“Boterea handia da, baina jendearen ahala mugarik gabekoa da”
Hankak Lurrin irratsaioa, irizpiderik gabe, prestakuntzarik gabe, seriotasunik gabe, lanketarik gabe, ordenarik eta txukuntasunik gabe, teknikoa kristal baten atzera kondenatu gabe, eta ia nahi gabe egiten dela HL, eta saririk gabe ere berdin-berdin egingo zela, eta egingo dela. Eta arrazoia berek ateratako kamisetan aurkitu du: "Ahala Handia da" daramate idatzita Xabier Arenazak eta Iñaki Segurolak. " Boterea handia da, baina jendearen eta edonoren ahala ere orobat dela handia eta muga jakinik gabea".
Miel Rodriguez Soreasu kideak bideo batean hitz egin du, kanpoan suertatu baita, sariak eman dion poza adieraziz.
Segurolak esan du bide eder bat egin duela handitik txikira (irrati ofizial batetik irrati koxkor batera), eta bere ustez, bizian egin daitezkeen bide interesgarri guztiak ez direla txikitik handirakoak eta behetik gorakoak, baizik-eta kontrakoak: txikirakoak eta goitik beherakoak ederragoak direla maiz.
Xabier Arenazak Arrosa Sarearen garrantzia azpimarratu du, Euskal Herriko irrati librean sare horri esker direlako posible Hankak Lurrin bezalako irratsaioak eta Kontrako Eztarrixeren moduko irrati libreak.
Usurbilgo Atxega jatetxean bazkaldu ostean, 2019an ARGIAren mendeurrena ospatzeko egin ditugun ekitaldien bideoa ikusi dugu, eta jarraian ARGIAko lantaldearen izenean diskurtsoa irakurri du Mikel Garcia Idiakez lankideak. Ondoren banatu ditugu ARGIA Sariak.
“Gladys eta antinuklearrez hitz egitea Euskal Herriko konplexutasunaz hitz egitea da”
Argia Sariek emandako aukera aprobetxatu nahi izan dute apustu-etxeen aurkako mugimenduko eragileek, euren mezua zabaltzeko: "Borrokan jarraitzea da arazoa amaitzeko bidea".
ARGIA 2020ko Internet Saria babesle guztiei eskaini die Maite Rementeriak CodeSintax enpresako lantaldearen izenean. "Aste bakoitzeko sariak ematen zenbait ekimen izan ditugu sustatzaile, batzuk komertzialak, eta besteak herri-ekimenak, eta uste dugu... [+]
"Kultura egin nahi genuen, baina instituzio eta abarretatik esan ziguten behin eta berriz ezetz, gu ez ginela kultura, gu feriante ginela; azkenean feriante izatea erabaki genuen, eta oso pozik gaude –adierazi du Iker Galartzak umoretsu, saria... [+]
Bazkaldu baino lehen familia argazkia Atxega jauregiaren atarian. Familia argazkiaz gain, Argia Sarien ospakizuneko argazki-erreportajea egin du Dani Blancok.