Prostitutak bazterkeria egoeratik ateratzeko zer egin dezakete udalek?
Prostituzioan aritzen diren emakumeen kezka, behar eta arazoen inguruko azterlana egin dute Irunen, udalak eskatuta. Dagozkien eskubideak eskuratzeko zailtasunak dituztela agerian geratu da, eta eskubiderik ezak diskriminazio ugariren biktima izatera zigortzen dituela. Azterketaren ondorioekin lanean jarriko da orain udala: “Lehenengo pausoa izango da errolda sozialerako protokoloa berrikustea”.
Duela urtebete, diskriminazio anizkoitzari buruzko azterlana aurkeztu zuten Irunen, eta prostituzioan aritzen diren emakumeek diskriminazio maila handia sufritzen dutela berretsi zuen lanak. Horregatik, espresuki arlo horri lotutako azterketa eskatu zion Irungo Udalak Arrats elkarteari –prostituzioan aritzen diren emakumeekin hogei urte baino gehiago lanean darama elkarteak–.
Asteartean aurkeztu duten txostenaren arabera, prostituzioan dihardutenen %91 zis emakumeak dira, %7 emakume transexualak, eta %2 gizonak. Nagusiki 31-45 urte artean dituzte eta emakume gehienak Erdialdeko Amerikan eta Hego Amerikan jaioak dira. Erdiak baino gehiagok seme-alabak edota senideak dituzte beren ardurapean, oro har jaioterrian.
Elkarrizketatuen %49k lana mantendu nahi du eta %48k lana aldatu. Prostituzioan jarraitu nahi dutenek berau legeztatzea eta lan baldintza duinak izatea eskatu dute, eta jarraitu nahi ez dutenek, bestelako lanetan aritzeko eta prestazio ekonomikoak jasotzeko aukerak erraztea. Izan ere, elkarrizketatu guztiak bat datoz: eskubideak eskuratzeko zailtasunak dituzte (osasun txartel indibiduala, baliabide komunitarioak erabiltzeko aukera, paperak lortzeko aukera…) eta horrek haien estigma eta bazterketa egoera areagotzen du.
"%48k dio aukera balu utzi egingo lukeela, eta horretarako alternatibak behar ditu, administraziotik lagundu egin behar dugu bide horretan”
Eta orain, zer?
Prostituten egoera hobetzeko txostenak egiten dituen proposamenak ikusi eta “udaletik egin dezakeguna aztertzen ari gara”, azaldu dio ARGIAri Miren Echeveste Irungo Berdintasun zinegotziak: “Lehenengo pausoa izango da errolda sozialerako protokoloa berrikustea, ahal dugun neurrian emakume hauen errealitatera egokitzeko, erroldak ateak irekitzen dituelako bestelako prestazio, laguntza, programa eta abarretara jotzeko”. Echevestek garbi du, prostituten “zaurgarritasun maila txikitzea da helburua, esklusiotik ateratzea, beren bizitzari buruz erabakitzeko askatasuna izan dezaten”. Aipatu moduan %49k prostituzioan jarraitu nahi du, “baina %48k dio aukera balu utzi egingo lukeela, eta horretarako aukera eman behar zaio, alternatibak behar ditu, eta administraziotik lagundu egin behar dugu bide horretan, erronka hori dugu udaletik”.
Bestelako proposamenak ere jaso dituzte txostenean: hala nola, indarkeria matxistari aurre egiteko diptikoak –jarrera matxistak dituzten bezeroekin zailtasunak nabarmendu dituzte prostitutek, azterlanean–; transmisio sexualeko infekzioak detektatzeko probak egiteko aukera hirian; eta profesionalentzako prestakuntza, prostitutek jasaten duten estigma txikitzeko eta arreta hobetzeko.
Prostituzioan aritzera behartuta zeuden lau emakume askatu dituzte Donostian eta Gasteizen, eta giza salerosketa leporatu diete operazioan atxilotutako bi emakume eta gizon bati. Biktimen salaketari esker hasi zuen ikerketa Ertzaintzak. Atxilotuak Ertzain-etxera eraman dituzte... [+]
Araba, Bizkaia eta Gipuzkoan 5.158 emakume eta Nafarroan 817 ari dira prostituzioan, orotara 5.975, Espainiako Gobernuaren Genero Indarkeriaren Aurkako Ordezkaritzak emandako datuen arabera. Espainiako Estatuan, 18 urtetik gorako emakumeen %0,56 ari da prostituzioarekin... [+]
Ertzaintzak bi emakume atxilotu ditu Gasteizen, eta hirugarren bat ikerketapean dago, prostituzio-delituak egotzita. Haien klubean aritzen ziren emakumeek esplotazio-baldintzetan lan egiten zuten, Ertzaintzaren arabera.
Ogibidea eta izatea bereizi ezin bizi da Carolina Clemente (Bartzelona, 1985). Sexu langilea da, eta duela hiru urte Donostiara etorri zen lanera eta bizitzera: «Euskaldunok duzuen indarra gustatzen zait, antolatzeko eta protestarako. Nire estigma borrokatzeko inspirazio... [+]
Haien ia biktima guztiak egoera irregularrean dauden atzerritarrak dira, bizirauteko euren borondatearen kontra prostituitu behar izan direnak.
Irailaren 14tik aurrera, bost gizon eta bi emakume epaituko dituzte, talde espainiar-venezuelar bateko ustezko kideak, ustez egunean 24 orduz, astean zazpi egunetan, Donostiako pisuetan “edozein motatako sexu zerbitzuak” ematera behartzen zituzten Venezuelako zazpi... [+]
Puta zikinak liburua sexu langileen baldintza materialez, burutazioez, antolakuntzaz eta problemez mintzo da. Nerea Fillatek eta Hedoi Etxartek, Katakrak argitaletxeko editoreek, Iruñean aurkeztu dute liburua.
Katakrak argitaletxearen Puta zikinak liburuaren kontra oldartu da CAPP Collectif Abolition Porno Prostitution kolektibo feminista Baionan, Elkar liburudendan. Juno Mac eta Molly Smith idatzi liburuaren azalak urratu eta "Prostituzioa: bezeroak, bortxatzaile... [+]
Sexu-lanaren gaineko eztabaida pil-pilean dago berriro ere mugimendu feministaren barruan. Batzuek iritzi argiak dauzkate, beste batzuek ez dakite oso ondo nola kokatu. Lynzi Armstrong ikertzailea Donostian izan zen azaroan bere azken liburua aurkezten, eta haren azalpenak... [+]
Euskadiko prostituzioari buruz Emakundek argitaratu duen azken txostenak emakumeengan jarri du arreta berriro, eta negozioa mugitzen duten enpresaburuen papera gutxietsi du. La trata de mujeres y niñas con fines de explotación sexual en Euskadi: necesidades y... [+]
Etxeko langileak gainontzeko langileekin parekatzen dituen legea egiteko asmo dagoela txalotu zuten Madrilen, Espainiako Parlamentuan. Han zeuden langileek esan zutenez, urteetako borroka aldarrikatzeko jo zituzten txaloak. Erabakia oraingoz konpromiso bat da, lege bihurtzeko... [+]
300 euroren truke proxeneta bati saldua izan zen Amelia Tiganus (Galati, Errumania, 1984), 18 urte zituela. Bost urtez prostituzioan aritu zen klubez klub eta Gipuzkoako putetxe bat izan zen ibilbide hartako azkena. Tolosaldean bizi da geroztik. Egun, prostituzioaren... [+]
1977ko azaroaren 9an, María Isabel Velasco Gutierrezen gorpua aurkitu zuten Basauriko presondegiko ziega batean, kiskalita. 23 urte zituen. Istripua, arduragabekeria edo hilketa izan ote zen argitzeko dago oraindik. Velascoren kideek
–Bilboko Gorte kaleko... [+]
Proxeneta eta prostituzio kontsumitzaileei isun handiagoak jartzea du helburu legeak.