa da Kara-Tepeko... [+]
Egunean hamahiru ordurainoko lanaldiak eta sei eguneko lan asteak; alegia, 78 ordurainoko lan asteak. Horiexek dira Greziako Gobernuak, azken lan erreformaren barruan, legeztatu dituen gehienezko lan orduak. Aurreko ostiralean onartu zuten Kyriakos Mitsotakis lehen ministroak... [+]
Greziako Gobernuak ostegunean egingo du lege-proposamena Legebiltzarrean. Hamahiru orduko lanaldia legeztatzeaz gain, greba eskubidea ere urratu nahi du.
Tenperatura altuek eta lur eremu lehorrek eragin dituzte suteak asteartean. Ondorengo herrialdeak izan dira kaltetuenak: Kroazia, Aljeria, Tunisia, Siria, Italia, Grezia eta Frantzia. Azken orduetan, Portugalen eta Kanariar Uhartean ere zabaldu dira suteak.
Inoiz erregistratu diren tenperatura altuenak ekarri ditu bero-boladak, eta horrekin batera baso suteen arriskua areagotu da.
Gehiengo osoa lortu du Demokrazia Berria alderdi kontserbadoreak. Eskuin muturrak gora egin du, Espartarrak buru dituela eta Syrizaren "begi bistako porrota" aitortu du Alexis Tsiprasek. Abstentzioa %47,18koa izan da.
Titanic itsasontzia ikustera joan ziren turistek itsasoan galduta jarraitzen dute. AEBek eta Kanadak sekulako operazioa jarri dute martxan haiek erreskatatzeko. Greziako uretan, ordea, gutxienez 80 errefuxiatu topatu dituzte hilda, eta gutxienez 500ek jarraitzen dute desagertuta.
BBCk jaso duenez, asteazken goizean itsasontzia ez zen mugitu azken zazpi orduetan; kostazainek esan zutenaren arabera, ordu horietan Italiara bidean zihoan itsasontzia. Bederatzi atxilotuek gaur fiskaltzaren aurrean deklaratu beharko dute.
