Propoliz ondutako izokina egiten ikasi nahi?
Erlezaintza dastatzeko hona errezeta: propoliz ondutako izokina pipermin eztiaz eta limoi erre kremaz.
Erlezainak garela esaten dugunero, erantzun bera, eztia. Eztia egiten duzu edo eztirik gelditzen al zaizu? Estereotipo hutsean erorita, erlezaina=eztia.
Zorionez, erlezaintza hau baina gehiago da. Ziklo bat, neguko geldialditik udazken bitarteko zikloa. Ziklo horretan naturak eragina du, erlea eta naturaren arteko sinergiari esker beste hainbat produktu ere ekoizten baititu erleak: loreetatik eztia eta polen freskoa; landareetatik erretxina, propolia; erlearen sabelaldetik argizaria; erle gaztearen buruko guruinetatik, erregina-jelea eta bere eztenetik, apitoxina.
Produktu guztiek dituzte milaka erabilera, baina erlezaintza betidanik izan da oso tradizionala eta baita hauen erabilera ere: eztia jateko eta besteak botika egiteko. Baina zergatik mugatu soilik erabilera hauetara? Horixe da gure erronka, tradizioa mantendu baina lorik hartu gabe, erlauntzatik ateratako produktuei erabilera berriak ematea, bereziki gastronomiaren ikuspuntutik. Horregatik, gaur sukaldean sartuko gara.
Gaurko errezeta: Propoliz ondutako izokina limoi erre krema eta pipermin eztiarekin.
Osagaiak
Izokin ondua egiteko:
- Izokina 250 gr
- Gatza 300 gr
- Azukrea 150 gr
- Ezamihilua
- Propoli estraktua 15 ml
Limoi krema egiteko:
- Limoiak 3
Pipermin eztia egiteko:
- Piper lehorra 1
- Eztia 50 gr
Nola prestatu
Hasteko, ontzi batean gatza, azukrea eta ezamihilua nahastuko ditugu. Ondoren, ontzi zabal batean azukre eta gatzaren nahasketa erdia zabalduko dugu. Izokin puska propoli estraktuarekin igurtziko dugu eta ondoren gazta eta azukre nahasketaren gainean jarriko dugu. Nahasketaren beste erdia gainetik bota izokina ondo estali arte. Hozkailuan mantentu 24 orduz.
Limoi krema egiteko: labea 200ºC-tan berotuko dugu eta ondoren limoiak zilar paperean estalita labean sartuko ditugu eta 90 minutuan izango ditugu bertan erretzen. Ondoren, sukaldeko robotarekin irabiatu eta iragazkiarekin iragazi.
Pipermin eztia egiteko: baratzean gorritzen utzitako piperra hartu eta zartagian gorrituko dugu minutu batez eta ondoren, barruko haziak hustuko dizkiogu. Labanarekin edo sukaldeko robotaren laguntzaz ondo birrindu. Piper birrindua eztiari gehitu eta ondo nahastu.
Prestaketa guztiak egin ondoren, aurkezteko iradokizuna: izokina gatz eta azukre nahasketatik atera, uretan garbitu eta ondo lehortuko dugu. Tamaina erdiko laukitan moztuko dugu. Platerean ezarriko ditugu pare bat lauki, eta sukaldeko pintzelarekin pipermin eztiaz igurtziko dugu izokina. Gainetik, limoi erre kremarekin puntu bat egingo diogu eta amaitzeko ezamihilu puska batekin apainduko dugu.
Erlezaintza dastatzera!
2009an sortu zen Ja(ki)tea elkartea zenbait jatetxe, sukaldari eta gastronomia kritikariren arteko elkarlanetik. “Hasiera hartan, Gipuzkoako 14 bat jatetxe elkartu ginen, baina pixkanaka hazten joan da proiektua, eta gaur egun 37 gara”, azaldu du Xabier Zabaletak,... [+]
Modan daude azken urteotan sukaldaritzako saioak, telebistako edozein katetan topa ditzakegu horietako asko. Baina, errezetak aurkezteko orduan, kontuan hartzen al dute saiook erabiltzen dituzten lehengaiak non, nola eta zein baldintzatan ekoizten diren? Argi dago ezetz…... [+]
Bertako sukaldaritzari astindua eman nahi dio Iñaki Andradas sukaldariak, eta ikusten denez, bere proposamenek ez dute inor epel uzten. Sanfermin hauetan festa jateko moduan eskainiko digu Mikel Urmeneta marrazkilariarekin batera abian jarri duen denda berrian.
Hitza, kantua eta musika batu ditu igande eguerdian, Felix Sarasolaren alde Usurbilgo frontoian ospatu den herri omenaldi hunkigarriak. Felixen bizitza irudikatuz, Kuba eta Euskal Herrira joan etorrian ibili da omenaldia, ozenoaren bi aldeak elkartu ditu, eta omenduak hain... [+]
Habanako Bonbilla Berdean omenaldia egin diogu Felixi Santo Tomas egunean, urtero bazkaria antolatzen zuen egun berean. Ruper Ordorikaren Lagunaren heriotza entzun dugu lehenengo, Luigi Anselmiren letrarekin:
Abenduaren 16an 72 urterekin hil zen Usurbilen (Gipuzkoa) Pelix Sarasola sukaldari eta euskal kulturzale ezaguna. Sorterrian egin zaizkion azken agurrez gain, oroimenezko ekitaldi hunkigarria eskaini diote Habanan bai bertan diren euskaldunek eta bai Pelixen bitartekaritzarekin... [+]
Baratxuriaren sasoia hemen da. Baratxuria ereiteko sasoia. Bere uztarena geroago izango da, eta hura buruan ekin behar lanari. Burua buruan, baratxuriarena zeurean. Baina denok ez dugu baratxuriaren burua helburu. Gero eta maizago ikusten da baratzeetan berdetarako ereindako... [+]